യു.കെ.വാര്‍ത്തകള്‍

ബ്രെക്സിറ്റിന് തടയിടാന്‍ പുതിയ റോളില്‍ ടോണി ബ്ലെയര്‍ ; യൂറോപ്യന്‍ ഐക്യത്തിന് ആഹ്വാനം

ലണ്ടന്‍ : ഇറാക്ക് അധിനിവേശത്തിന്റെ പേരില്‍ ഏറെ പഴികേട്ട മുന്‍ പ്രധാനമന്ത്രി ടോണി ബ്ലെയര്‍ ബ്രിട്ടീഷ് രാഷ്ട്രീയത്തില്‍ ഒരു രണ്ടാം വരവിനു ഒരുങ്ങുന്നു. അതും രാജ്യം അഭിമുഖീകരിക്കുന്ന ഒരു നിര്‍ണായ വിഷയത്തില്‍ ഇടപെട്ടുകൊണ്ട് . ബ്രെക്സിറ്റ്‌ വിഷയം കത്തി നില്‍ക്കവെയാണ് ടോണി ബ്ലെയര്‍ യൂറോപ്യന്‍ ഐക്യത്തിന് ആഹ്വാനം ചെയ്തു രംഗത്തു വന്നിരിക്കുന്നത്. യൂറോപ്പ് അനുകൂലികളെ ഒരുമിപ്പിച്ചു ബ്രെക്സിറ്റിനു തടയിടുകയാണ് ബ്ലെയറിന്റെ ലക്ഷ്യം.

ബ്രിട്ടന്റെ യൂറോപ്യന്‍ അംഗത്വം തുടര്‍ന്നും നിലനില്‍ക്കണമെന്ന് ആഗ്രഹിക്കുന്നവര്‍ ഒരുമിച്ച് ചേരണമെന്നാണ് ബ്ലെയര്‍ പറയുന്നത്. ബ്രസല്‍സിനെ ഉപേക്ഷിക്കുന്നതിനെതിരെ എംപിമാരെ സജ്ജമാക്കുകയാണ് അദ്ദേഹം. രണ്ടാമതൊരു ഹിതപരിശോധനയോ, ഇടക്കാല തെരഞ്ഞെടുപ്പോ സംഭവിച്ചാല്‍ ബ്രെക്‌സിറ്റിനെ തടയാമെന്നാണ് ബ്ലെയറിന്റെ കണക്കുകൂട്ടല്‍.


ജനങ്ങള്‍ യൂറോപ്പിനെ ഉപേക്ഷിക്കാന്‍ വോട്ട് രേഖപ്പെടുത്തിയെങ്കിലും ഇപ്പോള്‍ അതിന്റെ പ്രായോഗിക ബുദ്ധിമുട്ടുകള്‍ മനസ്സിലാക്കി മറിച്ച് ചിന്തിക്കാന്‍ സാധ്യതയുണ്ടെന്നാണ് അദ്ദേഹം പറയുന്നത്. ബ്രസല്‍സുമായി ഒപ്പിടുന്ന കരാറില്‍ അഭിപ്രായം രേഖപ്പെടുത്താന്‍ പാര്‍ലമെന്റിനും പൊതുജനങ്ങള്‍ക്കും അവകാശം ലഭിക്കണമെന്നും ടോണി ബ്ലെയര്‍ ആവശ്യപ്പെടുന്നു. ഹിതപരിശോധനയില്‍ എതിര്‍ത്ത് വോട്ട് രേഖപ്പെടുത്തിയ 16 മില്ല്യണ്‍ വോട്ടര്‍മാരുടെ അഭിപ്രായവും പ്രസക്തമാണ് എന്നാണ് ടോണി ബ്ലെയര്‍ പറയുന്നത്. ബ്രെക്സിറ്റിന്റെ പേരില്‍ ലേബര്‍ പാര്‍ട്ടിയിലും വിയോജിപ്പ് നിലനില്‍ക്കുകയാണ്.


സജീവ രാഷ്ട്രീയത്തില്‍ നിന്നും അകന്നുനില്‍ക്കുന്ന ബ്ലെയര്‍ ബ്രെക്സിറ്റ് വിരുദ്ധ പ്രചരണത്തിലൂടെ തിരിച്ചുവരവാണ് ലക്ഷ്യമിടുന്നത്. ബ്രെക്സിറ്റിനു അനുമതി നല്‍കാനുള്ള ബില്ല് പ്രഭു സഭയുടെ അംഗീകാരം തേടാനിരിക്കെയാണ് ബ്ലെയറിന്റെ രംഗപ്രവേശം.

  • ലേബര്‍ സര്‍ക്കാര്‍ വന്നാല്‍ സിംഗിള്‍ മാര്‍ക്കറ്റ് വിടുമായിരുന്നെന്ന് കോര്‍ബിന്‍
  • മോഹന വീണമീട്ടി മലയാളി ആസ്വാദകമനസ് കീഴടക്കി പോളി വര്‍ഗീസ് യുകെയില്‍
  • കേരളത്തിലെ സമരം ചെയ്ത നേഴ്‌സുമാര്‍ക്ക് യു.കെ.യിലെ നേഴ്‌സുമാരുടെ പിന്തുണ
  • രാഷ്ട്രീയത്തെ നര്‍മംകൊണ്ട് പൊതിഞ്ഞ എന്‍സിപി അധ്യക്ഷന്‍ ഉഴവൂര്‍ വിജയന്‍ അന്തരിച്ചു
  • കുട്ടനാടന്‍ കരുത്തന്മാര്‍ ഏറ്റുമുട്ടുന്ന അഞ്ച്, ആറ് ഹീറ്റ്‌സുകള്‍; മൂന്ന് ടീമുകള്‍ മാത്രമാകുമ്പോള്‍ ജീവന്മരണ പോരാട്ടം
  • ഗ്രെയിറ്റ് ബ്രിട്ടന്‍ രൂപതയുടെ ഫാത്തിമ തീര്‍ഥാടനം ഒരുക്കങ്ങള്‍ പൂര്‍ത്തിയായി
  • ഷിഫ അല്‍ജസീറ ഉടമയുടെ തിരോധാനത്തിനു പിന്നില്‍ ബന്ധുക്കളെന്നു സുഹൃത്ത്
  • യൂറോപ്പിലേക്ക് ഐഎസ് ഭീകരരുടെ ഒഴുക്ക്; 173 പേര് വിവരങ്ങള്‍ ഇന്റര്‍പോള്‍ പുറത്തുവിട്ടു
  • എന്‍എച്ച്എസില്‍ ഹോമിയോപ്പതി ചികിത്സ നിര്‍ത്തുന്നു , ഇനി അലോപ്പതി മാത്രം, രോഗികള്‍ പ്രതിസന്ധിയില്‍
  • സുരക്ഷാഭീഷണി: യുകെയില്‍ ഡ്രോണുകള്‍ക്ക് രജിസ്‌ട്രേഷന്‍ വരുന്നു
  •  
        © 2012 ukmalayalamnews.com All rights reserved. Powered by Phoenix Infoway