നാട്ടുവാര്‍ത്തകള്‍

മലപ്പുറത്ത് കുഞ്ഞാലിക്കുട്ടിക്ക് എതിരെ സിപിഎമ്മിന്റെ ദുര്‍ബല സ്ഥാനാര്‍ഥി

മലപ്പുറം: കമലും ടി കെ ഹംസയുമൊന്നുമല്ല, മലപ്പുറത്ത് കരുത്തനായ കുഞ്ഞാലിക്കുട്ടിക്ക് എതിരെ സിപിഎം നിര്‍ത്തുന്നത് ദുര്‍ബലനായ സ്ഥാനാര്‍ത്ഥിയെ. ഡിവൈഎഫ്‌ഐ നേതാവ് അഡ്വ. എംബി ഫൈസല്‍ ആണ് എല്‍ഡിഎഫ് സ്ഥാനാര്‍ത്ഥി. മലപ്പുറം ഡിവൈഎഫ്‌ഐ ജില്ലാ പ്രസിഡന്റും ജില്ലാ പഞ്ചായത്തംഗവുമായ എംബി ഫൈസലിനെ സിപിഎം സ്ഥാനാര്‍ത്ഥിയായി സംസ്ഥാന സെക്രട്ടറി കോടിയേരി ബാലകൃഷ്ണനാണ് പ്രഖ്യാപിച്ചത്. മലപ്പുറത്ത് ചേര്‍ന്ന സിപിഎം ജില്ലാ സെക്രട്ടറിയേറ്റ് യോഗത്തിന് ശേഷമാണ് ഫൈസലിനെ സ്ഥാനാര്‍ത്ഥിയായി പ്രഖ്യാപിച്ചത്. സംസ്ഥാനത്തെ എല്‍ഡിഎഫ് ഭരണത്തിന്റെ വിലയിരുത്തലാകും തെരഞ്ഞെടുപ്പെന്ന് കോടിയേരി ബാലകൃഷ്ണന്‍ സ്ഥാനാര്‍ത്ഥി പ്രഖ്യാപനത്തിന് ശേഷം പറഞ്ഞു.


മലപ്പുറത്ത് മുതിര്‍ന്ന നേതാവായ ടികെ ഹംസയടക്കമുള്ളവരുടെ പേരുകള്‍ ഇടത് സ്ഥാനാര്‍ത്ഥി സ്ഥാനത്തേക്ക് ഉയര്‍ന്നുകേട്ടിരുന്നുവെങ്കിലും ഒടുവില്‍ യുവനേതാവായ എംബി ഫൈസലിന് നറുക്ക് വീഴുകയായിരുന്നു. മുന്‍ മന്ത്രിയും സംസ്ഥാന സമിതി അംഗവുമായ ടി.കെ ഹംസ, മലപ്പുറം ജില്ലാ പഞ്ചായത്തംഗം ടി.കെ റഷീദലി എന്നിവരുടെ പേരുകളാണ് നേരത്തെ സംസ്ഥാന സെക്രട്ടേറിയറ്റില്‍ സജീവമായി ചര്‍ച്ചയായത്.

കുഞ്ഞാലിക്കുട്ടി വിജയിച്ചു ദേശീയ രാഷ്ട്രീയത്തിലേക്ക് പോകുന്നതിനോടാണ് പിണറായി വിജയനും കൂട്ടര്‍ക്കും താല്‍പ്പര്യം. കുഞ്ഞലിക്കുട്ടിയുടെ അഭാവം യുഡിഎഫിനെ ക്ഷീണിപ്പിക്കും. മാത്രമല്ല, അടുത്ത തെരഞ്ഞടുപ്പില്‍ സഖ്യവുമാകാം. അങ്ങനെ വിശാലമായ സാധ്യതയാണ് മുന്നിലുള്ളത്.

ഇടത് സ്ഥാനാര്‍ത്ഥി പ്രഖ്യാപനത്തോടെ മലപ്പുറത്തെ തെരഞ്ഞെടുപ്പ് ചിത്രം വ്യക്തമായി. യുഡിഎഫിന് വേണ്ടി മുസ്ലിം ലീഗ് സ്ഥാനാര്‍ത്ഥി പികെ കുഞ്ഞാലിക്കുട്ടി രംഗത്തിറങ്ങുമ്പോള്‍ ബിജെപി മലപ്പുറം ജില്ലാ വൈസ് പ്രസിഡന്റ് എന്‍. ശ്രീപ്രകാശാണ് ബിജെപി സ്ഥാനാര്‍ത്ഥി. കേന്ദ്ര തെരഞ്ഞെടുപ്പ് സമിതിയാണ് ശ്രീപ്രകാശിന്റെ സ്ഥാനാര്‍ത്ഥിത്വം ഇന്നലെ പ്രഖ്യാപിച്ചത്. കഴിഞ്ഞ ലോക്‌സഭാ തെരഞ്ഞെടുപ്പില്‍ മത്സരിച്ച ശ്രീപ്രകാശ് 64,705 വോട്ടുകള്‍ നേടി മൂന്നാംസ്ഥാനത്ത് എത്തിയിരുന്നു.

  • സോഷ്യല്‍ മീഡിയയിലെ ലൈക്കുകള്‍ക്കുവേണ്ടി അന്തസ് കളയാന്‍ ഞാന്‍ തയാറല്ല! ഇത് ചെയ്ത മാന്യന്മാരോട് എനിക്കൊന്നും പറയാനുമില്ല; അവതാരക അശ്വതി പറയുന്നത്
  • മാതൃത്വത്തിന്റെ മഹത്വം; മാന്‍കുഞ്ഞിനെ മുലയൂട്ടുന്ന രാജസ്ഥാനി യുവതിയുടെ ചിത്രം വൈറല്‍
  • മഞ്ജുവിനെ വീഴ്ത്താന്‍ ദിലീപ് മീനാക്ഷിയെ സാക്ഷിക്കൂട്ടിലെത്തിക്കുമോ?
  • നഗ്‌ന ദൃശ്യങ്ങള്‍ പകര്‍ത്താന്‍ ദിലീപ് നിര്‍ബന്ധിച്ചത് നടിയുടെ പിതാവിന്റെ മരണശേഷം; പഴുതടച്ച കുറ്റപത്രമെന്ന് നിയമവിദഗ്ദ്ധര്‍
  • ഡല്‍ഹിയിലെ സ്‌കൂളില്‍ നാലര വയസുകാരന്‍ സഹപാഠിയെ പീഡിപ്പിച്ചു! എന്തു ചെയ്യണമെന്നറിയാതെ പോലീസ്
  • മന്ത്രി തന്നെ സഹായിച്ചിട്ടില്ലെന്ന് വിമാനത്താവളത്തില്‍ കണ്ണന്താനത്തെ പരസ്യമായി ശകാരിച്ച വനിതാ ഡോക്ടര്‍
  • മഞ്ജു വാര്യരുടെ മൊഴി നിര്‍ണായകം; മാധ്യമങ്ങളോട് പ്രതികരിക്കാതെ മഞ്ജു
  • ഗോവയില്‍ വച്ച് നടിയെ കൂട്ടമാനഭംഗം ചെയ്ത് വീഡിയോ പിടിക്കാന്‍ പദ്ധതിയിട്ടു , ദിലീപിന്റെ ക്വട്ടേഷന്‍ 1.5 കോടിക്കെന്നു കുറ്റപത്രം
  • ദിലീപ് പ്രതിയായ കുറ്റപത്രത്തിന്റെ സൂക്ഷ്‌മ പരിശോധന അങ്കമാലി മജിസ്‌ട്രേറ്റ് കോടതിയില്‍
  • അമലാപോള്‍ താമസിക്കുന്നത് പുതുച്ചേരിയിലെ ടോയ്‌ലറ്റ് പോലുമില്ലാത്ത കുടുസു മുറിയില്‍ ! ഫഹദിന്റെ 'വീട്ടില്‍' താമസക്കാര്‍ പലര്‍
  •  
        © 2012 ukmalayalamnews.com All rights reserved. Powered by Phoenix Infoway