ചരമം

അവധിക്കു നാട്ടില്‍ എത്തിയ നഴ്സ് ടിപ്പറിനടിയില്‍പ്പെട്ട് മരിച്ചു

കുമളി: ബന്ധുവിനൊപ്പം യാത്ര ചെയ്യവേ നിയന്ത്രണം വിട്ട ബൈക്ക് ടിപ്പര്‍ ലോറിയ്ക്ക് അടിയിലേക്ക് മറിഞ്ഞു നഴ്സ് മരിച്ചു. പീരുമേട് തിടനാട് ചേമ്പനായില്‍ തോമസിന്റെ മകളും മുംബൈയില്‍ നഴ്സുമായിരുന്ന ഗീതു (23)തോമസ് ആണ് മരിച്ചത്. ഗീതു സഞ്ചരിച്ചിരുന്ന ബൈക്ക് ഓടിച്ചിരുന്ന ബന്ധു എമിന്‍ പരിക്കുകളോടെ ആശുപത്രിയില്‍ ചികിത്സയില്‍ ആണ്.


പീരുമേട് സര്‍ക്കാര്‍ അതിഥി മന്ദിരത്തിനു സമീപം ഇന്നലെ ഉച്ചയ്ക്ക് ആയിരുന്നു അപകടം. കുമളി അമരാവതിയിലെ കുടുംബ വീട്ടില്‍ പോയി മടങ്ങും വഴിയാണ് അപകടം. ഇരുവരും സഞ്ചരിച്ചിരുന്ന ബൈക്ക് ടിപ്പറിനെ മറികടക്കാന്‍ ശ്രമിക്കവേ എതിരെവന്ന ഓട്ടോറിക്ഷയെ ഒഴിവാക്കാനായി വെട്ടിച്ചപ്പോള്‍ നിയന്ത്രണം വിട്ടു ലോറിയ്ക്ക് അടിയിലേക്ക് മറിയുകയായിരുന്നു.

ഗീതുവിന്റെ ശരീരത്തിലൂടെ ലോറിയുടെ പിന്‍ ചക്രം കയറിയിറങ്ങി. ഗീതു സംഭവസ്ഥലത്ത് വെച്ചു തന്നെ മരിച്ചു. മൃതദേഹം പരിശോധനയ്ക്കു ശേഷം ബന്ധുക്കള്‍ക്ക് വിട്ടു കൊടുത്തു. സംസ്കാരം ഇന്ന് ഉച്ചകഴിഞ്ഞു തിടനാട് സെന്റ്‌ ജോസഫ്‌സ് പള്ളിയില്‍. മാതാവ് വാഴവരചാലില്‍ ലിസി. സഹോദരങ്ങള്‍ ധന്യ, നീതു. മുംബൈയില്‍ ജോലിചെയിരുന്ന ഗീതു അവധിക്കു നാട്ടിലെത്തിയതാണ്.

  • ഒ.ഐ.സി.സി യു.കെ നേതാവ് തേജു മാത്യൂസിന്റെ പിതാവ് നിര്യാതനായി
  • കോഴിക്കോട് വ്യാജമദ്യം കഴിച്ച് രണ്ട് മരണം; നാല് പേര്‍ ഗുരുതരാവസ്ഥയില്‍
  • സിപിഎം പ്രവര്‍ത്തകന്‍ പാര്‍ട്ടി ഓഫീസില്‍ തൂങ്ങിമരിച്ച നിലയില്‍
  • പി. വര്‍ഗീസ് ജോസഫ് നിര്യാതനായി
  • പെണ്‍കുട്ടിയുമായി സംസാരിച്ചതിന് പോലീസ് മര്‍ദ്ദിച്ച യുവാവ് ജീവനൊടുക്കി
  • കുന്ദമംഗലത്ത് ഒമ്പതാം ക്ലാസ് വിദ്യാര്‍ത്ഥി സ്കൂള്‍ വളപ്പില്‍ കുത്തേറ്റു മരിച്ചു
  • അമേരിക്കയില്‍ വിമാനം തകര്‍ന്ന് ഇന്ത്യന്‍ ഡോക്ടര്‍ ദമ്പതിമാര്‍ കൊല്ലപ്പെട്ടു
  • പൊന്‍കുന്നത്ത് വാഹനാപകടത്തില്‍ പാലാ സ്വദേശി മരിച്ചു; 5 പേര്‍ക്ക് ഗുരുതര പരിക്ക്
  • തിരുവനന്തപുരത്തു റെയില്‍വെ ട്രാക്കിന് സമീപം സഹോദരങ്ങളായ കുട്ടികളുടെ മൃതദേഹങ്ങള്‍ കണ്ടെത്തി
  • പന്തളത്ത് മകന്‍ മാതാപിതാക്കളെ കൊന്ന് കിണറ്റില്‍ തള്ളി
  •  
        © 2012 ukmalayalamnews.com All rights reserved. Powered by Phoenix Infoway