സിനിമ

മഞ്ജു വാര്യരും മോഹന്‍ലാലും ഭാര്യാ ഭര്‍ത്താക്കന്മാരായി ബിഗ്ബജറ്റ് ചിത്രം; ഷൂട്ടിങ് വാഗമണില്‍

മഞ്ജു വാര്യര്‍ മോഹന്‍ലാലിന്റെ ഭാര്യയായി വേഷമിടുന്നു. ബി ഉണ്ണികൃഷ്ണന്‍ സംവിധാനം ചെയ്യുന്ന ബിഗ് ബജറ്റ് ചിത്രത്തില്‍ ഭാര്യ ഭര്‍ത്താക്കന്‍മാരായാണ് ഇരുവരും വേഷമിടുന്നത്. ഇടവേളയ്ക്ക് ശേഷമാണ് മോഹന്‍ലാലും മഞ്ജുവും ഒരുമിച്ച് അഭിനയിക്കുന്നത്. സത്യന്‍ അന്തിക്കാട് സംവിധാനം ചെയ്ത എന്നും എപ്പോഴും ആയിരുന്നു ഇരുവരും ഒടുവില്‍ ഒരുമിച്ച് അഭിനയിച്ചത്.

സിനിമയില്‍ വളരെ പ്രധാനപ്പെട്ടതും ശക്തവുമായ കഥാപാത്രത്തെയാണ് മഞ്ജു അവതരിപ്പിക്കുന്നതെന്ന് ബി. ഉണ്ണികൃഷ്ണന്‍ പറയുന്നു. സര്‍വീസില്‍ നിന്ന് വിരമിച്ച പൊലീസ് ഉദ്യോഗസ്ഥനായാണ് മോഹന്‍ലാല്‍ എത്തുക. വാഗമണ്ണാണ് പ്രധാന ലൊക്കേഷന്‍. 50, 55 ദിവസത്തിനുള്ളില്‍ ചിത്രീകരണം പൂര്‍ത്തിയാക്കാനാണ് പദ്ധതി. മാര്‍ച്ച് അഞ്ചിന് മോഹന്‍ലാല്‍ ചിത്രത്തില്‍ ജോയിന്‍ ചെയ്യും.

തമിഴ് നടന്‍ വിശാല്‍ ആണ് മറ്റൊരു താരം. കൂടാതെ ഹന്‍സിക, തെലുങ്ക് നടി റാഷി ഖന്ന, തെലുങ്ക് താരം ശ്രീകാന്ത് എന്നിവരും അണിനിരക്കുന്നു. പുലിമുരുകനിലെ മാസ്മരിക സംഘട്ടനരംഗങ്ങള്‍ ഒരുക്കിയ സ്റ്റണ്ട് ഡയറക്ടര്‍ പീറ്റര്‍ ഹെയ്ന്‍ ‍ആണ് ഈ സിനിമയുടെയും സ്റ്റണ്ട് ഡയറക്ടര്‍.

സാങ്കേതികമായി ഒരുപാട് പ്രാധാന്യമുള്ള ചിത്രത്തിന്‍ വിഎഫ്എക്സിനും അമിതമായ പ്രാധാന്യം നല്‍കിയിരിക്കുന്നു. 25–30 കോടിയാണ് സിനിമയുടെ ബഡ്ജറ്റ്. വിഎഫ്എക്സിനും സ്പെഷല്‍ ഇഫക്ടിനും പ്രാധാന്യം കല്‍പ്പിക്കുന്ന ചിത്രം പെര്‍ഫക്ട് ത്രില്ലറായാണ് ബി. ഉണ്ണികൃഷ്ണന്‍ അണിയിച്ചൊരുക്കുക. സിനിമയുടെ സാങ്കേതിക പ്രവര്‍ത്തകരെല്ലാം പുറത്തുനിന്നാണ്. പോളണ്ട് ആസ്ഥാനമായ കമ്പനിയാകും വിഎഫ്എക്സ് കൈകാര്യം ചെയ്യുക.

ചിത്രത്തിലെ കഥാപാത്രത്തിനായി ആയുര്‍വേദ ചികിത്സയിലാണ് മോഹന്‍ലാല്‍ ഇപ്പോള്‍. ചിത്രം നിര്‍മിക്കുന്നത് ബജ്രംഗി ഭായിജാന്‍, ലിംഗ തുടങ്ങിയ ബ്രഹ്മാണ്ഡചിത്രങ്ങള്‍ നിര്‍മിച്ച റോക്ലിന്‍ വെങ്കിടേഷ് ആണ്.

  • കാസ്റ്റിങ് കൗച്ച് നാണക്കേട്, നടിമാരേ തിരഞ്ഞെടുക്കേണ്ടത് അഭിനയമികവു നോക്കിവേണമെന്ന് ദുല്‍ഖറിന്റെ നായിക
  • മോഹന്‍ലാലും മമ്മൂട്ടിയും ഇതുകണ്ടാല്‍ അസൂയകൊണ്ട് കരയും- സണ്ണി ലിയോണിനെ പ്രകീര്‍ത്തിച്ചു രാം ഗോപാല്‍ വര്‍മ്മ
  • ചുംബനരംഗം വേണ്ടേ വേണ്ട, വീട്ടുകാരെ അസ്വസ്ഥരാക്കാന്‍ വയ്യ- സായി പല്ലവി
  • സണ്ണി ലിയോണിനെ ഉദ്ഘാടനത്തിനു കൊണ്ടുവന്ന മൊബൈല്‍ ഷോപ്പിന്റെ ഉടമയ്‌ക്കെതിരെ കേസ്
  • മലയാള സിനിമ മോഹിപ്പിക്കുന്നു; ഇനിയും കേരളത്തില്‍ വരുമെന്ന് സണ്ണി ലിയോണ്‍
  • നടിയെ അപമാനിച്ച കേസില്‍ ജീന്‍ പോളിനും ശ്രീനാഥ് ഭാസിക്കും മുന്‍കൂര്‍ ജാമ്യം
  • ദിലീപിനെപ്പറ്റി നല്ലതേ കേട്ടിരുന്നുള്ളൂ, ഇപ്പോഴത്തെ അവസ്ഥയില്‍ ദുഖമുണ്ട്- ശോഭന
  • മോഹന്‍ലാലിന്റെ ഒടിയന്‍ വാരണാസിയില്‍ തുടങ്ങി, നായിക മഞ്ജു തന്നെ
  • ആയിരങ്ങളുടെ ആവേശത്തില്‍ സണ്ണി ലിയോണ്‍ കൊച്ചിയില്‍ ; ഹോട്ട് താരത്തെ കാണാന്‍ തിക്കിത്തിരക്കി സ്ത്രീകളും
  • എന്റെ ഇംഗ്ലീഷ് ആര്‍ക്കും മനസിലാകുന്നില്ലെങ്കില്‍ അത് എന്റെ മാത്രം തെറ്റ് - ട്രോളന്‍മാരോട് പൃഥ്വീരാജ്
  •  
        © 2012 ukmalayalamnews.com All rights reserved. Powered by Phoenix Infoway