മലയാളികളുടെ ആയൂര് ദൈര്ഘ്യം കൂടിവരുന്നത് ചൂടും എരിവുള്ള കറികള് ശീലമാക്കിയതുകൊണ്ടാണോ? ആണെന്നുവേണം കരുതാന്. എരിവുള്ള കറികള് അകാല മരണം ഒഴിവാക്കും എന്നാണ് ഹാര്വാര്ഡ് യൂണിവേഴ്സിറ്റി നടത്തിയ പുതിയ പഠനം പറയുന്നത്. എരിവുള്ള കറികള് ആഴ്ചയില് മൂന്നുതവണ കഴിക്കുന്നത് ശീലമാക്കിയാല് നേരത്തെയുള്ള മരണസാധ്യത 14 ശതമാനം കുറയ്ക്കുമെന്ന് പഠനം പറയുന്നു. ഇത് പതിവാക്കിയാല് കൂടുതല് നല്ലത് എന്നും പഠനം പറയുന്നു.
അഞ്ചു ലക്ഷം ചൈനക്കാരെ ഏഴുവര്ഷം പഠന വിധേയമാക്കിയാണ് ഈ കണ്ടെത്തല് നടത്തിയത്. എരിവുള്ള കറികള് ശീലമാക്കിയ അവരില് നേരത്തെയുള്ള മരണസാധ്യത മറ്റുള്ളവരെ അപേക്ഷിച്ച് 14 ശതമാനം കുറവാണെന്ന് കണ്ടെത്തി. ഫ്രഷ് ചില്ലി ദഹനത്തിനും പോണ്ണത്തടി ചെറുക്കാനും കാന്സറിനെ പ്രതിരോധിക്കാനും ഉത്തമമാണ്. മുളകില് നൂട്രീഷ്യനും വിറ്റാമിനും ധാരാളം അടങ്ങിയിട്ടുണ്ട്. എരിവുള്ള കറികള് ഹൃദയത്തിനും പ്രമേഹ രോഗികള്ക്കും നല്ലതാണ്. ബ്രിട്ടീഷ് മെഡിക്കല് ജേര്ണലില് പഠനം പ്രസിദ്ധീകരിച്ചിട്ടുണ്ട്. എരിവുള്ള കറികള് നേരത്തെ ശീലമാക്കി തുടങ്ങേണ്ടിയിരിക്കുന്നു എന്നാണു ഹാര്വാര്ഡ് യൂണിവേഴ്സിറ്റിയിലെ ഡോ നിത ഫൊരൗഹി പറഞ്ഞത്.
എന്നാല് ഈ പഠനത്തോട് വിയോജിപ്പ് ഉള്ളവരും ഉണ്ട്. ബാലന്സ് ചെയ്ത ഭക്ഷണരീതിയാണ് ആരോഗ്യത്തിനു അഭികാമ്യം എന്നാണു ഇവരുടെ പക്ഷം. കൂടുതല് മുളക് കൂട്ടുന്ന ചൈനയിലെ ഗ്രാമീണരുടെ ആരോഗ്യ രഹസ്യം ഇതാണെങ്കില് മുളകിനും എരിവുള്ള കറികള്ക്കും ഡിമാന്റ് കൂടും.