യു.കെ.വാര്‍ത്തകള്‍

യുകെകെസിഎ റാലിയിലും പെരുന്നാളിലും പോള്‍ എന്നും സജീവ സാന്നിധ്യം; സംസ്‌കാരം യുകെയില്‍ തന്നെ

ലണ്ടന്‍ : മാഞ്ചസ്റ്ററില്‍ കാറിടിച്ചു മരിച്ച കൂടല്ലൂര്‍ സ്വദേശി പോള്‍ ജോണിന്റെ (42) വേര്‍പാടിന്റെ നടുക്കത്തിലാണ് യുകെ ജനത. സൗമ്യപ്രകൃതമുള്ള വ്യക്തിയായ പോളിനെക്കുറിച്ച് വിഥിന്‍ഷോയിലെ മലയാളി സുഹൃത്തുക്കള്‍ക്ക് നല്ല ഓര്‍മകള്‍ മാത്രമാണ് പങ്കുവയ്ക്കാനുള്ളത്. മാഞ്ചസ്റ്റര്‍ ക്‌നാനായ അസോസിയേഷന്റേയും സജീവ പ്രവര്‍ത്തകനായിരുന്നൂ പോള്‍. മാഞ്ചസ്റ്ററിലെ ക്‌നാനായ കൂട്ടായ്മകളിലും ക്‌നാനായ ചാപ്ലയന്‍സിയുടെ തിരുനാളിലും യുകെകെസിഎ റാലിയിലും എന്നും സഹകരിച്ചിരുന്നു പോള്‍. ക്‌നായിത്തൊമ്മന്റെ വേഷമണിഞ്ഞും പോള്‍ ഏവരുടെയും ശ്രദ്ധ പിടിച്ചു പറ്റിയിട്ടുണ്ട്.


പോളിന്റെ സംസ്‌കാരം യുകെയില്‍ തന്നെ നടത്താനാണ് തീരുമാനിച്ചിരിക്കുന്നത്. അവയദാനത്തിനുശേഷം മൃതദേഹം വിട്ടുകിട്ടിയതിനു ശേഷമായിരിക്കൂം ചടങ്ങുകളെക്കുറിച്ചുള്ള വിവരങ്ങള്‍ തീരുമാനിക്കുക. പോളിന്റെ മാതാപിതാക്കള്‍ ബംഗ്ലൂരില്‍ നിന്നുമെത്തും. കോട്ടയം കൂടല്ലൂര്‍ സ്വദേശികളാണെങ്കിലും പോളിന്റെ കുടുംബം ബാംഗളൂരിലാണ് സെറ്റില്‍ ചെയ്തിരിക്കുന്നത്. നാലു സഹോദരങ്ങളൂം ഒരു സഹോദരിയുമാണ് പോളിനുള്ളത്.

ഒരാള്‍ ഓസ്‌ട്രേലിയയിലും, ഒരാള്‍ സിംഗപ്പുരിലും ഒരാള്‍ ബാംഗ്ലൂരിലുമാണ്. ലണ്ടനിലെ ഹൈവൈക്കൊബ്ബെയില്‍ ജേക്കബ് എന്ന സഹോദരനുണ്ട്. ഇതിനുപുറമേ ഭാര്യയുടെ സഹോദരന്‍ കേംബ്രിഡ്ജിലും താമസിക്കുന്നുണ്ട്. കോട്ടയം കൂടല്ലൂര്‍ സ്വദേശിയാണെങ്കിലും പോള്‍ ജനിച്ചുവളര്‍ന്നത് മദ്രാസിലായിരുന്നു. ഭാര്യ മിനി വളര്‍ന്നത് ബാംഗ്ലൂരിലും.

ആശുപത്രിയിലെ കാര്യങ്ങള്‍ക്കും മൃതദേഹം ഏറ്റുവാങ്ങുന്നത് അടക്കമുള്ള തുടര്‍ നടപടികള്‍ക്കുമായ് ഫാ സജി മലയിലിന്റെ നേതൃത്വത്തിലുള്ള മലയാളികളുടെ സംഘവും ആശുപത്രിയുമായി ബന്ധപ്പെട്ട് പ്രവര്‍ത്തിക്കുന്നുണ്ട്. വിവിധ മലയാളി സംഘടന നേതാക്കളും മാഞ്ചസ്റ്റര്‍ മലയാളി സമൂഹത്തിലെ പ്രധാന അംഗങ്ങളെല്ലാവരും കുടുംബത്തിന് സഹായമായി നിലകൊള്ളുന്നുണ്ട്. പോളിന്റെ അപ്രതീക്ഷിത വിയോഗത്തില്‍ തകര്‍ന്നിരിക്കുകയാണ് പോളിന്റെ ഭാര്യ മിനിയും മക്കളും.

അപകടത്തില്‍ പോളിന്റെ മകള്‍ അഞ്ചോലോക്കും പരിക്കേറ്റിരുന്നു. വിഥിന്‍ഷോ ചില്‍ഡ്രന്‍സ് ഹോസ്പിറ്റലില്‍ പ്രവേശിപ്പിച്ച മകളുടെ പരിക്ക് സാരമുള്ളതല്ല. അപകടം ഉണ്ടായ ഉടനെ എയര്‍ ആംബുലന്‍സില്‍ ആണ് ഇരുവരെയും ആശുപത്രിയില്‍ എത്തിച്ചത്.

ചൊവ്വാഴ്ച വൈകിട്ട് നാലേമുക്കാലോടെ മാഞ്ചസ്റ്റര്‍ വിഥിന്‍ഷായിലെ സെന്റ് ജോണ്‍ സ്കൂളിനു സമീപമാണ് അപകടം നടന്നത്. ക്വയര്‍ പ്രാക്റ്റിസ് കഴിഞ്ഞു മകളെ കൂട്ടിക്കൊണ്ട് വരും വഴി റോഡ്‌ മുറിച്ച് കടക്കുമ്പോഴായിരുന്നു അപകടം സംഭവിച്ചത്. ഹോളിഹെഡ്ജ് റോഡിലെ വുഡ്ഹൗസ് ലൈനില്‍ ആണ് അപകടം നടന്നത്. റോഡ്‌ മുറിച്ച് കടക്കുകയായിരുന്ന പോളിനെയും അഞ്ചോലോയെയും ഇടിച്ച് തെറിപ്പിക്കുകയായിരുന്നു. അപകടം ഉണ്ടായ ഉടനെ എയര്‍ ആംബുലന്‍സില്‍ ആണ് ഇരുവരെയും ആശുപത്രിയില്‍ എത്തിച്ചത്.

മാഞ്ചസ്റ്റര്‍ എയര്‍പോര്‍ട്ടിലെ സ്‌കൈ ഷെഫ് എന്ന സ്ഥാപനത്തിലെ ജീവനക്കാരനായിരുന്നു പോള്‍ . വിഥിന്‍ഷാ ഹോസ്പിറ്റലിലെ എന്‍ഡോസ്കോപ്പി വിഭാഗം നഴ്‌സാണ് ഭാര്യ മിനി. രണ്ടു കുട്ടികളാണ് ഇവര്‍ക്കുള്ളത്.

  • കിടിലന്‍ ഓഫറുകളുമായി ബ്ലാക്ക് ഫ്രൈഡേ ഷോപ്പിംഗ്; നാല് ദിവസം കൊണ്ട് പ്രതീക്ഷിക്കുന്നത് 8 ബില്യണ്‍ പൗണ്ടിന്റെ കച്ചവടം
  • സിഗററ്റിനു വില കൂടും ,മദ്യ വിലകൂടില്ല , ഇന്ധന നികുതി വര്‍ദ്ധനയില്ല, ഡീസല്‍ കാറിനു ചെലവേറും
  • നഴ്‌സുമാര്‍ക്ക് ശമ്പള വര്‍ധന വാഗ്ദാനം ചെയ്ത് ഹാമണ്ടിന്റെ ബജറ്റ്; തീരുമാനം നീളും, ആദ്യ വീട് സ്വന്തമാക്കുന്നവര്‍ക്ക് സ്റ്റാമ്പ് ഡ്യൂട്ടി ഒഴിവാക്കും
  • ജിപിയെ കാണാന്‍ ഒരു മണിക്കൂര്‍ കാത്തിരുന്ന മൂന്നുവയസുകാരന്‍ മരിച്ചു; ഡോക്ടര്‍മാര്‍ എന്‍എച്ച്എസ് വിടുന്നതിന്റെ ഫലം
  • ലണ്ടനിലെ എപ്പിംഗില്‍ ബ്ലഡ് കാന്‍സര്‍ ബാധിതനായ മലയാളി മരിച്ചു, പൊതുദര്‍ശനം ശനിയാഴ്ച
  • എല്‍ദോസിന് ഹെയില്‍ഷാമില്‍ മലയാളികള്‍ കണ്ണീരോടെ വിട നല്‍കി, സംസ്കാരം വ്യാഴാഴ്ച നാട്ടില്‍
  • ബ്രിട്ടനെതിരെ ഇന്ത്യയ്ക്ക് നാടകീയ ജയം; ദല്‍വീര്‍ ഭണ്ഡാരി രാജ്യാന്തര കോടതി ജഡ്ജി
  • വിമാനത്തിന്റെ മുന്‍സീറ്റിലിരുന്ന സ്ത്രീയെ കയറിപ്പിടിച്ച ഇന്ത്യന്‍ യുവാവ് കുടുങ്ങി
  • അമ്മയെക്കുറിച്ച് വാചാലയായി,ഇന്ത്യയുടെ മാനുഷിക്ക് ലോകസുന്ദരി പട്ടം
  • ഈസ്റ്റ് ബോണില്‍ അന്തരിച്ച പെരുമ്പാവൂര്‍ സ്വദേശി എല്‍ദോസിന്റെ പൊതുദര്‍ശനം തിങ്കളാഴ്ച
  •  
        © 2012 ukmalayalamnews.com All rights reserved. Powered by Phoenix Infoway