വിദേശം

വിവാഹിതരായ പുരുഷന്‍മാരെയും പൗരോഹത്യത്തിനായി പരിഗണിക്കാമെന്നു മാര്‍പാപ്പ


വത്തിക്കാന്‍ : ഒറ്റപ്പെട്ട പ്രദേശങ്ങളില്‍ കത്തോലിക്ക സഭയുടെ ആരാധനാലയങ്ങള്‍ വൈദികരുടെ കുറവ് നേരിടുന്നതിനാല്‍ വിവാഹിതരായ പുരുഷന്‍മാരെയും പൗരോഹത്യത്തിനായി പരിഗണിക്കാമെന്ന് ഫ്രാന്‍സിസ് മാര്‍പാപ്പ . ജര്‍മ്മനിയിലെ ഡൈ സെയ്റ്റ് മാഗസിന് നല്‍കിയ അഭിമുഖത്തിലാണ് വിവാഹിതനെ സഭ പുരോഹിതനാക്കുന്ന കാര്യം പരിഗണിക്കുന്നതായി വ്യക്തമാക്കിയത്. വിരി പ്രോബറ്റി നിര്‍ദേശം എന്നാണ് ഈ നീക്കം അറിയപ്പെടുന്നത്.


മാര്‍പാപ്പയുടെ പുതിയ നിര്‍ദേശം നടപ്പിലാകുന്നതോടെ ഒറ്റപ്പെട്ട സ്ഥലങ്ങളില്‍ താമസിക്കുന്ന റോമന്‍ കത്തോലിക്കര്‍ക്കും പൗരോഹത്യം സ്വീകരിക്കുവാന്‍ സാധിക്കുന്നതാണ്. ലോകത്ത് കത്തോലിക്ക മതസ്ഥര്‍ തിങ്ങിപ്പാര്‍ക്കുന്ന ബ്രസീലില്‍ പോലും പുരോഹിതന്‍മാരുടെ ക്ഷാമം നേരിടുന്നതിനെ സംബന്ധിച്ച് ചര്‍ച്ച ചെയ്യുന്നതിനിടയിലാണ് പോപ്പിന്റെ പുതിയ പരാമര്‍ശം ശ്രദ്ധേയമാകുന്നത്. ഇവര്‍ക്ക് ഇവരുടെ പ്രദേശങ്ങളില്‍ വളരെയധികം പ്രവര്‍ത്തനങ്ങള്‍ കാഴ്ച്ചവെക്കുവാന്‍ സാധിക്കുമെന്നും അദ്ദേഹം വിലയിരുത്തുന്നു.

വൈദികരുടെ എണ്ണം വര്‍ധിക്കുന്നത് വഴി ലോകമെമ്പാടും മതത്തിന്റെ പ്രചരണം കൂടുതല്‍ ശക്തമാക്കുവാന്‍ സാധിക്കുമെന്നാണ് അദ്ദേഹം കരുതുന്നത്. ഈ വര്‍ഷം ഇന്ത്യ, കൊളംബിയ, ബംഗ്ലാദേശ് തുടങ്ങിയ രാജ്യങ്ങള്‍ സന്ദര്‍ശിക്കുവാന്‍ താത്പര്യമുള്ളതായും പോപ്പ് അഭിമുഖത്തില്‍ വെളിപ്പെടുത്തി.

  • ഇന്ത്യക്കാര്‍ക്ക് ഇനി ഓണ്‍ലൈനിലൂടെ ഓസ്‌ട്രേലിയന്‍ വിസിറ്റിങ് വിസ
  • ചൈനീസ് വിമാനം ആകാശച്ചുഴിയില്‍പെട്ടു; 26 പേര്‍ക്ക് പരിക്ക്
  • പസഫിക് സമുദ്രത്തില്‍ യുഎസ് യുദ്ധകപ്പലും ഫിലിപ്പിന്‍സ് ചരക്കുകപ്പലും കൂട്ടിയിടിച്ചു 7 പേരെ കാണാതായി
  • മ്യൂണിക്കില്‍ റെയില്‍വേ സ്‌റ്റേഷനില്‍ വെടിവയ്പ്; നിരവധി പേര്‍ക്ക് പരുക്ക്
  • പാല്‍ക്ഷാമം നേരിടാന്‍ 60 വിമാനങ്ങളില്‍ 4,000 പശുക്കള്‍ ഖത്തറിലേക്ക്
  • 31,000 അടി ഉയരത്തില്‍ എഞ്ചിന്‍ തകരാര്‍; ജെന്നിഫര്‍ ലോറന്‍സ് സഞ്ചരിച്ച വിമാനം നിലത്തിറക്കി
  • സൗദിയില്‍ ആക്രമണം നടത്തുമെന്ന ഭീഷണിയുമായി ഐ.എസ്
  • ദുബായ് 'പാസ്‌പോര്‍ട്ട് രഹിത' വിമാനത്താവളം; ഇനി സ്മാര്‍ട്ട് ഫോണ്‍ മാത്രം മതി
  • ഇറാന്‍ പാര്‍ലമെന്റിലും ഖൊമേനിയുടെ ശവകുടീരത്തിലും ഭീകരാക്രമണം; രണ്ടു മരണം
  • പ്രവാസികള്‍ സൂക്ഷിക്കുക; ഖത്തര്‍ അനുകൂല പോസ്റ്റിട്ടാല്‍ 15 വര്‍ഷം തടവ്‌, കനത്ത പിഴയും
  •  
        © 2012 ukmalayalamnews.com All rights reserved. Powered by Phoenix Infoway