വിദേശം

ഫ്രാങ്ക്ഫര്‍ട്ട് വിമാനത്താവളത്തില്‍ നാലു വയസുള്ള മകളുടെ മുന്നില്‍ വച്ച് ഇന്ത്യക്കാരിയെ വസ്ത്രം അഴിച്ച് അപമാനിക്കാന്‍ ശ്രമം, സുഷമാ സ്വരാജ് ഇടപെട്ടു

ഫ്രാങ്ക്ഫര്‍ട്ട്: സുരക്ഷയുടെ പേരില്‍ ഇന്ത്യന്‍ യുവതിയെ ജര്‍മന്‍ വിമാനത്താവളത്തില്‍ അപമാനിച്ചതായി പരാതി. ജര്‍മനിയിലെ ഫ്രാങ്ക്ഫര്‍ട്ട് വിമാനത്താവളത്തിലാണ് സംഭവം. സുരക്ഷയുടെ പേരില്‍ യുവതിയോട് വസ്ത്രമഴിക്കാനായി ആവശ്യപ്പെട്ടുവെന്നാണ് ആക്ഷേപം. ബെംഗ്ലൂരുവില്‍ നിന്ന് ഐസ്‌ലാന്റിലേക്ക് പോയ ശ്രുതി ബാസപ്പക്കാണ് ക്രൂരമായ ദുരനുഭവം നേരിടേണ്ടി വന്നത്. ഒടുവില്‍ ഐസ്‌ലാന്റ് പൗരനായ ഇവരുടെ ഭര്‍ത്താവ് പ്രശ്‌നത്തില്‍ ഇടപ്പെട്ടതോടെയാണ് ഉദ്യോഗസ്ഥര്‍ മയപ്പെട്ടത്.

വിഷയത്തെ സംബന്ധിച്ച് ശ്രുതി ബാസപ്പ ഫെയ്‌സ്ബുക്കില്‍ പോസ്റ്റിട്ടതോടെയാണ് പ്രശ്‌നം പുറത്തു അറിയുന്നത്. നാലു വയസ്സുകാരിയായ തന്റെ മകളുടെ മുന്നില്‍ വെച്ചാണ് യുവതിക്ക് ഈ ദുരനുഭവം നേരിടേണ്ടിവന്നത്.


സുരക്ഷ പരിശോധനക്ക് യാതൊരു തടസവും പറയാത്ത തന്നെ പിന്നെയും സംശയം തോന്നുന്നുണ്ടെന്ന് പറഞ്ഞ് ചില ഉദ്യോഗസ്ഥര്‍ വസ്ത്രം അഴിക്കാന്‍ ആവശ്യപ്പെട്ടുവെന്നാണ് ശ്രുതി പറയുന്നത്. എന്നാല്‍ രണ്ടാഴ്ച മുന്‍പ് ഒരു ശസ്ത്രക്രിയയ്ക്ക് വിധേയയായ തനിക്ക് വസ്ത്രം അഴിച്ചുള്ള പരിശോധന ഒഴിവാക്കി തരണമെന്ന് ഉദ്യോഗസ്ഥരോട് ആവശ്യപ്പെട്ടുവെന്നും, ശസ്ത്രക്രിയയുമായി ബന്ധപ്പെട്ട രേഖകളടക്കം സമര്‍പ്പിച്ചിട്ടും ഉദ്യോഗസ്ഥര്‍ വഴങ്ങിയില്ലെന്നും ശ്രുതി പറയുന്നു. തുടര്‍ന്ന് ഭര്‍ത്താവിനെ വിളിച്ചുവരുത്താന്‍ ഇവര്‍ ആവശ്യപ്പെട്ടു, ഐസ്‌ലാന്റ് പൗരനായ ഭര്‍ത്താവിനെ കണ്ടതോടെയാണ് പ്രശ്‌നത്തില്‍ ഉദ്യോഗസ്ഥര്‍ മയപ്പെട്ടതെന്നും ശ്രുതി പറയുന്നു.

സുരക്ഷയുടെ ഭാഗമായ എല്ലാ തരത്തിലുള്ള നിയമങ്ങളെയും താന്‍ അംഗീകരിക്കുന്നു. എന്നാല്‍ ഇത് മനഃപൂര്‍വ്വം തന്നെ അപമാനിക്കുന്നതിന് വേണ്ടിയുളളതാണെന്നും ശ്രുതി പോസ്‌ററില്‍ പറയുന്നു. സംഭവത്തെതുടര്‍ന്ന് ഫ്രാങ്ക്ഫര്‍ട്ട് വിമാനത്താവളത്തിലെ ഉദ്യോഗസ്ഥര്‍ക്ക് പരാതി നല്‍കിയിട്ടുണ്ടെന്നും ശ്രുതി പറയുന്നു. വിദേശ കാര്യ മന്ത്രി സുഷമ സ്വരാജ് വിഷയത്തില്‍ ഇടപെടുകയും, ജര്‍മനിയിലുള്ള ഇന്ത്യന്‍ എംബസിയോട് വിശദമായ റിപ്പോര്‍ട്ട് സമര്‍പ്പിക്കാനും ആവശ്യപ്പെട്ടിട്ടുണ്ട്.
ശ്രുതി ബാസപ്പയുടെ ഫെയ്‌സ്ബുക്ക് പോസ്റ്റ്

  • യൂറോപ്പിനെ നടുക്കി വീണ്ടും ഭീകരാക്രമണം; രണ്ടാമത് ആക്രമണത്തിനെത്തിയ 5 ഭീകരരെ വെടിവച്ചു കൊന്നു, ബാഴ്‌സലോണയില്‍ മരിച്ചത് 13 പേര്‍
  • ഇന്ത്യയ്ക്ക് വംശീയ അധിക്ഷേപവും പരിഹാസവുമായി ചൈനയുടെ വീഡിയോ
  • ആണവ യുദ്ധഭീഷണിയുമായി അമേരിക്കയും കൊറിയയും; ഗുവാമിലെ സൈനീക താവളം ആക്രമിക്കുമെന്ന് കിം ജോങ് ഉന്‍
  • വെറുതെ വന്നു പോകണ്ട; കുടിയേറ്റക്കാര്‍ക്ക് ആദ്യ 5 വര്‍ഷം ആനുകൂല്യങ്ങളില്ലെന്ന് ട്രംപ്‌
  • വിമാനത്തിന്റെ എമര്‍ജന്‍സി വാതില്‍ തുറന്ന് 17കാരന്‍ പുറത്തേക്ക് ചാടി
  • ഇമ്രാന്‍ ഖാനെതിരേ ലൈംഗികാരോപണം ഉന്നയിച്ച് വനിതാ നേതാവ് രാജിവച്ചു
  • ട്രംപിനൊപ്പമുള്ള സെല്‍ഫി തന്റെ ദാമ്പത്യജീവിതം തകര്‍ത്തെന്ന് യുവതി
  • നവാസ് ഷെരീഫിനെ അയോഗ്യനാക്കി; പാകിസ്ഥാനില്‍ വീണ്ടും പ്രതിസന്ധി
  • ഇന്ത്യക്കാരുടെ ഇഷ്ട നേതാവ് സുഷമ സ്വരാജെന്ന് വാള്‍സ്ട്രീറ്റ് ജേണല്‍
  • ജറുസലേമിലെ അല്‍ അഖ്‌സ പള്ളിയില്‍ വച്ച മെറ്റല്‍ ഡിറ്റക്ടറുകള്‍ ഇസ്രായേല്‍ നീക്കം ചെയ്തു
  •  
        © 2012 ukmalayalamnews.com All rights reserved. Powered by Phoenix Infoway