ബിസിനസ്‌

ലോക സമ്പന്നപ്പട്ടികയില്‍ 10 മലയാളി ശതകോടീശ്വരന്മാര്‍ ; ഒന്നാമന്‍ യൂസഫലി, രവി പിള്ള രണ്ടാമത്

ദുബായ്: ഫോബ്‌സ് മാസിക പുറത്തുവിട്ട 2017-ലെ ആഗോള സമ്പന്നപ്പട്ടികയില്‍ പത്തു മലയാളി ശതകോടീശ്വരന്മാര്‍ സ്ഥാനം നേടി. മലയാളികളായ ശതകോടീശ്വരന്മാരില്‍ ലുലു ഗ്രൂപ്പ് മേധാവി എം.എ. യൂസഫലി ഒന്നാം സ്ഥാനം നിലനിര്‍ത്തി. ആഗോളാടിസ്ഥാനത്തില്‍ 367-ാം സ്ഥാനമാണ് യൂസഫലിക്ക്. ഇന്ത്യക്കാരില്‍ പതിനെട്ടാം സ്ഥാനത്തും. 450 കോടി ഡോളറാണ് (30,600 കോടി രൂപ) അദ്ദേഹത്തിന്റെ ആസ്തി.


ആര്‍.പി. ഗ്രൂപ്പ് മേധാവി രവി പിള്ളയാണ് മലയാളികളില്‍ രണ്ടാം സ്ഥാനത്ത്. അദ്ദേഹത്തിന്റെ ആസ്തി 350 കോടി ഡോളറായി (23,800 കോടി രൂപ) ഉയര്‍ന്നു. ആഗോളാടിസ്ഥാനത്തില്‍ 544-ാം സ്ഥാനത്താണ് രവി പിള്ള. ജെംസ് ഇന്റര്‍നാഷണല്‍ സ്കൂള്‍സിന്റെ മേധാവിയായ സണ്ണി വര്‍ക്കിയാണ് മൂന്നാം സ്ഥാനത്ത്. ആസ്തി 190 കോടി ഡോളറാണ് (12,920 കോടി രൂപ).

ജോയ് ആലുക്കാസ് ഗ്രൂപ്പ് ചെയര്‍മാന്‍ ജോയ് ആലുക്കാസ്, ഇന്‍ഫോസിസ് സഹ സ്ഥാപകന്‍ ക്രിസ് ഗോപാലകൃഷ്ണന്‍, ശോഭ ഗ്രൂപ്പ് മേധാവി പി.എന്‍. സി. മേനോന്‍ എന്നിവര്‍ നാലാം സ്ഥാനം പങ്കിട്ടു. മൂവരുടെയും ആസ്തി 160 കോടി ഡോളര്‍ വീതമാണ് (10,880 കോടി രൂപ.

അഞ്ചാം സ്ഥാനത്ത് കല്യാണ്‍ ജൂവലേഴ്‌സ് മേധാവി ടി.എസ്. കല്യാണരാമനാണ്. ആസ്തി 140 കോടി ഡോളറാണ് (9,520 കോടി രൂപ). വി.പി.എസ്. ഹെല്‍ത്ത്‌ കെയര്‍ മേധാവി ഡോ. ഷംഷീര്‍ വയലില്‍ 130 കോടി ഡോളര്‍ (8,840 കോടി രൂപ), ഇന്‍ഫോസിസ് സഹ സ്ഥാപകന്‍ എസ്.ഡി. ഷിബുലാല്‍ 110 കോടി ഡോളര്‍ (7,480 കോടി രൂപ), ആസ്റ്റര്‍ ഡി.എം. ഹെല്‍ത്ത്‌ കെയര്‍ മേധാവി ഡോ. ആസാദ് മൂപ്പന്‍ 100 കോടി ഡോളര്‍ (6,800 കോടി രൂപ)എന്നിവരാണ് പട്ടികയില്‍ ഇടം നേടിയ മറ്റു മലയാളികള്‍ .

ലോകത്തെ ഏറ്റവും സമ്പന്നന്‍ ബില്‍ഗേറ്റ്‌സ് ആണ്. ഇന്ത്യയില്‍ മുകേഷ് അംബാനിയും. ആഗോള പട്ടികയില്‍ മുപ്പത്തിമൂന്നാമതാണ് മുകേഷ്.

  • ഡോ ബോബി ചെമ്മണൂരിന് ശ്രേഷ്ഠ കാരുണ്യ പുരസ്കാരം സമ്മാനിച്ചു
  • ജീവകാരുണ്യ പ്രവര്‍ത്തനങ്ങളുടെ ഭാഗമായി ലക്ഷദ്വീപ് നിവാസികള്‍ക്ക്‌ ഡോ ബോബി ചെമ്മണൂര്‍ സഹായം നല്‍കി
  • ചെമ്മണൂര്‍ ഇന്റര്‍നാഷണല്‍ ജ്വല്ലേഴ്‌സിന്റെ അങ്കമാലി ഷോറൂമില്‍ മെയ് 20 വരെ വജ്ര ഡയ്മണ്ട് എക്‌സിബിഷന്‍
  • ബോബി ചെമ്മണൂര്‍ ഇന്റര്‍നാഷണല്‍ ജ്വല്ലേഴ്‌സിന്റെ മഞ്ചേരി ഷോറും പുതിയ ബില്‍ഡിംഗില്‍ പ്രവര്‍ത്തനമാരംഭിച്ചു
  • ബോബി ചെമ്മണൂര്‍ ഇന്റര്‍നാഷണല്‍ ജ്വല്ലേഴ്‌സിന്റെ മഞ്ചേരി ഷോറൂം പുതിയ ബില്‍ഡിങ്ങില്‍ പ്രവര്‍ത്തനമാരംഭിക്കുന്നു
  • തെരേസ മേയുടെ ഉറച്ച നിലപാട് പൗണ്ട് മൂല്യത്തിലും പ്രതിഫലിക്കുന്നു, നില മെച്ചപ്പെടുന്നു
  • ഇന്ത്യന്‍ നിരത്തുകള്‍ വാഴാന്‍ 'നിസാന്‍ കിക്ക്‌സ്' വരുന്നു
  • പൗണ്ട് ഇടിവ് തുടരുന്നു; 78 പോലും കിട്ടില്ല; രൂപ കരുത്താര്‍ജ്ജിച്ചു
  • ഊട്ടിയിലെ വഴിയോര കച്ചവടക്കാര്‍ക്ക് ജീവകാരുണ്യ പ്രവര്‍ത്തനങ്ങളുടെ ഭാഗമായ് ഡോ ബോബി ചെമ്മണൂര്‍ കുടകള്‍ നല്‍കി
  • ബോബി& മാറഡോണ ഫുട്ബോള്‍ ഫെസ്റ്റ്
  •  
        © 2012 ukmalayalamnews.com All rights reserved. Powered by Phoenix Infoway