യു.കെ.വാര്‍ത്തകള്‍

മാഞ്ചസ്റ്ററില്‍ വാഹനാപകടത്തില്‍പ്പെട്ട പോള്‍ ജോണിന്റെ നില ഗുരുതരമായി തുടരുന്നു; പ്രാര്‍ത്ഥനയോടെ മലയാളികള്‍

ലണ്ടന്‍ : മാഞ്ചസ്റ്ററില്‍ മകളെയും കൂട്ടി റോഡ് ക്രോസ് ചെയ്യുന്നതിനിടെ കാറിടിച്ചു പരിക്കേറ്റ കൂടല്ലൂര്‍ പോള്‍ ജോണിന്റെ ആരോഗ്യ നില ഗുരുതരമായി തുടരുന്നു. സാല്‍ഫോര്‍ഡ് ഹോപ്പ് ഹോസ്പിറ്റലില്‍ പ്രവേശിപ്പിച്ച പോള്‍ വെന്റിലേറ്ററിലാണ്. തലക്കാണ് സാരമായ പരിക്ക്. പോള്‍ ജോണിനായി ബന്ധുക്കളും സുഹൃത്തുക്കളും പ്രാര്‍ത്ഥനയോടെ കാത്തിരിക്കുകയാണ്. പോളിന്റെ മകള്‍ അഞ്ചോലോക്കും പരിക്കേറ്റിരുന്നു. വിഥിന്‍ഷോ ചില്‍ഡ്രന്‍സ് ഹോസ്പിറ്റലില്‍ പ്രവേശിപ്പിച്ച മകളുടെ പരിക്ക് സാരമുള്ളതല്ല. അപകടം ഉണ്ടായ ഉടനെ എയര്‍ ആംബുലന്‍സില്‍ ആണ് ഇരുവരെയും ആശുപത്രിയില്‍ എത്തിച്ചത്.


ചൊവ്വാഴ്ച വൈകിട്ട് നാലേമുക്കാലോടെ മാഞ്ചസ്റ്റര്‍ വിഥിന്‍ഷായിലെ സെന്റ് ജോണ്‍ സ്കൂളിനു സമീപമാണ് അപകടം നടന്നത്. ക്വയര്‍ പ്രാക്റ്റിസ് കഴിഞ്ഞു മകളെ കൂട്ടിക്കൊണ്ട് വരും വഴി റോഡ്‌ മുറിച്ച് കടക്കുമ്പോഴായിരുന്നു അപകടം സംഭവിച്ചത്. ഹോളിഹെഡ്ജ് റോഡിലെ വുഡ്ഹൗസ് ലൈനില്‍ ആണ് അപകടം നടന്നത്.

റോഡ്‌ മുറിച്ച് കടക്കുകയായിരുന്ന പോളിനെയും അഞ്ചോലോയെയും ഇടിച്ച് തെറിപ്പിച്ച കാര്‍ തുടര്‍ന്ന് മറ്റൊരു സ്ത്രീയെയും പ്രാമിലുണ്ടായിരുന്ന ഇവരുടെ കൊച്ചു കുട്ടിയേയും ഇടിച്ച് വീഴിച്ചു. എന്നാല്‍ ഇവരുടെ പരിക്കുകള്‍ സാരമുള്ളതല്ല.


നിരവധി പോലീസ് വാഹനങ്ങളും എയര്‍ ആംബുലന്‍സും സ്ഥലത്ത് എത്തിയിരുന്നു. അപകടം നടന്ന റോഡ്‌ എട്ട് മണി വരെ അടച്ചിരിക്കുകയായിരുന്നു. അപകടം സംബന്ധിച്ച് ആരെയും പോലീസ് അറസ്റ്റ് ചെയ്തിട്ടില്ല. അപകടം നടന്നതറിഞ്ഞു മാഞ്ചസ്റ്ററിലെ മലയാളി സമൂഹം ഹോസ്പിറ്റലിലുണ്ട്.


മാഞ്ചസ്റ്റര്‍ എയര്‍പോര്‍ട്ടിലെ സ്‌കൈ ഷെഫ് എന്ന സ്ഥാപനത്തിലെ ജീവനക്കാരനായിരുന്നു പോള്‍ . വിഥിന്‍ഷാ ഹോസ്പിറ്റലിലെ എന്‍ഡോസ്കോപ്പി വിഭാഗം നഴ്‌സാണ് ഭാര്യ മിനി. രണ്ടു കുട്ടികളാണ് ഇവര്‍ക്കുള്ളത്.

  • ഷിഫ അല്‍ജസീറ ഉടമയുടെ തിരോധാനത്തിനു പിന്നില്‍ ബന്ധുക്കളെന്നു സുഹൃത്ത്
  • യൂറോപ്പിലേക്ക് ഐഎസ് ഭീകരരുടെ ഒഴുക്ക്; 173 പേര് വിവരങ്ങള്‍ ഇന്റര്‍പോള്‍ പുറത്തുവിട്ടു
  • എന്‍എച്ച്എസില്‍ ഹോമിയോപ്പതി ചികിത്സ നിര്‍ത്തുന്നു , ഇനി അലോപ്പതി മാത്രം, രോഗികള്‍ പ്രതിസന്ധിയില്‍
  • സുരക്ഷാഭീഷണി: യുകെയില്‍ ഡ്രോണുകള്‍ക്ക് രജിസ്‌ട്രേഷന്‍ വരുന്നു
  • പോലീസുകാര്‍ കുറവ്; ഇംഗ്ലണ്ടിലും വെയില്‍സിലും കുറ്റകൃത്യങ്ങള്‍ പെരുകുന്നു
  • ബ്രിട്ടനില്‍ പെന്‍ഷന്‍ പ്രായം ഒരു വര്‍ഷം കൂട്ടി അറുപത്തിയെട്ടാക്കി
  • ഫാ മാര്‍ട്ടിന്റെ മൃതദേഹം വിട്ടുകിട്ടുന്നതിനുള്ള നടപടിക്രമങ്ങള്‍ പൂര്‍ത്തിയായി; ദുരൂഹത നീങ്ങിയില്ല
  • ക്രോയ്‌ഡോണില്‍ മലയാളി വീട്ടമ്മയെ കൊന്നത് മകള്‍ ; കൊല ഇന്‍സുലിന്‍ കൊടുത്ത് മയക്കി ശ്വാസം മുട്ടിച്ച്
  • കാര്‍ഡിഫില്‍ ടീന പോളിന് മലയാളി സമൂഹത്തിന്റെ കണ്ണീരില്‍ കുതിര്‍ന്ന അന്ത്യാഞ്ജലി
  • ബ്രക്‌സിറ്റ് സെക്രട്ടറി ബ്രസല്‍സില്‍ ; ഇയു പൗരന്‍മാരുടെയും ബ്രിട്ടീഷുകാരുടെയും ഭാവി ചര്‍ച്ചയാകും
  •  
        © 2012 ukmalayalamnews.com All rights reserved. Powered by Phoenix Infoway