യു.കെ.വാര്‍ത്തകള്‍

88 വയസുള്ള ഡ്രൈവറുടെ അശ്രദ്ധ പോളിന്റെ ജീവനെടുത്തു, മകളെ തള്ളിമാറ്റി മരണം സ്വീകരിച്ച പിതാവിനെക്കുറിച്ചു പ്രാദേശിക മാധ്യമങ്ങള്‍

ലണ്ടന്‍ : മാഞ്ചസ്റ്ററില്‍ മകളെയും കൂട്ടി റോഡ് ക്രോസ് ചെയ്യുന്നതിനിടെ കാര്‍ പാഞ്ഞുവരുന്നതുകണ്ടു ഞൊടിയിടകൊണ്ടു മകളെ തള്ളിമാറ്റുകയായിരുന്നു പോള്‍ ജോണെന്നു ദൃക്‌സാക്ഷികളെ ഉദ്ധരിച്ചു പ്രാദേശിക മാധ്യമങ്ങള്‍. ഒമ്പതുവയസ്സുള്ള മകള്‍ ഏഞ്ചലോ നിസാര പരിക്കോടെ രക്ഷപ്പെടാന്‍ കാരണം ആ പിതാവിന്റെ മിന്നല് നീക്കമായിരുന്നു. മകളുടെ ജീവന്‍ രക്ഷിച്ചു മരണപ്പെട്ട പോളിനെ ഹീറോയായാണ് മാഞ്ചസ്റ്റര്‍ ഈവനിംഗ് ന്യൂസ് വിശേഷിപ്പിക്കുന്നത്.

പോളിന്റെ അവയവങ്ങള്‍ ദാനം ചെയ്തതും അത് മറ്റുള്ളവര്‍ക്ക് പുതു ജീവനേകിയതും വാര്‍ത്തയില്‍ പറയുന്നു. 27 കാരിയായ സ്ത്രീയെയും അവരുടെ രണ്ടു വയസുള്ള മകനെയും കാര്‍ ഇടിച്ചിരുന്നു. അവരും ചികിത്സയിലാണ്. പരിക്ക് സാരമുള്ളതല്ല. പോള്‍ നല്ലൊരു മനുഷ്യ സ്നേഹിയാണെന്നു മലയാളി അസോസിയേഷന്‍ നേതാക്കളെ ഉദ്ധരിച്ചു വാര്‍ത്തയില്‍ പത്രം പറയുന്നു.


കാറോടിച്ചതു 88 വയസുള്ള ആളാണ്. ഇയാളെ പോലീസ് ചോദ്യം ചെയ്തിരുന്നു എന്ന് പത്രം റിപ്പോര്‍ട്ട് ചെയ്തു. ഡ്രൈവറുടെ കൂടുതല്‍ വിവരങ്ങള്‍ പുറത്തു വിട്ടിട്ടില്ല. അന്വേഷണം നടക്കുകയാണ്.

ചൊവ്വാഴ്ച വൈകിട്ട് നാലേമുക്കാലോടെ മാഞ്ചസ്റ്റര്‍ വിഥിന്‍ഷായിലെ സെന്റ് ജോണ്‍ സ്കൂളിനു സമീപമാണ് അപകടം നടന്നത്. ക്വയര്‍ പ്രാക്റ്റിസ് കഴിഞ്ഞു മകളെ കൂട്ടിക്കൊണ്ട് വരും വഴി റോഡ്‌ മുറിച്ച് കടക്കുമ്പോഴായിരുന്നു അപകടം സംഭവിച്ചത്. ഹോളിഹെഡ്ജ് റോഡിലെ വുഡ്ഹൗസ് ലൈനില്‍ ആണ് അപകടം നടന്നത്. റോഡ്‌ മുറിച്ച് കടക്കുകയായിരുന്ന പോളിനെയും മകളെയും കാര്‍ ഇടിച്ചത്. തുടര്‍ന്ന് മറ്റൊരു സ്ത്രീയെയും പ്രാമിലുണ്ടായിരുന്ന ഇവരുടെ കൊച്ചു കുട്ടിയേയും ഇടിച്ച് വീഴിച്ചു.

അപകടം ഉണ്ടായ ഉടനെ എയര്‍ ആംബുലന്‍സില്‍ ആണ് ഇരുവരെയും ആശുപത്രിയില്‍ എത്തിച്ചത്. ഏഞ്ചലോയെ വിഥിന്‍ഷോ ചില്‍ഡ്രന്‍സ് ഹോസ്പിറ്റലില്‍ ആണ് പ്രവേശിപ്പിച്ചത്. സാല്‍ഫോര്‍ഡ് ഹോപ്പ് ഹോസ്പിറ്റലില്‍ പ്രവേശിപ്പിച്ച പോള്‍ വെന്റിലേറ്ററിലായിരുന്നു. വ്യാഴാഴ്ചയായിരുന്നു പോളിന്റെ മരണം.

  • കിടിലന്‍ ഓഫറുകളുമായി ബ്ലാക്ക് ഫ്രൈഡേ ഷോപ്പിംഗ്; നാല് ദിവസം കൊണ്ട് പ്രതീക്ഷിക്കുന്നത് 8 ബില്യണ്‍ പൗണ്ടിന്റെ കച്ചവടം
  • സിഗററ്റിനു വില കൂടും ,മദ്യ വിലകൂടില്ല , ഇന്ധന നികുതി വര്‍ദ്ധനയില്ല, ഡീസല്‍ കാറിനു ചെലവേറും
  • നഴ്‌സുമാര്‍ക്ക് ശമ്പള വര്‍ധന വാഗ്ദാനം ചെയ്ത് ഹാമണ്ടിന്റെ ബജറ്റ്; തീരുമാനം നീളും, ആദ്യ വീട് സ്വന്തമാക്കുന്നവര്‍ക്ക് സ്റ്റാമ്പ് ഡ്യൂട്ടി ഒഴിവാക്കും
  • ജിപിയെ കാണാന്‍ ഒരു മണിക്കൂര്‍ കാത്തിരുന്ന മൂന്നുവയസുകാരന്‍ മരിച്ചു; ഡോക്ടര്‍മാര്‍ എന്‍എച്ച്എസ് വിടുന്നതിന്റെ ഫലം
  • ലണ്ടനിലെ എപ്പിംഗില്‍ ബ്ലഡ് കാന്‍സര്‍ ബാധിതനായ മലയാളി മരിച്ചു, പൊതുദര്‍ശനം ശനിയാഴ്ച
  • എല്‍ദോസിന് ഹെയില്‍ഷാമില്‍ മലയാളികള്‍ കണ്ണീരോടെ വിട നല്‍കി, സംസ്കാരം വ്യാഴാഴ്ച നാട്ടില്‍
  • ബ്രിട്ടനെതിരെ ഇന്ത്യയ്ക്ക് നാടകീയ ജയം; ദല്‍വീര്‍ ഭണ്ഡാരി രാജ്യാന്തര കോടതി ജഡ്ജി
  • വിമാനത്തിന്റെ മുന്‍സീറ്റിലിരുന്ന സ്ത്രീയെ കയറിപ്പിടിച്ച ഇന്ത്യന്‍ യുവാവ് കുടുങ്ങി
  • അമ്മയെക്കുറിച്ച് വാചാലയായി,ഇന്ത്യയുടെ മാനുഷിക്ക് ലോകസുന്ദരി പട്ടം
  • ഈസ്റ്റ് ബോണില്‍ അന്തരിച്ച പെരുമ്പാവൂര്‍ സ്വദേശി എല്‍ദോസിന്റെ പൊതുദര്‍ശനം തിങ്കളാഴ്ച
  •  
        © 2012 ukmalayalamnews.com All rights reserved. Powered by Phoenix Infoway