യു.കെ.വാര്‍ത്തകള്‍

ഒരു വയസുള്ള ഇരട്ടമക്കളിലൊന്നിനെ ചുറ്റികക്ക് അടിച്ചു കൊന്നു; മറ്റേ കുട്ടിക്കു ഗുരുതരം; ലണ്ടനില്‍ ഇന്ത്യന്‍ യുവാവ് അറസ്റ്റില്‍

ലണ്ടന്‍: സ്വന്തം ഇരട്ടക്കുട്ടികളെ ചുറ്റികകൊണ്ട് അടിച്ചു ഒരു കുട്ടിയെ കൊല്ലുകയും മറ്റേ കുട്ടിക്ക് ഗുരുതരമായി പരിക്കേല്‍പ്പിക്കുകയും ചെയ്ത ഇന്ത്യക്കാരന്‍ അറസ്റ്റില്‍ . 33 കാരനായ ബിദ്യാസാഗര്‍ ദാസ് എന്നയാളാണ് പോലീസ് പിടിയിലായത്. ഈസ്റ്റ് ലണ്ടനിലെ ഫിന്‍സ്ബറി പാര്‍ക്കിനു സമീപം ശനിയാഴ്ച രാത്രിയാണ് സംഭവം.

ഇരട്ടകളില്‍ ഗബ്രിയേല്‍ എന്ന ആണ്‍കുട്ടിയാണ് കൊല്ലപ്പെട്ടത്. ഈ കുട്ടിയുടെ ഇരട്ട സഹോദരി മരിയ ഗുരുതരമായി പരിക്കേറ്റ് ചികിത്സയിലാണ്. ഈസ്റ്റ് ലണ്ടന്‍ ആസ്പത്രിയില്‍ ചികില്‍സയില്‍ കഴിയുന്ന പെണ്‍കുട്ടി അപകടനില തരണം ചെയ്തിട്ടില്ല. റൊമേനിയക്കാരി ക്രിസ്റ്റീനെല ഡാറ്റക് യെ വിവാഹം കഴിച്ചു കുട്ടികളുമായി ബിദ്യാസാഗര്‍ ഫ്‌ളാറ്റിലാണ് കഴിഞ്ഞിരുന്നത്.


ശനിയാഴ്ച രാത്രി 11 മണിയോടെ കുട്ടികളുടെ അമ്മ പരിഭ്രമത്തോടെ ഫ്ളാറ്റിന് പുറത്തേക്കോടുന്നത് മറ്റു താമസക്കാര്‍ കണ്ടിരുന്നു. കാരണമന്വേഷിച്ച ഇവരോട് 'എന്റെ മക്കള്‍, എന്റെ മക്കള്‍ ' എന്ന് മാത്രമാണ് അവര്‍ പറഞ്ഞത്. തുടര്‍ന്ന് ഫ്ളാറ്റില്‍ ചെന്നപ്പോഴാണ് ആണ്‍കുട്ടി മരിച്ചു കിടക്കുന്നതായി കണ്ടതെന്ന് ദൃക്സാക്ഷികളിലൊരാള്‍ പറഞ്ഞു.

ചുറ്റിക കൊണ്ടുള്ള അടിയേറ്റാണ് കുട്ടി മരിച്ചത്. പുലര്‍ച്ചെ ഒരു മണിയോടെ തന്നെ കുട്ടി മരിച്ചിരുന്നു. സംഭവം നടന്ന സ്ഥലത്തുനിന്ന്
ആറ് കിലോമീറ്റര്‍ അകലെ വെച്ചാണ് പ്രതിയെ പിടികൂടിയതെന്ന് ദ ഇന്‍ഡിപെന്‍ഡന്റ് റിപ്പോര്‍ട്ട് ചെയ്തു. കുട്ടികളെ ആക്രമിക്കാനുപയോഗിച്ച ചുറ്റിക മണലില്‍ പൂഴ്ത്തിയ നിലയില്‍ പോലീസ് കണ്ടെത്തി.


ഹോട്ടലില്‍ രാത്രി ഷിഫ്റ്റില്‍ ജോലി ചെയ്തിരുന്ന ഇയാള്‍ ഈയിടെയാണ് ജോലിയില്‍നിന്ന് രാജി വെച്ചത്. കുടുംബ വഴക്കാണ് ഈ ക്രൂരകൃത്യം ചെയ്യാനുള്ള കാരണമെന്നാണ് സൂചന.

  • മെഡിസിന്‍ പഠിക്കാന്‍ ആഗ്രഹിക്കുന്നവര്‍ക്കായി 29ന് മാഞ്ചസ്റ്ററില്‍ ഓപ്പണ്‍ഡേ
  • 'വീണ്ടും ഫ്രഞ്ച് വിപ്ലവം'; പ്രസിഡന്റ് തെരഞ്ഞെടുപ്പില്‍ പ്രമുഖ കക്ഷികളെ പുറത്താക്കി ജനവിധി
  • വര്‍ഗീയ കാര്‍ഡിറക്കി യുകെഐപി; പൊതുസ്ഥലങ്ങളില്‍ മുസ്‌ലിം സ്ത്രീകളുടെ ബുര്‍ഖ നിരോധിക്കുമെന്ന് തെരെഞ്ഞടുപ്പ് വാഗ്‌ദാനം
  • വിസ ചട്ടലംഘനത്തിന്റെ പേരില്‍ ഒമ്പതു സ്ത്രീകളടക്കം 38 ഇന്ത്യക്കാര്‍ ലണ്ടനില്‍ അറസ്റ്റില്‍
  • ബെല്ലും ബ്രയ്ക്കുമില്ലാരെ വീണ്ടും വണ്‍, ടൂ, ത്രീ മണി...'സബ്കളക്ടര്‍ വെറും ചെറ്റ, ചെന്നിത്തലയെ ഊളമ്പാറക്ക് വിടണം'
  • തെരഞ്ഞെടുപ്പില്‍ ലേബര്‍ പാര്‍ട്ടി ജയിച്ചാല്‍ നാലു ഹോളിഡേകള്‍ കൂടി നല്‍കും, മിനിമം വേജ് മണിക്കൂറിന് പത്ത് പൗണ്ടാകും
  • അമിത വേഗതയ്ക്ക് 2500 പൗണ്ട് പിഴ തിങ്കളാഴ്ച മുതല്‍ ; സൂക്ഷിച്ചില്ലേല്‍ വീട് പട്ടിണിയാവും
  • മോര്‍ട്ട്‌ഗേജ് യുദ്ധം പൊടിപൊടിക്കുന്നു; സാന്‍ടാന്‍ഡറും റേറ്റുകള്‍ വെട്ടിക്കുറക്കും ; നിരക്ക് 0.5% വരുമെന്ന് പ്രതീക്ഷ
  • ആഞ്ജലീന ജോളിയ്ക്ക് ബ്രിട്ടീഷ് കാമുകന്‍, നാലാം വിവാഹം ഉടന്‍ ; ഹൃദയം തകര്‍ന്ന് ബ്രാഡ് പിറ്റ്
  • വെറുതെയല്ല, പൗണ്ട് മൂല്യം ഉയര്‍ന്നത്! പുതിയ സര്‍ക്കാരിന് ബ്രക്‌സിറ്റില്‍ നിന്നും പിന്മാറാമെന്ന് യൂറോപ്യന്‍ പാര്‍ലമെന്റ് പ്രസിഡന്റ്
  •  
        © 2012 ukmalayalamnews.com All rights reserved. Powered by Phoenix Infoway