വിദേശം

അമേരിക്കയില്‍ ഇന്ത്യക്കാര്‍ക്ക് അയിത്തം; കാനഡയിലുള്ള ഇന്ത്യന്‍ യുവതിക്ക് വിസ നിഷേധിച്ചു

ഒട്ടോവ: അമേരിക്കയില്‍ ഇന്ത്യക്കാര്‍ക്കെതിരെ കൊലയും വംശീയാതിക്രമവും തുടരുന്നതിനിടെ കനേഡിയന്‍ പൗരത്വമുള്ള ഇന്ത്യന്‍ യുവതിക്ക് അമേരിക്ക വിസ നിഷേധിച്ചതായി റിപ്പോര്‍ട്ട്. മുപ്പതുകാരിയായ മന്‍പ്രീത് കൂനറിനാണ് വിസ നിഷേധിച്ചത്. അതിര്‍ത്തിയില്‍ ഇവരെ തടഞ്ഞ ഉദ്യോഗസ്ഥര്‍ കുടിയേറ്റ വിസ ആവശ്യപ്പെടുകയായിരുന്നു.

ആറു മണിക്കൂറോളം അതിര്‍ത്തിയില്‍ തങ്ങിയ മന്‍പ്രീത് കൂനര്‍ പ്രവേശനം നിഷേധിച്ചതിനെ തുടര്‍ന്ന് മടങ്ങുകയായിരുന്നു. കനേഡിയന്‍ മാധ്യമമായ സിബിസിയാണ് ഇക്കാര്യം റിപ്പോര്‍ട്ട് ചെയ്തത്.
വെള്ളക്കാരായ രണ്ടു സുഹൃത്തുക്കള്‍ക്കൊപ്പം വെര്‍മോണ്ടിലെ ഒരു സ്പായിലേക്ക് പോകുന്നതിനിടെയാണ് കൂനറിനെ തടഞ്ഞത്. തനിക്ക് യുഎസ് വിസ നിഷേധിച്ചെന്ന് കൂനര്‍

തന്റെ ഫേസ്ബുക്കില്‍ കുറിക്കുകയും ചെയ്തിട്ടുണ്ട്. കുടിയേറ്റ വിസയില്ലാതെ അമേരിക്കയില്‍ പ്രവേശിക്കുന്നതില്‍ നിന്ന് ട്രംപിന്റെ നയം നിങ്ങളെ തടയുന്നുവെന്ന് അതിര്‍ത്തിയിലെ ഉദ്യോഗസ്ഥര്‍ അറിയിച്ചതായി ഇവര്‍ വ്യക്തമാക്കി. കാനഡയില്‍ പൗരത്വം നേടി സ്ഥിരതാമസമാക്കിയ കൂനര്‍ പ്രതിശ്രുത വരനോടൊപ്പം ഇവിടുത്തെ ഒരു കോളേജില്‍ സയന്‍സ് ലാബില്‍ ജോലി ചെയ്യുകയാണ്.


അതേസമയം ഒരു പ്രത്യേക കേസ് ഉയര്‍ത്തിക്കാട്ടി ചര്‍ച്ചയുടെ ആവശ്യമില്ലെന്ന് യുഎസ് കസ്റ്റംസ് ആന്‍ഡ് ബോര്‍ഡര്‍ പട്രോള്‍ ഇറക്കിയ പ്രസ്താവന പറയുന്നു. ആവശ്യമായ രേഖകള്‍ ഹാജരാക്കാന്‍ സാധിച്ചില്ലെങ്കില്‍ അതിര്‍ത്തി ഉദ്യോഗസ്ഥര്‍ക്ക് പ്രവേശനം നിഷേധിക്കാന്‍ അധികാരമുണ്ടെന്നും പ്രസ്താവന പറയുന്നു.

ട്രംപ് പരിഷ്‌കരിച്ച പുതിയ കുടിയേറ്റ നിയമം അനുസരിച്ചു ആറു മുസ്ലിം രാജ്യങ്ങളില്‍ നിന്നുള്ളവര്‍ക്കായിരുന്നു യാത്രാവിലക്കേര്‍പ്പെടുത്തിയിരുന്നത്. കോടതി തടഞ്ഞ നേരത്തെയുള്ള നിയമത്തില്‍ നിന്ന് ഇറാഖിനെ ഒഴിവാക്കിയുള്ളതായിരുന്നു പരിഷ്‌കരിച്ച നിയമം. സമീപകാലത്തു അമേരിക്കയില്‍ ഇന്ത്യന്‍ സമൂഹത്തെ തെരഞ്ഞുപിടിച്ചു ആക്രമിക്കുകയും രാജ്യത്തുനിന്ന് പുറത്തു പോകാന്‍ ആവശ്യപ്പെടുകയും ചെയ്യുന്ന നിരവധി സംഭവങ്ങള്‍ റിപ്പോര്‍ട്ട് ചെയ്യപ്പെട്ടിരുന്നു.

  • പാരീസില്‍ ഐഎസ് ആക്രമണം; പൊലീസുകാരന്‍ കൊല്ലപ്പെട്ടു, 2പേര്‍ക്ക് ഗുരുതര പരുക്ക്
  • വിദേശികള്‍ക്ക് മുന്നില്‍ വാതിലടച്ച് ഓസ്‌ട്രേലിയയും; താല്‍ക്കാലിക തൊഴില്‍ വിസയായ '457 വിസ' റദ്ദാക്കി; മലയാളികള്‍ക്ക് വന്‍ തിരിച്ചടി
  • വിവാഹ വേദിയിലേക്ക് പോയ പ്രതിശ്രുത വധുവരന്മാരെ വിമാനത്തില്‍ നിന്ന് പുറത്താക്കി
  • യു.എസ്-ഉത്തരകൊറിയ യുദ്ധം ഏത് നിമിഷവും!; ആണവ ഭീതിയില്‍ ലോകം
  • യുവാവിനെ പറക്കുന്ന വിമാനത്തില് നിന്ന്​ പുറത്തേക്ക്​ തള്ളിയിട്ടു കൊന്നു
  • ജര്‍മന്‍ ഫുട്‌ബോള്‍ ക്ലബിന്റെ ബസിനു സമീപം സ്‌ഫോടനം; ഒരു താരത്തിന് പരിക്ക് ഡോര്‍ട്ട്മുണ്ട്: ചാമ്പ്യന്‍സ് ലീഗ് ഫുട്‌ബോള്‍ മല്‍സരത്തില്‍ പങ്കെടുക്കാന്‍ സ്റ്റേഡിയത്തിലേക്കു പുറപ്പെട്ട ജര്‍മന്‍ ഫുട്‌ബോള്‍ ക്ലബ് ബൊറൂസിയ ഡോര്‍ട്ട്മുണ്ടിന്റെ ടീം ബസിനു സമീപ
  • ഓശാനാ ദിനത്തില്‍ പള്ളിയില്‍ ഐഎസ് ആക്രമണം: 45പേര്‍ കൊല്ലപ്പെട്ടു, ആക്രമിക്കപ്പെട്ടവയില്‍ മാര്‍പാപ്പ സന്ദര്‍ശിക്കാനിരുന്ന പള്ളിയും
  • യുദ്ധത്തിന് ഒരു ചുവട് മാത്രം അകലെയെന്ന് റഷ്യ; സിറിയയുടെ പേരില്‍ ലോകം യുദ്ധ ഭീതിയില്‍
  • റഷ്യയുടെ എതിര്‍പ്പ് അവഗണിച്ചു സിറിയയില്‍ അമേരിക്കയുടെ നേരിട്ടുള്ള യുദ്ധം; വന്‍ നാശനഷ്ടം
  • സെന്റ് പീറ്റേഴ്സ്ബര്‍ഗില്‍ സ്ഫോടനം: ആക്രമണം നടത്തിയത് 22 കാരനായ കിര്‍ഗ്സ് വംശജന്‍
  •  
        © 2012 ukmalayalamnews.com All rights reserved. Powered by Phoenix Infoway