നാട്ടുവാര്‍ത്തകള്‍

ഹാത്രാസില്‍ ലൈംഗിക പീഡനത്തിനിരയായ പെണ്‍കുട്ടിയുടെ പിതാവിനെ പ്രതി വെടിവെച്ചു കൊന്നു
ഉത്തര്‍പ്രദേശിലെ ഹാത്രാസ് ജില്ലയില്‍ ലൈംഗിക പീഡനത്തിനരയായ പെണ്‍കുട്ടിയുടെ പിതാവിനെ പ്രതി വെടിവെച്ച് കൊന്നു. പെണ്‍കുട്ടിയെ പീഡിപ്പിച്ച ഗൗരവ് ശര്‍മ്മ എന്ന പ്രതിയാണ് വെടിവെച്ചത്. പൊലീസ് ക്‌സറ്റിഡിയില്‍ നിന്നും പുറത്തു വന്ന ഗൗരവ് ശര്‍മ്മ പെണ്‍കുട്ടിയുടെ പിതാവുമായി തര്‍ക്കത്തിലേര്‍പ്പെടുകയും ഇതിനിടയില്‍ ഗൗരവ് ശര്‍മ്മ വെടിയുതിര്‍ക്കുകയുമായിരുന്നു. ക്ഷേത്രത്തില്‍ വെച്ചാണ് പെണ്‍കുട്ടിയുടെ പിതാവിന് വെടിയേറ്റത്. സംഭവത്തെ പറ്റി പൊലീസ് പറയുന്നതിങ്ങനെ : തിങ്കളാഴ്ച വൈകുന്നേരം പീഡനത്തിരയായ പെണ്‍കുട്ടിയും ഗൗരവ് ശര്‍മ്മയും ഭാര്യയും ആന്റിയും അമ്പലത്തില്‍ വെച്ച് കണ്ടു മുട്ടി. ഇവര്‍ തമ്മില്‍ കേസിനെ ചൊല്ലി വാക്കേറ്റവും നടന്നു. പിന്നാലെ പെണ്‍കുട്ടിയുടെ പിതാവും ഗൗരവ് ശര്‍മ്മയും സംഭവസ്ഥലത്തെക്കുകയും ഇരുവരും തമ്മില്‍ തര്‍ക്കം ഉടലെടുക്കുകയുമായിരുന്നു. ഇതിനിടെ ഒരു സംഘമാളുകളെ വിളിച്ചെത്തിയ ഗൗരവ് ശര്‍മ

More »

പൊലീസുകാരന് സസ്‌പെന്‍ഷന്‍; ദേഷ്യം തീര്‍ക്കലെന്ന് ആരോപണം, ഡിസിപി ഐശ്വര്യ വീണ്ടും വിവാദത്തില്‍
കൊച്ചി :പാറാവു നിന്ന പൊലീസ് ഉദ്യോഗസ്ഥ തിരിച്ചറിഞ്ഞില്ലെന്ന കാരണത്താല്‍ ഇവര്‍ക്കെതിരെ നടപടിയെടുത്ത് വിവാദത്തിലായ കൊച്ചി ഡിസിപി ഐശ്യര്യ ഡോങ്‌റെ വീണ്ടും വിവാദത്തില്‍. കളമശേരി പൊലീസ് സ്റ്റേഷനിലെ സിവില്‍ പൊലീസ് ഉദ്യോഗസ്ഥന്‍ പിഎസ് രഘുവിനെ സസ്‌പെന്‍ഡ് ചെയ്ത നടപടിയാണ് വിവാദമായിരിക്കുന്നത്. പിഎസ് രഘുവിന്റെ നേതൃത്വത്തില്‍ കളമശേരി പൊലീസ് സ്റ്റേഷനില്‍ ടീ വൈന്‍ഡിംഗ് മെഷീന്‍ ഉള്‍പ്പെടെ സ്ഥാപിച്ചതിനു പിന്നാലെയാണ് നടപടി. പൊലീസ് സ്റ്റേഷന്‍ ജനസൗഹൃദമാക്കുന്നതിന്റെ ഭാഗമായി സ്റ്റേഷനിലെത്തുന്നവര്‍ക്ക് ചായയും ബിസ്‌കറ്റും തണുത്ത വെള്ളവും നല്‍കുന്ന പദ്ധതി നടപ്പാക്കിയതിനു ഉയര്‍ന്ന ഉദ്യോഗസ്ഥരില്‍ നിന്നുവരെ അഭിനന്ദനമെത്തിയിരുന്നു. സംസ്ഥാനത്ത് ആദ്യമായാണ് ഇത്തരമൊരു പദ്ധതി. എന്നാല്‍ പദ്ധതി നടപ്പാക്കി ഉച്ചയോടെ പദ്ധതിക്കു മുന്നില്‍ നിന്ന പിഎസ് രഘുവിന് സസ്‌പെന്‍ഷന്‍ അടിച്ചുകിട്ടുകയായിരുന്നു .

More »

മുഖ്യമന്ത്രിയും മന്ത്രിമാരും ഉടന്‍ വാക്‌സിന്‍ സ്വീകരിക്കുമെന്ന് ആരോഗ്യമന്ത്രി ശൈലജ
കണ്ണൂര്‍ : മുഖ്യമന്ത്രിയും മന്ത്രിമാരും ഉടന്‍ കൊവിഡ് വാക്‌സിന്‍ സ്വീകരിക്കുമെന്ന് ആരോഗ്യമന്ത്രി കെകെ ശൈലജ. വാക്‌സിനേഷനായി സംസ്ഥാനം സജ്ജമായിക്കഴിഞ്ഞെന്നും പ്രധാനമന്ത്രി വാക്‌സിന്‍ സ്വീകരിച്ചതില്‍ സന്തോഷമെന്നും മന്ത്രി കണ്ണൂരില്‍ പറഞ്ഞു. മുഖ്യമന്ത്രി വാക്‌സിന്‍ സ്വീകരിക്കുമെന്നും ആരോഗ്യമന്ത്രി പറഞ്ഞു. വാക്‌സിനേഷന്‍ സമ്പന്ധിച്ച ആശങ്കകള്‍ അകറ്റിനിര്‍ത്തുന്നതിനായി ആദ്യം കുത്തിവെപ്പെടുക്കാന്‍ തനിക്ക് ആഗ്രഹമുണ്ടായിരുന്നു. എന്നാല്‍ അവസരം വരാന്‍ കാത്തിരിക്കുകയായിരുന്നു. ഇനി അതാവാം. താനും ഉടന്‍ വാക്‌സിന്‍ സ്വീകരിക്കും. വാക്‌സിന്‍ എടുക്കുന്നതിനായി സംസ്ഥാനത്തെ മന്ത്രിമാരും ജനപ്രതിനിധികളും നേരത്തെ തയ്യാറായിരുന്നു. എന്നാല്‍ ജനപ്രതിനിധികള്‍ ആരോഗ്യപ്രവര്‍ത്തകര്‍ക്കൊപ്പം വാക്‌സിന്‍ എടുക്കേണ്ടതില്ലെന്നായിരുന്നു പ്രധാനമന്ത്രി യോഗത്തില്‍ നല്‍കിയ നിര്‍ദ്ദേശം. ജനപ്രതിനിധികള്‍ക്ക്

More »

നിയമസഭാ തിരഞ്ഞെടുപ്പില്‍ സെലിബ്രിറ്റി പോരാട്ടം
ആസന്നമായ നിയമസഭാ തെരഞ്ഞെടുപ്പില്‍ എല്ലാ മുന്നണികളും കൂടുതല്‍ സെലിബ്രിറ്റികളെ രംഗത്തിറക്കും. വിജയം നേടാന്‍ എല്ലാ വഴികളും തേടുന്നതിന്റെ ഭാഗമായാണ് ഈ തന്ത്രവും. ഇക്കുറി സിനിമാ ലോകത്തു നിന്ന് കൂടുതല്‍ മത്സരാര്‍ത്ഥികള്‍ ഉണ്ടാവും. മത്സരിക്കാത്തവര്‍ പ്രചാരണത്തിനിറങ്ങും. സിറ്റിംഗ് എംഎല്‍എ മാരായ മുകേഷും ഗണേഷും ഇക്കുറിയും മത്സരിക്കും. ഇതിനു പുറമെ സിനിമാ -മാധ്യമ രംഗത്തെ ചിലരും മത്സരിക്കാനിറങ്ങും എന്നാണ് പുറത്തുവരുന്ന വിവരങ്ങള്‍. നടി പാര്‍വതിയുടെ പേര് ഇടയ്ക്കു ഉയര്‍ന്നു കേട്ടെങ്കിലും നടിയതു നിഷേധിച്ചു. സിപിഎം ശക്തി കേന്ദ്രമായ കോഴിക്കോട് നോര്‍ത്തില്‍ സംവിധായകന്‍ രഞ്ജിത്ത് മത്സരിക്കും എന്നാണ് സൂചന. സ്ഥാനാര്‍ത്ഥി ചര്‍ച്ചയുടെ ആദ്യഘട്ടത്തില്‍ തന്നെ രഞ്ജിത്തിന്റെ പേര് ഉയര്‍ന്നിരുന്നു. ഇപ്പോഴത് ധാരണയില്‍ എത്തിയിരിക്കുകയാണ്. ഔദ്യോഗിക പ്രഖ്യാപനം ഉടന്‍ ഉണ്ടായേക്കും. മൂന്നു തവണ മത്സരിച്ചവര്‍

More »

നടിയെ ആക്രമിച്ച കേസ്: വിചാരണയ്ക്ക് ആറു മാസം കൂടി; ഇനി നീട്ടില്ലെന്ന് സുപ്രീം കോടതി
ന്യൂഡല്‍ഹി : കൊച്ചിയില്‍ നടിയെ തട്ടിക്കൊണ്ടുപോയി ആക്രമിച്ച കേസിലെ വിചാരണ പൂര്‍ത്തിയാക്കാന്‍ ആറു മാസത്തെ സമയം കൂടി സുപ്രീം കോടതി അനുവദിച്ചു. വിചാരണ കോടതി ജഡ്ജിയുടെ ആവശ്യം പരിഗണിച്ചാണ് കോടതി നടപടി. പ്രത്യേക വിചാരണ കോടതി ജഡ്ജി ഹണി എം വര്‍ഗീസ് നല്‍കിയ ഹര്‍ജി ജസ്റ്റിസ് എ എം ഖാന്‍വില്‍ക്കര്‍ അധ്യക്ഷനായ ബെഞ്ചാണ് പരിഗണിച്ചത്. ഇപ്പോഴത്തേത് അവസാനത്തെ നീട്ടലാണെന്നും ഇതില്‍ കൂടുതല്‍ സമയം നല്‍കില്ലെന്നും കോടതി വ്യക്തമാക്കി. വിചാരണ പൂര്‍ത്തിയാക്കാന്‍ ആറ് മാസത്തെ സമയം കൂടി നല്‍കണമെന്നാവശ്യപ്പെട്ട് വിചാരണ കോടതി ജഡ്ജി കഴിഞ്ഞദിവസം സുപ്രീം കോടതിയില്‍ കത്ത് നല്‍കിയിരുന്നു. പ്രോസിക്യൂഷന്റെ ട്രാന്‍സ്ഫര്‍ പെറ്റിഷനുകളും, പ്രോസിക്യുട്ടര്‍ ഹാജരാവാത്തതിനാലുമാണ് നിര്‍ദേശിച്ച സമയത്തിന് ഉള്ളില്‍ വിചാരണ പൂര്‍ത്തിയാക്കാന്‍ കഴിയാത്തതെന്ന് എന്ന് പ്രത്യേക കോടതി ജഡ്ജി സുപ്രീം കോടതിക്ക് കൈമാറിയ കത്തില്‍

More »

കോവിഡ് വാക്‌സിന്‍ സ്വീകരിച്ച് മോഡി: വാക്‌സിന്‍ സ്വീകരിക്കാന്‍ ആഹ്വാനം
ന്യൂഡല്‍ഹി : പ്രധാനമന്ത്രി നരേന്ദ്ര മോഡി കോവിഡ് വാക്‌സിന്റെ ആദ്യ ഡോസ് സ്വീകരിച്ചു. എയിംസില്‍ നിന്നുമാണ് ആദ്യ ഡോസ് സ്വീകരിച്ചത്. അറുപത് വയസിന് മുകളിലുള്ളവര്‍ക്ക് കോവിഡ് വാക്‌സിനായി ഇന്ന് മുതല്‍ രജിസ്‌ട്രേഷന്‍ ആരംഭിക്കാനിരിക്കെയാണ് മോഡി വാക്‌സിന്‍ സ്വീകരിച്ചിരിക്കുന്നത്. മോഡി തന്നെയാണ് വാക്‌സിന്‍ സ്വീകരിച്ച വിവരം ട്വിറ്ററിലൂടെ പുറത്തുവിട്ടത്. ‘എയിംസില്‍ നിന്നും കോവിഡ്-19 ആദ്യ വാക്‌സിന്റെ ആദ്യ ഡോസ് സ്വീകരിച്ചു. കോവിഡ്-19നെതിരായ പോരാട്ടം ശക്തിപ്പെടുത്താനായി നമ്മുടെ ഡോക്ടര്‍മാരും ശാസ്ത്രജ്ഞരും എത്ര ചടുലമായാണ് പ്രവര്‍ത്തിച്ചത്. 'വാക്‌സിന്‍ സ്വീകരിക്കാന്‍ കഴിയുന്ന എല്ലാവരോടുമായി ഞാന്‍ അഭ്യര്‍ത്ഥിക്കുകയാണ്. വരൂ, നമുക്ക് ഒത്തൊരുമിച്ച് ഇന്ത്യയെ കൊവിഡ്-19 മുക്തമാക്കാം,' പ്രധാനമന്ത്രിയുടെ ട്വീറ്റില്‍ പറയുന്നു. ഭാരത് ബയോടെക് വികസിപ്പിച്ച കോവാക്‌സീന്‍ പ്രധാനമന്ത്രി നരേന്ദ്ര മോഡി സ്വീകരിച്ചുവെന്ന

More »

സര്‍വേ ഫലങ്ങള്‍ എല്ലാം എല്‍.ഡി.എഫിന് അനുകൂലം, വിറളി പിടിച്ച് യു.ഡി.എഫ്
ഒന്നിന് പുറകേ ഒന്നായി വരുന്ന സര്‍വേ ഫലങ്ങള്‍ പ്രവചിക്കുന്നത് കേരളത്തില്‍ എല്‍.ഡി.എഫിന് ഭരണത്തുടര്‍ച്ച ഉണ്ടാകുമെന്ന്. ഏഷ്യാനെറ്റ് ന്യൂസ് -സീഫോര്‍ സര്‍വേ എല്‍.ഡി.എഫ് 78 സീറ്റ് നേടി അധികാരം നിലനിര്‍ത്തുമെന്ന് പ്രവചിച്ചതിന് തൊട്ടുപിന്നാലേയാണ് എ.ബി.പി-സീഫോര്‍ സര്‍വേ എല്‍.ഡി.എഫ വന്‍ ഭൂരിപക്ഷത്തോടെ അധികാരം നിലനിര്‍ത്തുമെന്ന് പ്രവചിക്കുന്നത്. യു.ഡി.എഫ് ക്യാമ്പിന്റെ ചങ്കു തകര്‍ക്കുന്നതാണ് ഈ പ്രവചനങ്ങള്‍. തദ്ദേശസ്വയം ഭരണ തെരഞ്ഞെടുപ്പ് ഫലത്തിന്റെ ചുവടുപിടിച്ചാണ് എല്ലാ പ്രവചനങ്ങളും. കേരളത്തില്‍ കോണ്‍ഗ്രസിനെ സംബന്ധിച്ച് ഏറെ നിര്‍ണായകമാണ് ഈ തെരഞ്ഞെടുപ്പ്. കാരണം കോണ്‍ഗ്രസിനെ രാജ്യത്തിന്റെ നാനാഭാഗത്തും ബി.ജെ.പി വിഴുങ്ങിക്കൊണ്ടിരിക്കെ, കോണ്‍ഗ്രസ് ഉള്‍പ്പെടുന്ന യു.ഡി.എഫിന് അധികാരം പിടിക്കാന്‍ കഴിയാതെ വന്നാല്‍ അത് കോണ്‍ഗ്രസിന്റെ തകര്‍ച്ചയിലേക്ക് നയിക്കും. ഒരു തരത്തില്‍ പറഞ്ഞാല്‍ കോണ്‍ഗ്രസ് നേതാക്കള്‍

More »

ആത്മഹത്യ കൂടി; ഓണ്‍ലൈന്‍ റമ്മികളി നിരോധിച്ചു സര്‍ക്കാര്‍ വിജ്ഞാപനമിറക്കി
തിരുവനന്തപുരം : സംസ്ഥാനത്ത് ഓണ്‍ലൈന്‍ റമ്മി സംസ്ഥാനത്ത് നിയമവിരുദ്ധമാക്കി സര്‍ക്കാര്‍ വിജ്ഞാപമിറക്കി. അടുത്തിടെ നിരവധി പേര്‍ ഓണ്‍ലൈന്‍ റമ്മിയില്‍ പണം നഷ്ടപ്പെട്ട് ആത്മഹത്യ ചെയ്തിരുന്നു. ഇതേത്തുടര്‍ന്ന് റമ്മി നിരോധിക്കണമെന്ന് ആവശ്യപ്പെട്ട് നിരവധി പരാതികളാണ് ലഭിച്ചത്. ഓണ്‍ലൈന്‍ ചൂതാട്ടത്തിനെതിരായ ഹര്‍ജിയില്‍ ചൂതാട്ട ആപ്പുകളുടെ ബ്രാന്‍ഡ് അംബാസിഡര്‍മാര്‍ക്ക് ഹൈക്കോടതി നോട്ടീസും അയച്ചിരുന്നു. ക്രിക്കറ്റ് താരം വിരാട് കോലി, സിനിമാ താരങ്ങളായ തമന്ന, അജു വര്‍ഗീസ് എന്നിവര്‍ക്കാണ് കോടതി നോട്ടീസ് അയച്ചത്.സംസ്ഥാന സര്‍ക്കാറിനോട് 10 ദിവസത്തിനുള്ള നിലപാട് അറിയിക്കാനും ഹൈകോടതി നിര്‍ദേശിച്ചിരുന്നു. ഇതിനു പിന്നാലെയാണ് റമ്മി നിരോധിച്ചത്. ഓണ്‍ലൈന്‍ റമ്മി കളി വലിയ വിപത്താണ് സമൂഹത്തില്‍ സൃഷ്ടിക്കുന്നതെന്നും കോടതി നിരീക്ഷിച്ചിരുന്നു. ഓണ്‍ലൈന്‍ റമ്മി കളി തടയണമെന്നും ചൂതാട്ട ആപ്ലിക്കേഷന്റെ പ്രവര്‍ത്തനം

More »

പൂഞ്ഞാര്‍ സ്ഥാനാര്‍ത്ഥിത്വം പ്രഖ്യാപിച്ച് പി.സി ജോര്‍ജ്; ഉമ്മന്‍ചാണ്ടിക്കെതിരെ വെളിപ്പെടുത്തലുകള്‍ നടത്തുമെന്നും ജോര്‍ജ്
ഈരാറ്റുപേട്ട : പൂഞ്ഞാറില്‍ നിന്നും പി.സി ജോര്‍ജ് വീണ്ടും ജനവിധി തേടും. കേരള ജനപക്ഷം സെക്യുലറിന്റെ പാര്‍ട്ടിയുടെ പേരിലാണ് മത്സരിക്കുന്നതെന്നും ചുവരെഴുത്തുകള്‍ ആരംഭിച്ചതായും ജോര്‍ജ് വാര്‍ത്താസമ്മേളനത്തില്‍ പറഞ്ഞു. അടുത്ത മാസം മൂന്നിന് കോട്ടയത്ത് ചേരുന്ന പാര്‍ട്ടി ഉന്നതാധികാര സമിതിയില്‍ മറ്റ് സ്ഥാനാര്‍ത്ഥികളും മണ്ഡലങ്ങളും പ്രഖ്യാപിക്കും. സംസ്ഥാനത്ത് ആദ്യമായി സ്ഥാനാര്‍ത്ഥിത്വം പ്രഖ്യാപിക്കുന്നത് ജോര്‍ജാണ്. ആര് പിന്തുണച്ചാലും സ്വീകരിക്കും. അതില്‍ കോണ്‍ഗ്രസെന്നോ സി.പിഎം എന്നോ എന്‍.ഡി.എ എന്നോ വ്യത്യാസമില്ല. ട്വന്റി20 മുന്നണിയുടെ പ്രവര്‍ത്തനം എല്ലാ മണ്ഡലത്തിലും വ്യാപിപ്പിക്കണമെന്നാണ് തന്റെ ആഗ്രഹം. രാഷ്ട്രീയത്തില്‍ മുന്‍നിരയില്‍ എത്താന്‍ കഴിയാത്ത വലിയൊരു വിഭാഗം ജനങ്ങളുണ്ട്. അവര്‍ക്ക് പിന്തുണ നല്‍കും. യു.ഡി.എഫ് ജിഹാദികളുടെ പിടിയിലാണ്. ജിഹാദികള്‍ പിന്തുണ നല്‍കുന്ന യു.ഡി.എഫുമായി ഒരു

More »

[1][2][3][4][5]
 

 
    © 2020 ukmalayalamnews.com All rights reserved. Powered by Phoenix Infoway