വിദേശം

റഷ്യയുടെ എതിര്‍പ്പ് അവഗണിച്ചു സിറിയയില്‍ അമേരിക്കയുടെ നേരിട്ടുള്ള യുദ്ധം; വന്‍ നാശനഷ്ടം

ദമാസ്‌കസ്/വാഷിങ്ടണ്‍ : റഷ്യയുടെ കടുത്ത എതിര്‍പ്പ് അവഗണിച്ചു സിറിയയില്‍ അമേരിക്കന്‍ സൈനിക നടപടി. പ്രസിഡന്റ് ഡൊണാള്‍ഡ് ട്രംപിന്റെ നേരിട്ടുള്ള ഉത്തരവ് പ്രകാരമാണ് നടപടി. കനത്ത ആക്രമണമാണ് അമേരിക്ക സിറിയയില്‍ നടത്തുന്നത്. സിറിയയില്‍ അമേരിക്ക അമ്പതോളം മിസൈലുകള്‍ വര്‍ഷിച്ചതായി പെന്റഗണ്‍ ഉദ്യോഗസ്ഥനെ ഉദ്ധരിച്ച് വാര്‍ത്താ ഏജന്‍സികള്‍ റിപ്പോര്‍ട്ട് ചെയ്യുന്നു. അസദ് സര്‍ക്കാരിനെതിരെ അമേരിക്കയുടെ നേരിട്ടുള്ള ആദ്യ ആക്രമമാണിത്.
സിറിയയിലെ ഷായരത് വ്യോമതാവളത്തിന് നേരെയാണ് അമേരിക്കയുടെ ആദ്യ ആക്രമണം. ഇന്ത്യന്‍ സമയം പുലര്‍ച്ചെ നാലോടെയാണ് ആക്രമണം ആരംഭിച്ചതെന്നാണ് വിവരം.
കഴിഞ്ഞ ദിവസം സിറിയയ്ക്ക് മേല്‍ ആരോപിക്കപ്പെട്ട രാസായുധാക്രമണം നടത്തിയത് ഇവിടെ നിന്നുമായിരുന്നു. റണ്‍വേയും യുദ്ധവിമാനങ്ങള്‍ക്ക് ഇന്ധനം ലഭ്യമാക്കിയിരുന്ന കേന്ദ്രങ്ങളിലും ആക്രമണം നടത്തി.

നിഷ്‌ക്കളങ്കരായ കുട്ടികള്‍ക്കും നിരപരാധികളായ സാധാരണക്കാര്‍ക്കും മേല്‍ നടത്തിയ രാസായുധ പ്രയോഗത്തിനുള്ള മറുപടിയെന്ന് പ്രസിഡന്റ് ട്രംപ് വ്യക്തമാക്കി. സിറിയയ്ക്ക് നേരെ സൈനിക നടപടിയുണ്ടാകുമെന്നും ദേശീയ സുരക്ഷാ താല്‍പ്പര്യം മുന്‍ നിര്‍ത്തിയാണ് ആക്രമണം നടത്തുന്നതെന്നും ട്രംപ് പറഞ്ഞു. ചൊവ്വാഴ്ച സിറിയയിലെ വിമത നഗരമായ ഖാന്‍ ശൈഖൂനില്‍ ഉണ്ടായ രാസായുധ പ്രയോഗത്തില്‍ എണ്‍പതോളം പേര്‍ കൊല്ലപ്പെട്ടിരുന്നു. സിറിയന്‍ സര്‍ക്കാരിന്റെയോ അവരെ പിന്തുണയ്ക്കുന്ന റഷ്യന്‍ സേനയുടെയോ വിമാനങ്ങളാണ് ആക്രമണം നടത്തിയത് എന്നാണ് വിവരം.

സംഭവത്തെ തുടര്‍ന്ന് മുന്‍ പ്രസിഡന്റ് ബറാക്ക് ഒബാമയെയും സിറിയന്‍ പ്രസിഡന്റ് ബാഷര്‍ അല്‍ അസദിനെയും വിമര്‍ശിച്ച് ട്രംപ് രംഗത്തെത്തിയിരുന്നു. സിറിയയിലെ ബാഷര്‍ അല്‍ അസദ് ഭരണകൂടത്തിന്റെ ഈ നീചമായ നടപടിക്ക് കാരണം അമേരിക്കയിലെ മുന്‍ സര്‍ക്കാരിന്റെ കഴിവുകേടും നിശ്ചയദാര്‍ഢ്യമില്ലായ്മയും ആണെന്ന് ട്രംപ് പ്രസ്താവനയില്‍ കുറ്റപ്പെടുത്തി. സിറിയയില്‍ സ്ത്രീകളും കുട്ടികളുമടക്കം നിരപരാധികള്‍ കൊല്ലപ്പെടാന്‍ ഇടയാക്കിയ സംഭവം ആക്ഷേപാര്‍ഹവും സംസ്‌കാരമുള്ള ലോകത്തിന്
അവഗണിക്കാനാവാത്തതുമാണ്. അമേരിക്കയിലെ മുന്‍ ഭരണകൂടത്തിന്റെ കഴിവുകേടാണ് ഇതിലേക്ക് നയിച്ചതെന്നു ട്രംപ് പറഞ്ഞു. ഈ പ്രസ്താവനയ്ക്ക് പിന്നാലെയാണ് അസദ് സര്‍ക്കാരിനെതിരെ ട്രംപ് സൈനിക നടപടി ആരംഭിച്ചത്. ഇതോടെ അമേരിക്ക- റഷ്യ ബാല പരീക്ഷണത്തിന് കളമൊരുങ്ങിയിരിക്കുകയാണ്. ആശങ്കയോടെയാണ് ലോകം സിറിയയിലെ സംഭവ വികാസങ്ങള്‍ കാണുന്നത്.

  • ഇന്ത്യക്കാര്‍ക്കൊപ്പം വൈറ്റ് ഹൗസില്‍ ദീപാവലി ആഘോഷിച്ച് ഡൊണാള്‍ഡ് ട്രംപ്
  • ഭാര്യയെ നിരന്തരം മാനഭംഗപ്പെടുത്തി; ഇളയ മകളെ കൊന്നു; 5 വര്‍ഷത്തെ താലിബാന്‍ തടവില്‍ നിന്ന് മോചിതരായ യുഎസ്-കനേഡിയന്‍ ദമ്പതികളുടെ ഞെട്ടിക്കുന്ന വെളിപ്പെടുത്തലുകള്‍
  • ടെക്‌സസില്‍ 3വയസുകാരി കൊലപ്പെട്ടതാകാമെന്ന് പോലീസ്; അന്വേഷണം മലയാളി പിതാവിനെ കേന്ദ്രീകരിച്ച്
  • 3 വയസുള്ള മകളുടെ തിരോധാനം; മലയാളിയുടെ വീട്ടില്‍ എഫ്ബിഐ റെയ്ഡ്, ദുരൂഹത തുടരുന്നു
  • പ്രഥമ വനിത താനെന്ന് ട്രംപിന്റെ ആദ്യഭാര്യ, ആ വെള്ളം വാങ്ങിവച്ചോളാന്‍ മൂന്നാംഭാര്യ
  • ആഭിചാരക്രിയകള്‍ക്കായി ഇന്ത്യാക്കാരിയുടെ തല വെട്ടിയ സിദ്ധന് ജീവപര്യന്തം
  • തുര്‍ക്കിയില്‍ പുരാവസ്തു ഗവേഷകര്‍ കണ്ടെത്തിയത് സാന്താക്ലോസിന്റെ കല്ലറ!
  • ലാസ് വേഗസ് അക്രമി തങ്ങളുടെ 'പോരാളി'യെന്ന് ഐഎസ്; അല്ലെന്ന് യുഎസ്; മരണം 59
  • അമേരിക്ക നടുങ്ങി; ലാസ് വേഗസില്‍ സംഗീത പരിപാടിക്കിടെ വെടിവെപ്പ്: അമ്പതിലേറെ പേര്‍ കൊല്ലപ്പെട്ടു, 200 പേര്‍ക്ക് പരിക്ക്
  • ഫ്രാന്‍സിലും കാനഡയിലും ഭീകരാക്രമണം; രണ്ടുപേര്‍ കൊല്ലപ്പെട്ടു
  •  
        © 2012 ukmalayalamnews.com All rights reserved. Powered by Phoenix Infoway