സിനിമ

വിനായകന്റെ ഗംഗ ദേശീയ അവാര്‍ഡിനും; ജൂറിക്ക് മുന്നില്‍ മലയാളത്തില്‍ നിന്ന് പത്ത് സിനിമകള്‍

സംസ്ഥാന ചലച്ചിത്ര പുരസ്‌കാരത്തിനു പിന്നാലെ വിനായകന്റെ ഗംഗ ദേശീയ അവാര്‍ഡിനും മാറ്റുരയ്ക്കുന്നു. കമ്മട്ടിപ്പാടത്തിലെ വിനായകന്റെ ഗംഗ എന്ന കഥാപാത്രം ദേശീയ ചലച്ചിത്ര പുരസ്‌കാരത്തിനുള്ള പട്ടികയില്‍ മുന്നിലുണ്ടാവും. ദക്ഷിണേന്ത്യന്‍ സിനിമകള്‍ വിലയിരുത്തിയ ജൂറി സമര്‍പ്പിച്ച പട്ടികയിലാണ് മികച്ച നടനുള്ള വിഭാഗത്തില്‍ വിനായകനും ഉള്‍പ്പെട്ടിരിക്കുന്നത്. അഞ്ച് പ്രാദേശിക ജൂറികള്‍ സമര്‍പ്പിച്ച എന്‍ട്രികളില്‍ നിന്നാകും പ്രിയദര്‍ശന്‍ ചെയര്‍മാനായ ജൂറി ദേശീയ പുരസ്‌കാരങ്ങള്‍ പ്രഖ്യാപിക്കുക. വിവിധ ഭാഷകളില്‍ നിന്നായി 380 സിനിമകളാണ് ജൂറിക്ക് മുന്നില്‍ സമര്‍പ്പിക്കപ്പെട്ടിരുന്നത്. ഇവയില്‍ നിന്നാണ് അഞ്ച് മേഖലകളില്‍ നിന്നായി വ്യത്യസ്ത ജൂറികളിലൂടെ അവസാന പട്ടിക തയ്യാറാക്കിയിരിക്കുന്നത്.

മലയാളത്തില്‍ നിന്നും തമിഴില്‍ നിന്നുമായി പതിനഞ്ച് എന്‍ട്രികളാണ് ജൂറിയ്ക്ക് മുന്നില്‍ എത്തിയിരിക്കുന്നത്. മലയാളം തമിഴ് സിനിമകള്‍ പരിഗണിച്ച ജൂറിയില്‍ മലയാളി സംവിധായകന്‍ ആര്‍.എസ് വിമലും അംഗമായിരുന്നു. പ്രാദേശിക ജൂറി സമര്‍പ്പിക്കുന്ന ഈ പട്ടികയില്‍ നിന്നാണ് പ്രിയദര്‍ശന്‍ അധ്യക്ഷനായ ആറംഗ ജൂറി പുരസ്‌കാരത്തിനര്‍ഹരായവരെ കണ്ടെത്തുക. പ്രിയദര്‍ശന്‍ ജൂറി അധ്യക്ഷനായതോടെ അദ്ദേഹത്തിന്റെ ഒപ്പം എന്ന സിനിമ എല്ലാ വിഭാഗത്തില്‍ നിന്നും പിന്‍വലിച്ചിരുന്നു. സംസ്ഥാന പുരസ്‌കാരത്തിന് വിനായകനുമായി മത്സരിച്ചത് ഒപ്പത്തിലെ മോഹന്‍ലാലിന്റെ ജയരാമനായിരുന്നു.

മലയാളത്തില്‍ നിന്ന് മഹേഷിന്റെ പ്രതികാരം, ഒറ്റയാള്‍ പാത, കമ്മട്ടിപാടം കാംബോജി, പിന്നെയും, കട് പൂക്കുന്ന നേരം, ഗപ്പി, മിന്നാമിനുങ് എന്നീ ചിത്രങ്ങളാണ് ദേശീയ ജൂറിയ്ക്ക് മുന്നില്‍ എത്തിയിരിക്കുന്നത്. ഇതിനു പുറമേ റിലീസ് ചെയ്യാത്ത ചില ചിത്രങ്ങളും സമിതിക്കു മുന്നില്‍ എത്തിയതില്‍ ഉള്‍പ്പെടുന്നുണ്ട്.

  • പിറന്നാള്‍ ആശംസകള്‍ എന്റെ തങ്കമേ....; നയന്‍താരയോടുപ്രണയാതുരനായി സംവിധായകന്‍
  • കൊച്ചിയില്‍ സല്‍മാന്റെ മസിലുപിടുത്തം അനുകരിച്ചു കത്രീന, ഒന്നുമറിയാതെ ഗ്യാലറിയെ അഭിവാദ്യം ചെയ്ത് സല്ലു
  • വ്യാജരേഖ ചമച്ച് നികുതി വെട്ടിപ്പ്: അമലാ പോളിനും ഫഹദ് ഫാസിലിനും ക്രൈംബ്രാഞ്ച് നോട്ടിസ്
  • അമ്മയുടെ വഴിയേ ലിസിയുടെ മകള്‍ കല്യാണിയും സിനിമയിലേക്ക്: ടീസര്‍ യൂട്യൂബ് ട്രെന്‍ഡിങ്ങില്‍ ഒന്നാമത്
  • ടൊവിനോയും ഐശ്വര്യ ലക്ഷ്മിയും ഒന്നിച്ച മായാനദിയുടെ തകര്‍പ്പന്‍ ട്രെയിലറെത്തി
  • ദീപികയുടേയും ബന്‍സാലിയുടെയും തല വെട്ടാന്‍ അഞ്ചുകോടി പ്രഖ്യാപിച്ചു ക്ഷത്രിയ യുവ മഹാസഭ നേതാവ്
  • ഇറാക്കിലെ നഴ്‌സുമാരുടെ ദുരിത ജീവിതം പറഞ്ഞ 'ടേക്ക് ഓഫ്' ഐഎഫ്എഫ്‌ഐ മത്സരവിഭാഗത്തില്‍
  • ആ രംഗത്തെക്കുറിച്ച് ആലോചിക്കുമ്പോള്‍ അറപ്പ് തോന്നും; ബോളിവുഡ് ചിത്രത്തിലെ അഭിനയത്തെക്കുറിച്ച് റായി ലക്ഷ്മി
  • മെഴ്‌സിഡസ് ബെന്‍സിന്റെ ടയര്‍ ഊരിത്തെറിച്ചു; അമിതാഭ് ബച്ചന്‍ രക്ഷപെട്ടത് തലനാരിഴയ്ക്ക്
  • തമിഴ് സിനിമാ ചേരുവകളെ ട്രോളി നയന്‍താരയെ വാഴ്ത്തി അമലപോള്‍
  •  
        © 2012 ukmalayalamnews.com All rights reserved. Powered by Phoenix Infoway