നാട്ടുവാര്‍ത്തകള്‍

മെല്‍ബണില്‍ മലയാളി വൈദികനെ പള്ളിക്കുള്ളില്‍ കുത്തിവീഴ്ത്തിയ അക്രമി പിടിയില്‍; സുഖം പ്രാപിച്ചു വരുന്നതായി ഫാ ടോമി

ന്യൂഡല്‍ഹി: മെല്‍ബണില്‍ ദിവ്യബലിക്കെത്തിയ മലയാളി വൈദികനായ ഫാ. ടോമി കളത്തൂര്‍ മാത്യു(48 )വിനെ പള്ളിക്കുള്ളില്‍ കുത്തിവീഴ്ത്തിയ അക്രമി പിടിയില്‍. മലയാളി വൈദികനെ കുത്തി പരിക്കേല്‍പ്പിച്ചയാളെ ഓസ്‌ട്രേലിയന്‍ പോലീസ് അറസ്റ്റ് ചെയ്തതായി കേന്ദ്രമന്ത്രി സുഷമാ സ്വരാജ് ആണ് അറിയിച്ചത്. ട്വിറ്ററിലൂടെയാണ് അവര്‍ ഇക്കാര്യം അറിയിച്ചത്.


കൊലപാതകശ്രമത്തിനാണ് ഇയാളുടെ പേരില്‍ കേസെടുത്തിരിക്കുന്നത്. കോണ്‍സുലേറ്റ് അംഗങ്ങള്‍ ഫാ മാത്യുവിനെ ആസ്പത്രിയില്‍ സന്ദര്‍ശിച്ചിരുന്നുവെന്ന് സുഷമാ സ്വരാജ് ട്വീറ്റ് ചെയ്തു. അക്രമിയെ പോലീസ് അറസ്റ്റ് ചെയ്തിട്ടുണ്ട്. പോലീസുമായി ഇന്ത്യന്‍ കോണ്‍സുലേറ്റ് ബന്ധപ്പെടുന്നുണ്ട്. കേസിന്റെ പുരോഗതി അവര്‍ അപ്പപ്പോള്‍ അറിയിക്കുമെന്നും അവര്‍ ട്വിറ്ററില്‍ കുറിച്ചു.

താന്‍ സുരക്ഷിതനാണെന്നും ദൈവകരങ്ങള്‍ തന്നെ കാത്തുവെന്നും പറഞ്ഞു ഫാ. ടോമി കളത്തൂരും സന്ദേശം അയച്ചിട്ടുണ്ട്. തിരുവസ്ത്രത്തിലൂടെയാണ് കത്തി ആഴ്ന്നിറങ്ങിയത്.. അതിനാല്‍ തന്നെ മുറിവുകള്‍ ആഴമുള്ളതോ മാരകമോ അല്ല.. (എന്നെ കുത്തിയ പാവം അതു മനസിലാക്കിയിട്ടുണ്ടാവില്ല.) അവനെ വൈകുന്നേരത്തോടെ തന്നെ പോലീസ് അറസ്റ്റ് ചെയ്തിരുന്നു. എനിക്കു ചുറ്റം ഒരു ജനസഞ്ചയം തന്നെയുണ്ട്.. പിന്നെ മാധ്യമങ്ങളും പോലീസും.. കൂടാതെ ഇന്ത്യന്‍ മലയാളി കമ്മ്യൂണിറ്റിയും.. എമര്‍ജന്‍സി വാര്‍ഡിന്റെ ശാന്തതയിലാണ് ഞാനിപ്പോള്‍.. അതിനാല്‍ ഫോണ്‍ കോളുകള്‍ അറ്റന്‍ഡ് ചെയ്യാന്‍ പറ്റുന്നില്ല- അദ്ദേഹം കുറിച്ചു.

70 കാരനാണ് പിടിയിലായത് എന്നാണ് സൂചന. വടക്കന്‍ മെല്‍ബണിലെ ഫോക്‌നര്‍ വില്യം സട്രീറ്റിലെ സെന്റ് മാത്യൂസ് കാത്തലിക് ചര്‍ച്ചില്‍ ഞായറാഴ്ച പ്രഭാത പ്രാര്‍ഥനയ്ക്ക് ഒത്തുചേര്‍ന്ന വിശ്വാസികള്‍ക്കു മുന്നില്‍ വച്ച് ആണ് പ്രാദേശിക സമയം രാവിലെ പതിനൊന്നു മണിക്ക് ഫാ. ടോമിക്കു കുത്തേറ്റത്.


ഇറ്റാലിയന്‍ കുര്‍ബാന ആരംഭിക്കാനുള്ള തയാറെടുപ്പുകള്‍ നടത്തുന്നതിനിടെ 'നിങ്ങള്‍ ഇന്ത്യക്കാരനോ? ഹിന്ദുവോ, മുസ്ലിമോ', നിങ്ങള്‍ക്ക് കുര്‍ബാന കഴിക്കാനാവില്ല, നിങ്ങളെ ഞാന്‍ കൊല്ലും' എന്ന് ആക്രോശിച്ചുകൊണ്ട് അക്രമി വൈദികനു നേരെ ചാടി വീഴുകയായിരുന്നു.തുടര്‍ന്ന് പാന്റിന്റെ പോക്കറ്റില്‍നിന്നു കത്തിയെടുത്തു കഴുത്തില്‍ കുത്തി. ഇത് കണ്ട സ്ത്രീകളും കുട്ടികളും അടക്കമുള്ള വിശ്വാസികള്‍ ഭയന്ന് നിലവിളിച്ചു. ദിവ്യബലിക്കുള്ള വസ്ത്രങ്ങളും തണുപ്പിനെ പ്രതിരോധിക്കാനുള്ള കട്ടിയുള്ള വസ്ത്രവും ഉണ്ടായിരുന്നതുകൊണ്ടാണ് പരിക്ക് ഗുരുതരമാകാതിരുന്നത്.
പരിഭ്രാന്തരായ വിശ്വാസികള്‍ അക്രമിയെ പിടിക്കാന്‍ ശ്രമിച്ചെങ്കിലും ഇയാള്‍ രക്ഷപ്പെട്ടു. പലരും പിന്തുടര്‍ന്നെങ്കിലും ഫലമുണ്ടായില്ല. ഫാ. ടോമിയെ പ്രാഥമിക ശുശ്രൂഷ നല്‍കിയ ശേഷം ഉടന്‍ തന്നെ ആശുപത്രിയിലെത്തിച്ചു.

ഫാ. ടോമി 2014 മുതല്‍ സെന്റ് മാത്യൂസ് പള്ളിയില്‍ വികാരിയായി പ്രവര്‍ത്തിച്ചുവരികയാണ്.താമരശ്ശേരി രൂപത വൈദികനായ ഫാ. ടോമി കളത്തൂര്‍ നാലുവര്‍ഷമായി ഓസ്‌ട്രേലിയയിലാണ് സേവനം ചെയ്യുന്നത്. 1994 ല്‍ വൈദിക പട്ടം സ്വീകരിച്ച അദ്ദേഹം കേരളത്തിലെ വിവിധ പള്ളികളില്‍ സേവനം ചെയ്ത ശേഷം ആണ് ഓസ്‌ട്രേലിയയ്ക്ക് പോയത്.

  • ഡല്‍ഹിയിലെ സ്‌കൂളില്‍ നാലര വയസുകാരന്‍ സഹപാഠിയെ പീഡിപ്പിച്ചു! എന്തു ചെയ്യണമെന്നറിയാതെ പോലീസ്
  • മന്ത്രി തന്നെ സഹായിച്ചിട്ടില്ലെന്ന് വിമാനത്താവളത്തില്‍ കണ്ണന്താനത്തെ പരസ്യമായി ശകാരിച്ച വനിതാ ഡോക്ടര്‍
  • മഞ്ജു വാര്യരുടെ മൊഴി നിര്‍ണായകം; മാധ്യമങ്ങളോട് പ്രതികരിക്കാതെ മഞ്ജു
  • ഗോവയില്‍ വച്ച് നടിയെ കൂട്ടമാനഭംഗം ചെയ്ത് വീഡിയോ പിടിക്കാന്‍ പദ്ധതിയിട്ടു , ദിലീപിന്റെ ക്വട്ടേഷന്‍ 1.5 കോടിക്കെന്നു കുറ്റപത്രം
  • ദിലീപ് പ്രതിയായ കുറ്റപത്രത്തിന്റെ സൂക്ഷ്‌മ പരിശോധന അങ്കമാലി മജിസ്‌ട്രേറ്റ് കോടതിയില്‍
  • അമലാപോള്‍ താമസിക്കുന്നത് പുതുച്ചേരിയിലെ ടോയ്‌ലറ്റ് പോലുമില്ലാത്ത കുടുസു മുറിയില്‍ ! ഫഹദിന്റെ 'വീട്ടില്‍' താമസക്കാര്‍ പലര്‍
  • കാനഡയിലും മക്കാവുവിലും ഓസ്‌ട്രേലിയയിലും ജോലി വാഗ്ദാനം ചെയ്ത് വൈദികനടക്കം അഞ്ചംഗ സംഘം തട്ടിയത് ഒന്നര കോടി!
  • ശശീന്ദ്രന് മന്ത്രിസഭയിലേക്ക് മടങ്ങിവരാമെന്ന് മുഖ്യമന്ത്രി; കുറ്റം മുഴുവന്‍ ചാനലിന്
  • ഫോണ്‍കെണി: കമ്മീഷന്‍ റിപ്പോര്‍ട്ട് മന്ത്രിസഭ അംഗീകരിച്ചു, മംഗളത്തിന്റെ ലൈസന്‍സ് റദ്ദാക്കാന്‍ സാധ്യത
  • കൂട്ടമാനഭംഗം, ഗൂഢാലോചന കുറ്റം ചുമത്തി ദിലീപിനെ എട്ടാം പ്രതിയാക്കി കുറ്റപത്രം സമര്‍പ്പിച്ചു; മഞ്ജു വാര്യര്‍ പ്രധാന സാക്ഷി
  •  
        © 2012 ukmalayalamnews.com All rights reserved. Powered by Phoenix Infoway