സിനിമ

കിടക്ക പങ്കിടാന്‍ നടന്‍ ആവശ്യപ്പെട്ടതായി വാര്‍ത്ത; പ്രതികരണവുമായി കസ്തൂരി

കിടക്ക പങ്കിടാന്‍ തെലുങ്കിലെ രാഷ്ട്രീയക്കാരനായ ഒരു പ്രധാന നടന്‍ ക്ഷണിച്ചെന്ന രീതിയില്‍ നടി കസ്തൂരിയുടേതായി വെളിപ്പെടുത്തല്‍ വന്നിരുന്നു. കിടക്ക പങ്കിടാന്‍ നടന്‍ ആവശ്യപ്പെട്ടുവെന്നും വഴങ്ങാത്തതിനാല്‍ രണ്ട് സിനിമകളില്‍ നിന്ന് താന്‍ പുറത്താക്കപ്പെട്ടുവെന്നുമൊക്കെ കസ്തൂരി പറഞ്ഞതായി മാധ്യമങ്ങളില്‍ വാര്‍ത്ത പ്രചരിച്ചു. ടൈംസ് ഓഫ് ഇന്ത്യക്ക് നല്‍കിയ അഭിമുഖത്തെ ഉദ്ധരിച്ചുകൊണ്ടായിരുന്നു ചില തമിഴ് മാധ്യമങ്ങള്‍ വാര്‍ത്തകള്‍ നല്‍കിയത്. എന്നാല്‍ അഭിമുഖത്തില്‍ താന്‍ പറയാത്തതാണ് പല മാധ്യമങ്ങളും പ്രസിദ്ധീകരിക്കുന്നതെന്നും പറഞ്ഞതൊന്നും വന്നില്ലെന്നും കസ്തൂരി പറയുന്നു. വിപണി ലക്ഷ്യമാക്കി എന്തും എഴുതി പിടിപ്പിച്ചാല്‍ കൈയുംകെട്ടി നോക്കിനില്‍ക്കാനാവില്ലെന്നും ഫേസ്ബുക്ക് പേജില്‍ പോസ്റ്റ് ചെയ്ത വീഡിയോയിലൂടെ കസ്തൂരിയുടെ പ്രതികരിക്കുന്നു.


സാധാരണ മാധ്യമങ്ങളില്‍ വരുന്ന ഗോസിപ്പുകളോട് പ്രതികരിക്കാറില്ല. പക്ഷേ ഇത് എന്നെ മാത്രമല്ല, എന്റെ സിനിമാകുടുംബത്തെയും ബാധിക്കുന്ന വിഷയമാണ്. അതിനാലാണ് പ്രതികരിക്കുന്നത്. മാധ്യമങ്ങളുടെ സ്വഭാവസര്‍ട്ടിഫിക്കറ്റ് വാങ്ങണ്ട കാര്യം സിനിമക്കാര്‍ക്കില്ല. വിപണിയെ ലക്ഷ്യം വെച്ച് എന്തും എഴുതി പിടിപ്പിച്ചാല്‍ കൈയുംകെട്ടി നോക്കിനില്‍ക്കാനുമാവില്ല. സിനിമാരംഗത്ത് സ്ത്രീകള്‍ക്കെതിരെയുള്ള ചൂഷണത്തെക്കുറിച്ചുള്ള ചോദ്യത്തിന് കസ്തൂരി നല്‍കിയ മറുപടിയാണ് പല മാധ്യമങ്ങളും തങ്ങളുടെ ഭാവനയ്ക്കനുസരിച്ച് നല്‍കിയത്. നായികയോടൊത്ത് കഴിയാനായല്ല ആളുകള്‍ ഇത്രയധികം പണം മുടക്കുന്നതെന്നായിരുന്നു കസ്തൂരിയുടെ മറുപടി. അത്തരത്തിലുള്ള ചൂഷണങ്ങള്‍ ഉണ്ടാവാമെന്നും എന്നാല്‍ തനിക്കിതുവരെ നേരിടേണ്ടിവന്നിട്ടില്ലെന്നും കസ്തൂരി പറഞ്ഞിരുന്നു.

അനിയന്‍ബാവ ചേട്ടന്‍ ബാവ, രഥോത്സവം, സ്നേഹം, മംഗല്യപല്ലക്ക് തുടങ്ങി നിരവധി ചിത്രങ്ങളിലൂടെ മലയാളത്തിലും സുപരിചിതയാണ് കസ്തൂരി.

വീഡിയോ

  • അമലാ പോള്‍ ക്രൈംബ്രാഞ്ചിനു മുന്നില്‍ ചോദ്യം ചെയ്യലിന് ഹാജരായി
  • അധികം വൈകാതെ ഞങ്ങളെ ഒരുമിച്ച് നിങ്ങള്‍ സിനിമയില്‍ കാണും: ദിലീപിന്റെ പുതിയ പോസ്റ്റ്
  • ആട് 2 വിന്റെ ഷൂട്ടിങ്ങിനിടെ പൃഥ്വിരാജിനെ 'കൊല്ലാന്‍ 'പോയ കഥ പറഞ്ഞു ജയസൂര്യ
  • അക്രമരാഷ്ട്രീയം പ്രമേയമാക്കിയ 'ഈട'യ്ക്ക് കണ്ണൂരില്‍ അപ്രഖ്യാപിത വിലക്ക്
  • ലാല്‍-മമ്മൂക്ക ലെജന്റ്‌സിനൊപ്പം അഭിനയിക്കുമ്പോള്‍ മാത്രമേ അഭിനയ പഠനം പൂര്‍ണമാകൂ: നമിത
  • മലയാളത്തിലെ ഭൂരിഭാഗം നടന്മാരും നടിമാരോട് ലൈംഗികതാല്‍പര്യം ഉള്ളവര്‍ ; വഴങ്ങാത്തവരെ ഒഴിവാക്കും -സജിതാ മഠത്തില്‍
  • സിനിമയില്‍ പശു വേണ്ടെന്ന് സെന്‍സര്‍ ബോര്‍ഡ്; ഒന്നും മനസിലാകുന്നില്ലെന്ന് സലീംകുമാര്‍
  • നായകനെ കാണുന്നത് അച്ഛന്റെ സ്ഥാനത്ത്; പ്രണയരംഗങ്ങള്‍ വേണ്ടെന്ന് നയന്‍താര
  • 'ആമി'യില്‍ വിദ്യാബാലന്‍ നായികയായിരുന്നെങ്കില്‍ ലൈംഗികത കടന്നുവന്നേനെ - കമല്‍ പറയുന്നു
  • ഗുണ്ടാത്തലവന്റെ വധഭീഷണിയ്ക്ക് പിന്നാലെ സല്‍മാന്റെ ലൊക്കേഷനില്‍ നാടകീയ സംഭവങ്ങള്‍ ; ഷൂട്ടിങ്ങ് നിര്‍ത്തിവെച്ചു
  •  
        © 2012 ukmalayalamnews.com All rights reserved. Powered by Phoenix Infoway