സിനിമ

ആഘോഷമായി പുറത്തിറക്കും മുമ്പേ ബാഹുബലി 2 ന്റെ ട്രെയിലര്‍ പുറത്താവുകയായിരുന്നു

വ്യാഴാഴ്ച രാവിലെ പുറത്തിറങ്ങിയ 'ബാഹുബലി ദി കണ്‍ക്ലൂഷ'ന്റെ ട്രെയിലര്‍ രാജ്യമൊട്ടാകെ തരംഗമായി മുന്നേറവേ അതൊരു അബദ്ധം മൂലം സംഭവിച്ചതാണെന്നു വെളിപ്പെടുത്തല്‍ . ചിത്രത്തിന്റെ അണിയറ പ്രവര്‍ത്തകരുടെ തീരുമാനപ്രകാരം വ്യാഴാഴ്ച വൈകീട്ട് 5 മണിക്ക് വമ്പന്‍ സ്റ്റേജ് പ്രോഗ്രാമുകളുടെ അകമ്പടിയോടെയായിരുന്നു ട്രെയിലര്‍ ഇറങ്ങേണ്ടിയിരുന്നത്. നേരത്തേ പ്രഖ്യാപിച്ചിരുന്നതും അങ്ങിനെ തന്നെ. എന്നാല്‍ വ്യാഴാഴ്ച രാവിലെ അപ്രതീക്ഷിതമായാണ് ട്രെയിലര്‍ ഇറങ്ങിയത്.എന്തുകൊണ്ടാണ് ഇങ്ങനെ സംഭവിച്ചത്? അതിന്റെ കാരണം, വൈകീട്ട് മുംബൈയില്‍ നടന്ന ചടങ്ങില്‍ അതിഥിയായെത്തിയ ബോളിവുഡ് സംവിധായകന്‍ കരണ്‍ ജോഹര്‍ വെളിപ്പെടുത്തി.
നിര്‍ഭാഗ്യവശാല്‍ ബാഹുബലി 2 ന്റെ ട്രെയിലര്‍ രാവിലെ തന്നെ ചിലരെല്ലാം കണ്ടുകഴിഞ്ഞു. ഹാക്കിങ് ആണെന്നാണ് എല്ലാവരും ആദ്യം കരുതിയത്. എന്നാല്‍ സംഭവം അതല്ല. അതൊരു സാങ്കേതിക പിഴവായിരുന്നു- കരണ്‍ പറഞ്ഞു.
ബാഹുബലിയുടെ വീഡിയോ അവകാശങ്ങള്‍ ഓരോ ഭാഷയിലേയും വ്യത്യസ്ത കമ്പനികളാണ് പിടിച്ചിരിക്കുന്നത്. അവരെല്ലാം അവരുടെ യൂട്യൂബ് ചാനലുകളില്‍ ട്രെയിലര്‍ അപ്ലോഡ് ചെയ്യാന്‍ തയ്യാറായി കാത്തിരുന്നതായിരുന്നു. എന്നാല്‍ എന്നാല്‍ അപ്‌ലോഡ് ചെയ്യുന്ന കാര്യത്തില്‍ സാങ്കേതിക വിഭാഗത്തിന് പിഴവ് പറ്റി.
ട്രെയിലര്‍ രാവിലെ തന്നെ യൂട്യൂബിലെത്തി. തുടര്‍ന്ന് സംവിധായകന്‍ രാജമൗലി പെട്ടന്ന് തന്നെ ഔദ്യോഗികമായി റിലീസ് പ്രഖ്യാപിക്കുകയായിരുന്നു.
തെലുങ്ക്, ഹിന്ദി, തമിഴ്, മലയാളം ഭാഷകളില്‍ പുറത്തിറക്കിയ ട്രെയിലറിന് വന്‍ വരവേല്‍പാണ് ലഭിച്ചിരിക്കുന്നത്.

ട്രെയിലര്‍

  • പിറന്നാള്‍ ആശംസകള്‍ എന്റെ തങ്കമേ....; നയന്‍താരയോടുപ്രണയാതുരനായി സംവിധായകന്‍
  • കൊച്ചിയില്‍ സല്‍മാന്റെ മസിലുപിടുത്തം അനുകരിച്ചു കത്രീന, ഒന്നുമറിയാതെ ഗ്യാലറിയെ അഭിവാദ്യം ചെയ്ത് സല്ലു
  • വ്യാജരേഖ ചമച്ച് നികുതി വെട്ടിപ്പ്: അമലാ പോളിനും ഫഹദ് ഫാസിലിനും ക്രൈംബ്രാഞ്ച് നോട്ടിസ്
  • അമ്മയുടെ വഴിയേ ലിസിയുടെ മകള്‍ കല്യാണിയും സിനിമയിലേക്ക്: ടീസര്‍ യൂട്യൂബ് ട്രെന്‍ഡിങ്ങില്‍ ഒന്നാമത്
  • ടൊവിനോയും ഐശ്വര്യ ലക്ഷ്മിയും ഒന്നിച്ച മായാനദിയുടെ തകര്‍പ്പന്‍ ട്രെയിലറെത്തി
  • ദീപികയുടേയും ബന്‍സാലിയുടെയും തല വെട്ടാന്‍ അഞ്ചുകോടി പ്രഖ്യാപിച്ചു ക്ഷത്രിയ യുവ മഹാസഭ നേതാവ്
  • ഇറാക്കിലെ നഴ്‌സുമാരുടെ ദുരിത ജീവിതം പറഞ്ഞ 'ടേക്ക് ഓഫ്' ഐഎഫ്എഫ്‌ഐ മത്സരവിഭാഗത്തില്‍
  • ആ രംഗത്തെക്കുറിച്ച് ആലോചിക്കുമ്പോള്‍ അറപ്പ് തോന്നും; ബോളിവുഡ് ചിത്രത്തിലെ അഭിനയത്തെക്കുറിച്ച് റായി ലക്ഷ്മി
  • മെഴ്‌സിഡസ് ബെന്‍സിന്റെ ടയര്‍ ഊരിത്തെറിച്ചു; അമിതാഭ് ബച്ചന്‍ രക്ഷപെട്ടത് തലനാരിഴയ്ക്ക്
  • തമിഴ് സിനിമാ ചേരുവകളെ ട്രോളി നയന്‍താരയെ വാഴ്ത്തി അമലപോള്‍
  •  
        © 2012 ukmalayalamnews.com All rights reserved. Powered by Phoenix Infoway