നാട്ടുവാര്‍ത്തകള്‍

കേരളത്തില്‍ ഇടതുമുന്നണിയ്ക്കു ഭരണത്തുടര്‍ച്ച പ്രവചിച്ച് സര്‍വേ ഫലങ്ങള്‍
തിരുവനന്തപുരം : കേരളത്തിന്റെ രാഷ്ട്രീയ ചരിത്രത്തിലാദ്യമായി തുടര്‍ഭരണം പ്രവചിച്ച് ഏഷ്യാനെറ്റ് ന്യൂസ് സീ ഫോര്‍ പ്രീ പോള്‍ സര്‍വേ ഫലം. എല്‍ഡിഎഫ് 72 മുതല്‍ 78 സീറ്റ് വരെ നേടി ഭരണം തുടരുമ്പോള്‍ യുഡിഎഫ് 59 മുതല്‍ 65 സീറ്റ് മാത്രം നേടി വീണ്ടും പ്രതിപക്ഷത്ത് ഇരിക്കുമെന്നും എന്‍ഡിഎ നിലമെച്ചപ്പെടുത്തി മൂന്ന് മുതല്‍ ഏഴ് സീറ്റ് വരെ നേടുമെന്നും പ്രീ പോള്‍ സര്‍വേ പ്രവചിക്കുന്നു. തെക്കന്‍ കേരളത്തില്‍ ഇടതുമുന്നണി 41 ശതമാനം വോട്ടോടെ 24 മുതല്‍ 26 സീറ്റ് വരെ നേടും. യുഡിഎഫിന് 12 മുതല്‍ 14 സീറ്റേ ഇവിടെ ലഭിക്കൂ. 37 ശതമാനമാണ് വോട്ട് വിഹിതം പ്രവചിച്ചിരിക്കുന്നത്. എന്‍ഡിഎക്ക് 20 ശതമാനം വോട്ട് വിഹിതം ലഭിക്കുമെന്നും ഒന്ന് മുതല്‍ രണ്ട് വരെ സീറ്റ് നേടാനാവുമെന്നും പ്രവചിക്കുന്നുണ്ട്. വടക്കന്‍ കേരളത്തില്‍ വ്യക്തമായ ആധിപത്യം ഇടതുമുന്നണി നിലനിര്‍ത്തുമെന്നാണ് സര്‍വേ ഫലം. 43 ശതമാനം വോട്ടോടെ 32 മുതല്‍ 34 വരെ സീറ്റ് ഇടതുപക്ഷം നേടും. യുഡിഎഫിന് 39 ശതമാനം

More »

വിദേശത്തുന്നെത്തിയ യുവതിയെ ആലപ്പുഴയില്‍ തട്ടിക്കൊണ്ടുപോയി, പാലക്കാട്ട് കണ്ടെത്തി
ആലപ്പുഴ : ആലപ്പുഴയില്‍ വീടാക്രമിച്ച് തട്ടിക്കൊണ്ടുപോയ വിദേശത്തുന്നെത്തിയ യുവതിയെ പാലക്കാട്ട് കണ്ടെത്തി. തട്ടിക്കൊണ്ടുപോയ സംഘം യുവതിയെ പാലക്കാട് വടക്കഞ്ചേരിയില്‍ റോഡില്‍ ഇറക്കിവിടുകയായിരുന്നു. വടക്കഞ്ചേരി പോലീസ് യുവതിയുമായി ആലപ്പുഴയിലേക്ക് തിരിച്ചു. തട്ടിക്കൊണ്ടുപോയ സംഘത്തെക്കുറിച്ച് യുവതി പോലീസിന് മൊഴി നല്‍കിയിട്ടുണ്ട്. പ്രതികളെ പോലീസ് തിരിച്ചറിഞ്ഞതായാണ് വിവരം. ആലപ്പുഴയിലെ മാന്നാറില്‍ കൊരട്ടിക്കാട് സ്വദേശി ബിന്ദുവിനെയാണ് തട്ടിക്കൊണ്ടു പോയത്. വീടിന്റെ വാതില്‍ തകര്‍ത്ത് യുവതിയെ ഒരു സംഘം ബലം പ്രയോഗിച്ച് തട്ടിക്കൊണ്ട് പോവുകയായിരുന്നുവെന്നാണ് റിപ്പോര്‍ട്ട്. പുലര്‍ച്ചെ രണ്ടരയോടെയായിരുന്നു സംഭവം. സ്വര്‍ണക്കടത്തുമായി ബന്ധമുള്ള സംഘമാണ് യുവതിയെ തട്ടിക്കൊണ്ട് പോയതെന്നാണ് പൊലീസിന്റെ സംശയം. 15 പേരടങ്ങിയ സംഘമാണ് സംഭവത്തിന് പിന്നിലെന്ന് കുടുംബം പറയുന്നു. വീടിന്റെ ഗെയ്റ്റ് തുറന്ന് അകത്തെത്തിയ സംഘം

More »

ആഴക്കടല്‍ മല്‍സ്യബന്ധനം: അമേരിക്കന്‍ കമ്പനിയുമായുള്ള കരാറില്‍ നിന്ന് സര്‍ക്കാര്‍ പിന്‍മാറുന്നു
മല്‍സ്യത്തൊഴിലാളികളുടെ പ്രതിഷേധം കനത്തതോടെ അമേരിക്കന്‍ കമ്പനിക്ക് ആഴക്കടല്‍ മല്‍സ്യബന്ധനത്തിന് അനുമതി ന ല്‍കുന്നതുമായി ബന്ധപ്പെട്ട വിവാദ ധാരണാപത്രം ദ്ദാക്കാന്‍ സര്‍ക്കാര്‍ തീരുമാനം. പ്രതിപക്ഷ നേതാവ് ഉയര്‍ത്തിയ ആരോപണം വന്‍ വിവാദമായി മാറിയതിനെ തുടര്‍ന്നാണ് ഈ തീരുമാനം. കേരള ഷിപ്പിങ് ആന്‍ഡ് ഇന്‍ലാന്‍ഡിങ് നാവിഗേഷന്‍ ഉദ്യോഗസ്ഥര്‍ക്ക് എതിരേ അന്വേഷണം നടത്താനും മുഖ്യമന്ത്രി ഉത്തരവിട്ടു. അമേരിക്കന്‍ കമ്പനിക്ക് മല്‍സ്യബന്ധനത്തിന് അനുമതി നല്‍കിയിട്ടില്ലെന്ന് കഴിഞ്ഞ ദിവസം മുഖ്യമന്ത്രിയും ഫിഷറീസ് മന്ത്രിയും വ്യക്തമാക്കിയിരുന്നു. യു.എസ്സ് ആസ്ഥാനമായ ഇ.എം.സി.സി എന്ന കമ്പനിയുമായി സംസ്ഥാന സര്‍ക്കാര്‍ ധാരണാപത്രം ഒപ്പിട്ടതായും കമ്പനിക്ക് നാലേക്കര്‍ സ്ഥലം അനുവദിച്ചുവെന്നുമായിരുന്നു ചെന്നിത്തല ഉന്നയിച്ച ആരോപണം. വ്യവസായ സംരംഭകരെ ആകര്‍ഷിക്കാന്‍ കൊച്ചിയില്‍ നടത്തിയ അസന്റ് 2020 ലാണ് ഇ.എം.സി.സി.യുടെ

More »

മധ്യപ്രദേശ് മുഖ്യമന്ത്രിയെ കൊതുക് കടിച്ചു; എഞ്ചിനീയര്‍ക്ക് കാരണം കാണിക്കല്‍ നോട്ടീസ്!
ഭോപാല്‍ : ഗസ്റ്റ് ഹൗസില്‍ തങ്ങിയ മധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാനെ കൊതുക് കടിച്ചതിനെ തുടര്‍ന്ന് പിഡബ്ല്യുഡി എക്‌സിക്യുട്ടീവ് എഞ്ചിനീയര്‍ക്ക് കാരണം കാണിക്കല്‍ നോട്ടീസ്. ചൗഹാന്‍ അന്തിയുറങ്ങാന്‍ എത്തിയ മുറിയില്‍ കൊതുക് എത്തിയതിനെ തുടര്‍ന്നാണ് ഡിവിഷണല്‍ കമ്മീഷണര്‍ രാജേഷ് കുമാര്‍ എഞ്ചിനീയര്‍ക്ക് ജെയ്ന്‍ നോട്ടീസയച്ചത്. ബസ് ദുരന്തത്തില്‍ മരിച്ചവരുടെ കുടുംബത്തെ കാണുന്നതിനായി സിദ്ധിയില്‍ എത്തിയ ബിജെപി മുഖ്യമന്ത്രി നേരം വൈകിയതിനെ തുടര്‍ന്നാണ് ഗസ്റ്റ് ഹൗസില്‍ തങ്ങാന്‍ തീരുമാനിച്ചത്. എന്നാല്‍ മുറിയില്‍ കൊതുകിന്റെ ശല്യം വര്‍ദ്ധിച്ചതിനെ തുടര്‍ന്ന് ഇദ്ദേഹം ജീവനക്കാരെ വിളിച്ചുവരുത്തുകയായിരുന്നു. വിഷയവുമായി ബന്ധപ്പെട്ട് എഞ്ചിനീയറെ സസ്‌പെന്‍ഡ് ചെയ്‌തെന്ന വാര്‍ത്തകള്‍ വന്നിരുന്നുവെങ്കിലും അത് ഡിവിഷണല്‍ കമ്മീഷണര്‍ നിഷേധിച്ചു. ഇയാള്‍ക്കെതിരെ നടപടി സ്വീകരിച്ചുകൊണ്ടുള്ള കത്ത് നേരത്തെ

More »

ഇടതുപക്ഷ സര്‍ക്കാര്‍ കടലും വിറ്റോ?
കേരളത്തിലെ മത്സ്യത്തൊഴിലാളികളെയും പരമ്പരാഗത മത്സ്യ മേഖലയെയും സര്‍ക്കാര്‍ വഞ്ചിച്ചോ ? അമേരിക്കന്‍ കമ്പനിയായ ഇഎംസിസിക്ക് കേരള തീരത്ത് മത്സ്യ ബന്ധനം നടത്താന്‍ അനുമതി നല്‍കിയതില്‍ വന്‍ അഴിമതി നടത്തിയെന്ന പ്രതിപക്ഷ നേതാവ് രമേശ് ചെന്നിത്തലയുടെ ആരോപണം കത്തിപ്പടരുകയാണ്. കടലും അമേരിക്കന്‍ കമ്പനിക്കു ഇടതുപക്ഷ സര്‍ക്കാര്‍ വിറ്റു തുലച്ചെന്ന ആരോപണമാണ് പ്രതിപക്ഷം ഉന്നയിക്കുന്നത്. ആഴക്കടല്‍ മത്സ്യബന്ധനത്തിന് അമേരിക്കന്‍ കുത്തക കമ്പനിയായ ഇ.എം.സി.സിയുമായി സംസ്ഥാന സര്‍ക്കാരുണ്ടാക്കിയ കരാറിന്റെ വിശദാംശങ്ങള്‍ പ്രതിപക്ഷ നേതാവ് രമേശ് ചെന്നിത്തല പുറത്തു വിട്ടിട്ടുണ്ട്. ഫിഷറീസ് മന്ത്രി മേഴ്‌സികുട്ടിയമ്മ വിഷയത്തില്‍ കമ്പനി ഉടമസ്ഥരുമായി ചര്‍ച്ച നടത്തുന്നതിന്റെ ചിത്രങ്ങള്‍ ആണ് രമേശ് ചെന്നിത്തല പുറത്ത് വിട്ടത്. ഇ.എം.സി.സി പ്രതിനിധികളുമായി മന്ത്രി മേഴ്‌സിക്കുട്ടിയമ്മ ചര്‍ച്ച നടത്തുന്നതിന്റെ ഫോട്ടോയും

More »

സഭാ ആസ്ഥാനങ്ങളിലേക്ക് രാഷ്ട്രീയ നേതാക്കള്‍ക്ക് പ്രവേശനമില്ലെന്ന കര്‍ശന നിലപാടുമായി യാക്കോബായ സഭ
തിരുവനന്തപുരം : സഭാ തര്‍ക്കത്തില്‍ നിയമ നിര്‍മ്മാണം നടത്താത്തതില്‍ പ്രതിഷേധവുമായി യാക്കോബായ സഭ. ഏത് പാര്‍ട്ടിയ്ക്ക് വോട്ട് ചെയ്യണമെന്ന് ഇപ്പോള്‍ പറയുന്നില്ലെന്ന് സഭാ പ്രതിനിധികള്‍ പറഞ്ഞു. ഭരണപക്ഷവും പ്രതിപക്ഷവും തങ്ങളെ ഒരുപോല അവഗണിച്ചെന്നും വരുന്ന നിയമസഭാ തെരഞ്ഞെടുപ്പില്‍ അത് പ്രതിഫലിക്കുമെന്നും സഭാ നേതാക്കള്‍ മാധ്യമങ്ങളോട് പറഞ്ഞു. ഇടതുപക്ഷ സര്‍ക്കാര്‍ അവകാശ സമരങ്ങളെ കണ്ടില്ലെന്ന് നടിച്ചു. നിയമസഭാ തെരഞ്ഞെടുപ്പില്‍ സ്വീകരിക്കേണ്ട നിലപാട് വരും ദിവസങ്ങളില്‍ പ്രഖ്യാപിക്കും. സഭാ ആസ്ഥാനങ്ങളിലേക്ക് രാഷ്ട്രീയ നേതാക്കള്‍ക്കും സ്ഥാനാര്‍ത്ഥികള്‍ക്കും പ്രവേശനമുണ്ടാകില്ല, സഭാ പ്രതിനിധികള്‍ പറഞ്ഞു. ഓര്‍ത്തഡോക്‌സ്-യാക്കോബായ സഭകള്‍ തമ്മിലുള്ള തര്‍ക്കം പരിഹരിക്കുന്നതിന് കരട് ബില്‍ വരെ സര്‍ക്കാര്‍ തയ്യാറാക്കിയിരുന്നു. പിന്നീട് ഇതില്‍ നിന്ന് പിന്മാറിയതില്‍ നിരാശയുണ്ടെന്ന് മെത്രാപ്പൊലീത്തന്‍

More »

ഇടുക്കിയില്‍ പ്ലസ്ടു വിദ്യാര്‍ഥിനി കുത്തേറ്റ് മരിച്ചു; പരിശോധനയില്‍ കോവിഡ്, ബന്ധുവിനായി തിരച്ചില്‍
ഇടുക്കി : ഇടുക്കി പള്ളിവാസല്‍ പവര്‍ഹൗസ് ഭാഗത്ത് പ്ലസ്ടു വിദ്യാര്‍ഥിനിയെ കുത്തേറ്റ് മരിച്ച നിലയില്‍ കണ്ടെത്തി. ബൈസണ്‍വാലി ഹയര്‍ സെക്കണ്ടറി സ്‌കൂള്‍ വിദ്യാര്‍ഥിനി രേഷ്മ (17) ആണ് കൊല്ലപ്പെട്ടത്. പെണ്‍കുട്ടിയുടെ മൃതദേഹം ഇന്ന് പോസ്റ്റുമോര്‍ട്ടത്തിനായി കോട്ടയം മെഡിക്കല്‍ കോളജിലേക്ക് കൊണ്ടുപോകും. രേഷ്മ കോവിഡ് പോസിറ്റീവായതിനാല്‍ തുടര്‍നടപടികള്‍ വൈകുകയാണ്. ഇതിനാല്‍ വിശദമായ മൃതദേഹ പരിശോധന ഉള്‍പ്പെടെയുള്ള നടപടികള്‍ വൈകുകയാണ്.വെള്ളിയാഴ്ച സ്‌കൂള്‍ സമയം കഴിഞ്ഞിട്ടും കുട്ടി വീട്ടില്‍ തിരിച്ചെത്താതിരുന്നതിനെ തുടര്‍ന്ന് മാതാപിതാക്കള്‍ വെള്ളത്തൂവല്‍ പോലീസില്‍ പരാതി നല്‍കിയിരുന്നു. വിശദമായ അന്വേഷണത്തില്‍ പള്ളിവാസല്‍ പവര്‍ഹൗസ് ഭാഗത്ത് പെണ്‍കുട്ടിയെ കണ്ടതായി പോലീസിന് വിവരം ലഭിച്ചു. പെണ്‍കുട്ടിക്കൊപ്പം അനു എന്ന ബന്ധു ഉണ്ടായിരുന്നുവെന്നും സമീപത്തെ ഓട്ടോറിക്ഷ തൊഴിലാളികള്‍ പോലീസിനെ അറിയിച്ചിരുന്നു.

More »

മുഖ്യമന്ത്രിയാകാന്‍ റെഡി: ഇ ശ്രീധരന്‍
മലയാളികളെ അമ്പരപ്പിച്ച തീരുമാനമായിരുന്നു 'മെട്രോമാന്‍' ഇ ശ്രീധരന്‍ ബിജെപിയിലേക്ക് എന്നത്. കേരളത്തില്‍ രാഷ്ട്രീയ ഭേദമന്യേ ആദരിക്കുകയും അംഗീകരിക്കുകയും ചെയ്യുന്ന ഒരാള്‍ 89 വയസിലേയ്ക്ക് കടക്കുമ്പോള്‍ ബിജെപിയില്‍ ചേരുന്നുവെന്നത് കൗതുകകരമായിരുന്നു. കാരണം 75 വയസ് കഴിഞ്ഞവര്‍ക്കു രാഷ്ട്രീയ വനവാസം വിധിച്ച ബിജെപിയിലൂടെ ശ്രീധരന്‍ മത്സരിക്കുന്നു എന്നതും വിരോധാഭാസമാണ്. ബിജെപിയില്‍ ചേരുമെന്നും മത്സരിക്കുമെന്നും സ്ഥിരീകരിച്ചതിനു പിന്നാലെ ബിജെപിയുടെ മുഖ്യമന്ത്രി സാരഥിയായി സ്വയം അവരോധിച്ചിരിക്കുകയാണ് ശ്രീധരന്‍. രണ്ടു ദിവസമായി 'മെട്രോമാന്‍' 'ട്രോളര്‍മാനായി' മാറുന്ന കാഴ്ചയാണ് കാണുന്നത് 'മുഖ്യമന്ത്രി സ്ഥാനാര്‍ത്ഥിയായി പരി​ഗണിക്കുന്നതില്‍ എതിര്‍പ്പില്ല. ബി.ജെ.പിയെ അധികാരത്തില്‍ എത്തിക്കുകയാണ് ലക്ഷ്യം. ഈ ലക്ഷ്യത്തോടെയാണ് രാഷ്ട്രീയ പ്രവേശനം നടത്തിയത്', ശ്രീധരന്‍ വാര്‍ത്താ ഏജന്‍സിയോട് പറഞ്ഞു.

More »

യന്ത്ര തകരാര്‍: ഷാര്‍ജ-കോഴിക്കോട് വിമാനം തിരുവനന്തപുരത്ത് ഇറക്കി
തിരുവനന്തപുരം : 104 യാത്രക്കാരും ജീവനക്കാരും ഉള്‍പ്പെടെ 112 പേരുമായി പറന്ന ഷാര്‍ജ - കോഴിക്കോട് വിമാനം യന്ത്ര തകരാറിനേ തുടര്‍ന്ന് തിരുവനന്തപുരം അന്താരാഷ്ട്ര വിമാനത്താവളത്തില്‍ അടിയന്തരമായി ഇറക്കി. എയര്‍ഇന്ത്യ എക്‌സ്പ്രസ് വിമാനമാണ് മുന്‍കരുതലിന്റെ ഭാഗമായി തിരുവനന്തപുരം വിമാനത്താവളത്തില്‍ ഇറക്കിയത്. കനത്ത സുരക്ഷയും ജാഗ്രതാ മുന്നറിയിപ്പും നല്‍കിയിരുന്നു. ആംബുലന്‍സുകള്‍, അഗ്നിശമന ഉദ്യോഗസ്ഥര്‍ എന്നിവര്‍ വിമാനത്താവളത്തില്‍ സുരക്ഷാ ക്രമീകരണങ്ങളുടെ ഭാഗമായി എത്തിയിരുന്നു . കൂടാതെ സിഐഎസ്എഫ്‌ ഉദോഗസ്ഥരും ആരോഗ്യപ്രവര്‍ത്തകരും, ബിഎസ്എഫ് ജവാന്മാരും സ്ഥലത്തുഉണ്ടായിരുന്നു. ഹൈഡ്രോളിക് ലീക്കേജിനെത്തുടര്‍ന്നാണ് വിമാനം നിലത്തിറക്കിയതെന്നു എയര്‍പോര്‍ട്ട് അധികൃതര്‍ അറിയിച്ചു.തകരാര്‍ പരിഹരിച്ച ശേഷമേ വിമാനം യാത്ര

More »

[1][2][3][4][5]
 

 
    © 2020 ukmalayalamnews.com All rights reserved. Powered by Phoenix Infoway