വിദേശം

24 മണിക്കൂറില്‍ 3ലക്ഷം ഡോളര്‍ ; ശ്രീനിവാസിന്റെ കുടുംബത്തിന് പിന്തുണയുമായി ഇന്ത്യന്‍ സമൂഹം

വാഷിംഗ്ടണ്‍: അമേരിക്കയില്‍ വംശീയ ഭ്രാന്തന്റെ തോക്കിനിരയായി കൊല്ലപ്പെട്ട ഇന്ത്യന്‍ യുവ എഞ്ചിനീയര്‍ ശ്രീനിവാസന്‍ കുച്ചിഭോട്ട്‌ലയുടെ കുടുംബത്തെ സഹായിക്കാന്‍ ആഹ്വാനം ചെയ്ത ദുരിതാശ്വാസ നിധിയിലേക്ക് 24 മണിക്കൂറുകള്‍ കൊണ്ട് ഒഴുകിയെത്തിയത് മൂന്ന് ലക്ഷം ഡോളര്‍. 150,000 ഡോളര്‍ കണ്ടെത്താന്‍ ലക്ഷ്യമിട്ട് നടത്തിയ പ്രചരണത്തിലേക്ക് അനേകരാണ് സാമൂഹ്യ മാധ്യമങ്ങളില്‍ വരുന്നത്. അമേരിക്കയിലെ ഇന്ത്യന്‍ സമൂഹം ഒന്നടങ്കം കൊലക്കെതിരെ രംഗത്തുവന്നു. അമേരിക്കന്‍ സ്വദേശിയായ അദം പുരിന്‍ടനാണ് ആക്രമണം നടത്തിയത്. ഇയാളെ പോലീസ് പിടികൂടിയിട്ടുണ്ട്. മുന്‍ നാവിസേന ഉദ്യോഗസ്തനാണ് ഇയാള്‍. എന്റെ രാജ്യത്തു നിന്നും പുറത്തുപോകൂ എന്ന് വിളിച്ചുപറഞ്ഞുകൊണ്ടാണ് ഇയാള്‍ വെടിവയ്ച്ചതെന്ന് ദൃക്‌സാക്ഷികള്‍ പറഞ്ഞിരുന്നു.

കുച്ചിഭോട്‌ല ആന്റ് മഡസാനി എന്ന സ്റ്റാര്‍ട്ട്-അപ്പ് കമ്പനിയുടെ സ്വപ്നങ്ങള്‍ കുടിയായിരുന്നു പൊലിഞ്ഞത്. അലോക് റെഡ്ഡി മഡസാനി വെടിവയ്പ്പില്‍ പരിക്കേറ്റു ഗുരുതരാവസ്ഥയിലാണ്. ശ്രീനിവാസ് കുച്ചിഭോട്‌ലയും അലോക് റെഡ്ഡി മഡസാനിയും ചേര്‍ന്നുള്ള ഒരു സംരഭമായിരുന്നു ഇത്. ഇന്ത്യയില്‍ എഞ്ചിനീയറിംഗ് ബിരുദം പൂര്‍ത്തിയാക്കി അമേരിക്കയില്‍ മാസ്റ്റര്‍ ബിരുദത്തിനായി ഇന്ത്യ വിട്ടവരായിരുന്നു അവര്‍. ശ്രീനു എന്ന് വിളിപ്പേരുള്ള കുച്ചിഭോട്ട്‌ല ഹൈദരാബാദ് വിദ്യാജ്യോതി ഇന്‍സ്റ്റിറ്റിയൂട്ട് ഓഫ് എഞ്ചിനീയറിംഗില്‍ വിദ്യാഭ്യാസം നേടിയശേഷം ഇലക്ട്രിക്കല്‍ ആന്റ് ഇലക്‌ട്രോണിക്‌സില്‍ മാസ്റ്റര്‍ ബിരുദം നേടാനാണ് എല്‍ പാസോയിലെ ടെക്‌സാസ് സര്‍വകലാശാലയില്‍ എത്തിയത്. 2007 ല്‍ ബിരുദം നേടുന്നതിന് മുമ്പ് അവിടെ അദ്ധ്യാപകനായും ഗവേഷണ അസിസ്റ്റന്റായും ജോലി ചെയ്തു.
2014 ല്‍ കന്‍സാസിലേക്ക് ഗാര്‍മിന്‍ ഇന്റര്‍നാഷണില്‍ ഒരു ജോലി ആരംഭിക്കുന്നത് വരെ റോക്ക്‌വെല്‍ കോളിന്‍സില്‍ സോഫ്റ്റ്‌വേര്‍ എഞ്ചിനീയറായും ജോലി നോക്കി. ഗാമിനിലെ ഏവിയേഷന്‍ പ്രോഗ്രാം കോ-ഓര്‍ഡിനേറ്ററായിരുന്നു അലോക് മഡസാനി . ഹൈദരാബാദിലെ വാസവി എഞ്ചിനീയറിംഗ് കോളേജില്‍ നിന്നും ബിരുദം നേടിയ ശേഷം യൂണിവേഴ്‌സിറ്റി ഓഫ് മിസൗരി കണ്‍സാസ് സിറ്റിയിലേക്കാണ് മഡസാനി വന്നത്.
അമേരിക്കന്‍ പ്രസിഡന്റ് ഡോണള്‍ഡ് ട്രംപിന്റെ വംശീയ വിദ്വേഷം നിറഞ്ഞ നയങ്ങളില്‍ പ്രചോദിതരായി രാജ്യത്തു വിദേശിയര്‍ക്കെതിരെ അതിക്രമം ശക്തമാണ്. ട്രംപിന്റെ ആരാധകര്‍ ഇന്ത്യക്കാരടക്കമുള്ള കുടിയേറ്റക്കാരെ ഭീഷണിപ്പെടുത്തുകയാണ്. ഹൂസ്റ്റണിലെ ഒരു ഇന്ത്യന്‍ കുടുംബത്തിന് അടുത്തിടെ രാജ്യം വിട്ട് പോകണമെന്ന് ആവശ്യപ്പെട്ടുകൊണ്ടുള്ള കത്ത് ലഭിച്ചിരുന്നു.

  • ഇമ്രാന്‍ ഖാന്‍ മൂന്നാമതും വിവാഹിതനായി: വധു ആത്മീയ ഉപദേശക
  • ഫ്ലോറിഡ വെടിവയ്പ്പില്‍ കുട്ടികള്‍ക്ക് രക്ഷകയായ ശാന്തിടീച്ചറിന് അഭിനന്ദന പ്രവാഹം
  • ഇന്ത്യ തിരയുമ്പോള്‍ മോദി ന്യൂയോര്‍ക്കിലെ ആഡംബര ഹോട്ടലില്‍ സുഖിക്കുന്നു
  • ഫ്ലോറിഡയില്‍ സ്കൂളില്‍ നിന്ന് പുറത്താക്കിയതിന്റെ ദേഷ്യം വിദ്യാര്‍ത്ഥി തീര്‍ത്തത് കുട്ടികളടക്കം 17 പേരെ വെടിവച്ചു കൊന്നു
  • മലയാളി വിദ്യാര്‍ത്ഥി കാനഡയില്‍ സര്‍ഫിങ് പരിശീലനത്തിനിടെ മരിച്ചു
  • 9.50ലക്ഷംയൂറോ ലോട്ടറിച്ചു: വെള്ളമടിക്കിടെ ടിക്കറ്റ് പോയി, 'നിര്‍ഭാഗ്യവാന്‍ ' ജീവനൊടുക്കി
  • താന്‍ സ്വര്‍ഗീയ ഭവനത്തിലേക്കുള്ള യാത്രയിലെന്ന് ബനഡിക്ട് മാര്‍പാപ്പ
  • രോഗിയായ കുഞ്ഞിനെ ചികിത്സിക്കാന്‍ തെരുവില്‍ മുലപ്പാല്‍ വില്‍ക്കുന്ന ഒരമ്മ
  • ഫിദല്‍ കാസ്‌ട്രോയുടെ മകന്‍ ഡയസ് ബല്ലാര്‍ട്ട് ജീവനൊടുക്കി
  • പെന്‍സില്‍വാനിയയില്‍ കാര്‍വാഷിംഗ് കേന്ദ്രത്തില്‍ വെടിവെയ്പ് ; നാല് പേര്‍ കൊല്ലപ്പെട്ടു
  •  
        © 2012 ukmalayalamnews.com All rights reserved. Powered by Phoenix Infoway