യു.കെ.വാര്‍ത്തകള്‍

ലണ്ടനില്‍ നിന്നുളള വിമാനത്തിന്റെ പ്രഷര്‍ നഷ്ടപ്പെട്ടു; യാത്രക്കാര്‍ കൂട്ട പ്രാര്‍ത്ഥനയില്‍

ലണ്ടന്‍ : സമീപകാലത്തു സാങ്കേതിക പ്രശ്നം മൂലം അടിയന്തര ലാന്റിംഗ് നടത്തുന്ന ലണ്ടന്‍ വിമാനങ്ങളില്‍ ഒന്ന് കൂടി. ലണ്ടനില്‍ നിന്നും പോളണ്ടിലെ റെസ്സോവിലേക്ക് പോയ ടൈറ്റന്‍ എയര്‍വേസിന്റെ ബോയിംഗ് 767 വിമാനമാണ് യാത്രക്കാരെ ഭയപ്പെടുത്തി ആംസ്റ്റര്‍ഡാമില്‍ അടിയന്തര ലാന്റിംഗ് നടത്തിയത്. ക്യാബിനില്‍ പ്രഷര്‍ നഷ്ടമായെന്ന അറിയിപ്പ് വന്നതോടെയാണ് അടിയന്തരമായി നിലത്തിറക്കേണ്ടി വന്നത്. പരിഭ്രാന്തരായ യാത്രക്കാര്‍ കൂട്ടക്കരച്ചിലും പ്രാര്‍ത്ഥനയും നടത്തുകയും, ഓക്‌സിജന്‍ മാസ്‌കുകള്‍ ധരിക്കുന്നതുമായ ദൃശ്യങ്ങള്‍ പുറത്തുവന്നിട്ടുണ്ട്. ക്യാബിനില്‍ പരിഭ്രാന്തരായ യാത്രക്കാരുടെ ദൃശ്യങ്ങള്‍ യാത്രക്കാരനാണ് ചിത്രീകരിച്ചത്.പരിഭ്രാന്തിക്കൊടുവില്‍ ഷിപോള്‍ എയര്‍പോര്‍ട്ടില്‍ വിമാനം ഇറങ്ങിയതോടെയാണ് യാത്രക്കാര്‍ക്ക് ജീവന്‍ വീണത്.


തങ്ങളുടെ പക്കലുള്ള പ്രാര്‍ത്ഥനാ പുസ്തകം വായിച്ചും പാട്ട് പാടിയും ചിലര്‍ ഓക്‌സിജന്‍ മാസ്‌ക് ധരിച്ചും ഇരിക്കുകയായിരുന്നു. മറ്റ് ചിലര്‍ ആളുകളുടെ പരിഭ്രാന്തിയും മറ്റും മൊബൈല്‍ ക്യാമറയില്‍ പകര്‍ത്തി പോസ്റ്റ് ചെയ്യുകയായിരുന്നു. സംഭവത്തില്‍ ആര്‍ക്കും പരിക്കില്ല. വിമാനത്താവളത്തില്‍ ഇറങ്ങിയ ഉടനെ സുരക്ഷ ഉറപ്പാക്കാനായി യാത്രക്കാര്‍ക്ക് അടിയന്തര സേവനങ്ങള്‍ നല്‍കിയതായി വക്താവ് പറഞ്ഞു. യൂറോപ്യന്‍ മാനദണ്ഡങ്ങള്‍ പാലിച്ച് സര്‍വ്വീസ് നടത്തുന്ന വിമാനത്തില്‍ ഉണ്ടായ പ്രശ്‌നം അവിചാരിതമാണെന്നും അദ്ദേഹം പറഞ്ഞു.


ജൂതന്‍മാരുടെ പ്രാര്‍ത്ഥനാകേന്ദ്രമായ ലെസാക്കിലേക്കിലുള്ള തീര്‍ത്ഥയാത്രക്ക് ഇറങ്ങിയ ജൂതന്‍മാരായിരുന്നു യാത്രക്കാരില്‍ ഭൂരിഭാഗവും.

  • ഉഗ്രരൂപിയായി 'ഒഫീലിയ'; കാന്‍സര്‍ നഴ്‌സടക്കം 3 മരണം, വന്‍ നാശനഷ്ടം
  • വെ​യ്ന്‍​സ്റ്റീനെതിരെ പീഡന പരാതി 49 ആയി; ഓസ്കര്‍ സമിതിയില്‍നിന്ന് നീക്കി
  • ലണ്ടന്‍ പാര്‍സണ്‍സ് ഗ്രീന്‍ ട്യൂബ് സ്റ്റേഷന് സമീപം കത്തിക്കുത്ത്; ഒരാള്‍ കൊല്ലപ്പെട്ടു, രണ്ട് പേര്‍ക്ക് പരുക്ക്; സംഭവം ഭീകരാക്രമണം നടന്ന് ഒരു മാസം പിന്നിടുമ്പോള്‍
  • മോര്‍ട്ട്‌ഗേജുകളും സ്റ്റുഡന്റ് ലോണുകളും എഴുതിത്തള്ളും; ജനപ്രിയ ബജറ്റുമായി ഫിലിപ്പ് ഹാമണ്ട്
  • എന്‍എച്ച്എസ് ആശുപത്രികളില്‍നിന്ന് ചോക്കളേറ്റ് ബാറുകളും സ്വീറ്റ് ബാഗുകളും ഔട്ട്
  • സംഹാരരൂപം പൂണ്ട് 'ഒഫീലിയ' യുകെ തീരത്ത്; ദുന്തര ഭീതിയില്‍ അയര്‍ലണ്ട്; മഴയും വെള്ളപ്പൊക്കവും ദുരിതം വിതയ്ക്കും
  • ഹാര്‍​വി വെ​യ്ന്‍​സ്റ്റീ​ന്‍ ലണ്ടനിലും നടിമാരെ പീഡിപ്പിച്ചു, ഭാര്യ വിവാഹമോചനത്തിന്, രക്ഷപ്പെട്ട ഐശ്വര്യയ്ക്ക് അഭിനന്ദനം
  • വത്തിക്കാന്‍ സ്ഥാനപതി ആര്‍ച്ച് ബിഷപ്പ് മാര്‍ കുര്യന്‍ വയലുങ്കലിന് ഇന്ന് ലണ്ടനില്‍ സ്വീകരണം
  • 'ഓര്‍മയില്‍ ഒരു ഗാനം' നിറക്കൂട്ടിലെ പൂമാനമേ... ആലാപനം അനിറ്റ ബെന്നി
  • യുകെയില്‍ ആസിഡുമായി പൊതുസ്ഥലത്തു എത്തിയാല്‍ ജയിലിലാകും; കത്തി സൂക്ഷിച്ചാലും പിടിവീഴും
  •  
        © 2012 ukmalayalamnews.com All rights reserved. Powered by Phoenix Infoway