നാട്ടുവാര്‍ത്തകള്‍

മെല്‍ബണില്‍ ദിവ്യബലിക്കെത്തിയ മലയാളി വൈദികന് പള്ളിക്കുള്ളില്‍ കുത്തേറ്റ സംഭവം: ഭയന്ന് വിറച്ചു വിശ്വാസികള്‍ , ആശങ്ക

മെല്‍ബണ്‍ : ഓസ്‌ട്രേലിയയില്‍ ദിവ്യബലിക്കെത്തിയ മലയാളി വൈദികനായ ഫാ. ടോമി കളത്തൂര്‍ മാത്യു(48 )വിനെ പള്ളിക്കുള്ളില്‍ വംശവെറി പൂണ്ട അക്രമി കുത്തിവീഴ്ത്തിയ സംഭവം മലയാളി സമൂഹത്തെ നടുക്കി . അക്രമിയെ പിടികൂടാന്‍ പോലീസിനു കഴിഞ്ഞിട്ടില്ല. വടക്കന്‍ മെല്‍ബണിലെ ഫോക്‌നര്‍ വില്യം സട്രീറ്റിലെ സെന്റ് മാത്യൂസ് കാത്തലിക് ചര്‍ച്ചില്‍ ഞായറാഴ്ച പ്രഭാത പ്രാര്‍ഥനയ്ക്ക് ഒത്തുചേര്‍ന്ന വിശ്വാസികള്‍ക്കു മുന്നില്‍ വച്ച് ആണ് പ്രാദേശിക സമയം രാവിലെ പതിനൊന്നു മണിക്ക് ഫാ. ടോമിക്കു കുത്തേറ്റത്.

ഇറ്റാലിയന്‍ കുര്‍ബാന ആരംഭിക്കാനുള്ള തയാറെടുപ്പുകള്‍ നടത്തുന്നതിനിടെ 'നിങ്ങള്‍ ഇന്ത്യക്കാരനോ? ഹിന്ദുവോ, മുസ്ലിമോ', നിങ്ങള്‍ക്ക് കുര്‍ബാന കഴിക്കാനാവില്ല, നിങ്ങളെ ഞാന്‍ കൊല്ലും' എന്ന് ആക്രോശിച്ചുകൊണ്ട് അക്രമി വൈദികനു നേരെ ചാടി വീഴുകയായിരുന്നു. ഫാ. ടോമിയുമായി കുറച്ചുസമയം തര്‍ക്കത്തില്‍ ഏര്‍പ്പെട്ട ശേഷമാണ് പാന്റിന്റെ പോക്കറ്റില്‍നിന്നു കത്തിയെടുത്തു കഴുത്തില്‍ കുത്തിയത്. ഇത് കണ്ട സ്ത്രീകളും കുട്ടികളും അടക്കമുള്ള വിശ്വാസികള്‍ ഭയന്ന് നിലവിളിച്ചു. ദിവ്യബലിക്കുള്ള വസ്ത്രങ്ങളും തണുപ്പിനെ പ്രതിരോധിക്കാനുള്ള കട്ടിയുള്ള വസ്ത്രവും ഉണ്ടായിരുന്നതുകൊണ്ടാണ് പരിക്ക് ഗുരുതരമാകാതിരുന്നത്.

പരിഭ്രാന്തരായ വിശ്വാസികള്‍ അക്രമിയെ പിടിക്കാന്‍ ശ്രമിച്ചെങ്കിലും ഇയാള്‍ രക്ഷപ്പെട്ടു. പലരും പിന്തുടര്‍ന്നെങ്കിലും ഫലമുണ്ടായില്ല. ഫാ. ടോമിയെ പ്രാഥമിക ശുശ്രൂഷ നല്‍കിയ ശേഷം ഉടന്‍ തന്നെ ആശുപത്രിയിലെത്തിച്ചു. പരുക്കു ഗുരുതരമല്ലെന്ന് ആശുപത്രിവൃത്തങ്ങള്‍ അറിയിച്ചു. അക്രമിയെ കഴിഞ്ഞയാഴ്ച പള്ളിക്കു സമീപം ചുറ്റിത്തിരിയുന്നതായി കണ്ടിരുന്നുവെന്നു ദൃക്‌സാക്ഷികള്‍ പറഞ്ഞു. അമ്പതു വയസിനടുത്തുള്ള ഇറ്റാലിയന്‍ വംശജനാണ് ആക്രമണത്തിനു പിന്നിലെന്നാണ് സൂചന. വംശീയ ആക്രമണമാണ് നടന്നതെന്ന് ഇപ്പോള്‍ പറയാനാവില്ലെന്നും അന്വേഷണം നടന്ന് കൊണ്ടിരിക്കുയാണെന്നുമാണ് പോലീസ് പറയുന്നത്.

ഫാ. ടോമി 2014 മുതല്‍ സെന്റ് മാത്യൂസ് പള്ളിയില്‍ വികാരിയായി പ്രവര്‍ത്തിച്ചുവരികയാണ്.താമരശ്ശേരി രൂപത വൈദികനായ ഫാ. ടോമി കളത്തൂര്‍ നാലുവര്‍ഷമായി ഓസ്‌ട്രേലിയയിലാണ് സേവനം ചെയ്യുന്നത്. 1994 ല്‍ വൈദിക പട്ടം സ്വീകരിച്ച അദ്ദേഹം കേരളത്തിലെ വിവിധ പള്ളികളില്‍ സേവനം ചെയ്ത ശേഷം ആണ് ഓസ്‌ട്രേലിയയ്ക്ക് പോയത്. താമരശ്ശേരി രൂപതാ ബിഷപ്പ് റെമിജിയോസ് ഇഞ്ചനാനിയില്‍ ഫാ. ടോമിയുമായി ഫോണില്‍ സംസാരിച്ചു. ആക്രമണത്തെ താമരശ്ശേരി രൂപത അപലപിച്ചു.

  • എംഎം മണിക്കെതിരെ കേസെടുത്തു; അനിശിതകാല നിരാഹാര സമരവുമായി പെമ്പിളൈ ഒരുമൈ
  • പിന്തുണച്ച എല്ലാവര്‍ക്കും നന്ദി; ഈ വിധി ഭാവിയില്‍ എല്ലാവര്‍ക്കും ഗുണം ചെയ്യുമെന്നും സെന്‍കുമാര്‍
  • ക്യാന്‍സര്‍ രോഗി ചമഞ്ഞ് ഫേസ്ബുക്കിലൂടെ സഹായം തേടി ലക്ഷങ്ങളുടെ തട്ടിപ്പ് നടത്തിയ യുവതി 22 കാരി അറസ്റ്റില്‍
  • മന്ത്രിയുടെ പ്രസ്താവനയില്‍ നിന്ന് വമിക്കുന്ന ദുര്‍ഗന്ധം നാടിനെ നാണം കെടുത്തുന്നു- മഞ്ജു വാര്യര്‍
  • ശൈലി മാറ്റില്ല, പിശകുണ്ടെങ്കില്‍ ആത്മപരിശോധന നടത്താമെന്ന് എംഎം മണി
  • സര്‍ക്കാര്‍ ഇറക്കിവിട്ട സെന്‍കുമാറിനെ പൊലീസ് മേധാവിയാക്കി സുപ്രിം കോടതി
  • മണിയെ മന്ത്രിസഭയില്‍ നിന്ന് പുറത്താക്കണം: ചെന്നിത്തല, സുധീരന്‍
  • പൊമ്പിളൈ ഒരുമൈ കൂട്ടായ്മക്ക് എതിരേ ലൈംഗിക അധിക്ഷേപവുമായി എം.എം. മണി
  • പ്രധാനമന്ത്രിയുടെ കണ്ണ് തുറപ്പിക്കാന്‍ ഡല്‍ഹിയില്‍ മൂത്രം കുടിച്ച് കര്‍ഷകര്‍ ; മലം ഭക്ഷിക്കുമെന്ന് മുന്നറിയിപ്പ്
  • ലണ്ടനിലെ മലയാളി യുവാവിനു വധു റഷ്യക്കാരി, കുടുംബക്ഷേത്രത്തില്‍ വിവാഹം
  •  
        © 2012 ukmalayalamnews.com All rights reserved. Powered by Phoenix Infoway