Don't Miss

ഈസ്റ്റര്‍ നാടകത്തിലെ 'യൂദാസ്' കുരിശുമരണത്തിനിടെ അബദ്ധത്തില്‍ തൂങ്ങിമരിച്ചു

യേശുവിന്റെ കുരിശുമരണവും, ഉയിര്‍ത്തെഴുന്നേല്‍പ്പും പ്രമേയമാക്കി ഒരുക്കിയ നാടകത്തിനിടെ 'യൂദാസിന്' ദാരുണാന്ത്യം. ഈസ്റ്റര്‍ ദിനത്തിന്റെ പ്രാധാന്യം വിളിച്ചോതിക്കൊണ്ട് അവതരിപ്പിച്ച നാടകമാണ് ദുരന്തത്തില്‍ കലാശിച്ചത്. മെക്‌സിക്കൊയിലെ ടാന്‍സിട്ടാറോയിലാണ് ക്രിസ്തുവിന്റെ അന്ത്യ നിമിഷങ്ങള്‍ കോര്‍ത്തിണക്കി നാടകം അവതരിപ്പിച്ചത്.


മുപ്പത് വെള്ളിക്കാശിന് യേശുവിനെ ഒറ്റിക്കൊടുത്ത യൂദാസായി വേഷമിട്ടത് 23കാരനായിരുന്നു. കുരിശുമരണം അവതരിപ്പിക്കുന്നതിനിടെ കഴുത്തില്‍ കയറിട്ട് നില്‍ക്കുകയായിരുന്ന യുവാവ് തെന്നിവീണാണ് മരണം. അഭിനേതാവ് ബലം കൊടുത്ത് നിന്നിരുന്ന ചതുരക്കട്ടയില്‍ നിന്നും കാല് തെന്നിവീണതോടെയാണ് കഴുത്തില്‍ ഇട്ടിരുന്ന കയര്‍ കുരുങ്ങിയത്. സ്തംഭിച്ചുപോയ പ്രേക്ഷകര്‍ ഉടന്‍ സ്റ്റേജിലേക്ക് ഓടിയെത്തി യുവാവിനെ രക്ഷിക്കാന്‍ ശ്രമിച്ചെങ്കിലും ഫലമുണ്ടായില്ല. ഉടന്‍ തന്നെ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.

കയര്‍ കഴുത്തിലിട്ട് ആത്മഹത്യക്കെന്ന പോലെ തയ്യാറായി നില്‍ക്കവെയാണ് അവിചാരിതമായി യുവാവു ചവിട്ടി നിന്നിരുന്ന ഭാഗം തെന്നിപ്പോയത്. ഇതോടെ താഴെ ചവിട്ടിനില്‍ക്കാന്‍ കഴിയാതെ മരത്തില്‍ തൂങ്ങി നില്‍ക്കുന്ന അവസ്ഥയിലായിരുന്നു യുവാവെന്ന് ദൃക്‌സാക്ഷികള്‍ പറയുന്നു.

പോലീസ് അന്വേഷണം നടത്തിവരികയാണ്. സംഭവത്തില്‍ ദുരൂഹതയില്ലെന്നും അബദ്ധത്തില്‍ സംഭവിച്ചതാണെന്നുമാണ് പോലീസും പറയുന്നത്.

  • ട്രംമ്പിനെ അനുകൂലിച്ചതിന് പിരിച്ചുവിടപ്പെട്ട മലയാളി നഴ്സ് നഷ്ടപരിഹാരം ആവശ്യപ്പെട്ട് കോടതിയില്‍
  • ഫ്ലോറിഡയില്‍ മനുഷ്യകവചമായി വെടിയുണ്ടകള്‍ ഏറ്റുവാങ്ങി കുട്ടികളെ രക്ഷിച്ച ഫുട്‌ബോള്‍ കൊച്ചിന് ആദരം
  • ചരിത്രം തിരുത്തി മാരാമണ്‍ കണ്‍വന്‍ഷന്‍ വേദിയില്‍ കോടിയേരി
  • പാടത്ത് സണ്ണി ലിയോണിനെ 'ഇറക്കി' ; കര്‍ഷകന് ലഭിച്ചത് നൂറുമേനി
  • സിനിമയില്‍ നിന്ന് ഉലകനായകന്റെ വിടവാങ്ങല്‍ ; ആരാധകര്‍ ഷോക്ക്
  • സാമിന്റെ മരണം കൊലയാണെന്ന് പോലീസ് പറയുമ്പോഴാണ് അറിയുന്നതെന്ന് സോഫിയ, കമലാസനന്‍ നല്ല സുഹൃത്ത്
  • പള്‍സര്‍ സുനിക്ക് ജയിലില്‍ സ്‌പെഷ്യല്‍ മീന്‍കറി, ആള് മിനുങ്ങി
  • ഓസ്‌ട്രേലിയന്‍ കരസേനയില്‍ തോക്കേന്തി മൂന്നു കുട്ടികളുടെ അമ്മയായ മലയാളി യുവതിയും
  • ബ്രേക്ക് ഡൗണ്‍ ആയ 35000 കിലോ ഭാരമുള്ള വിമാനം തള്ളുന്ന ജീവനക്കാരും യാത്രക്കാരും; വീഡിയോ വൈറല്‍
  • 0..,1..,2 ; ഉപതെരെഞ്ഞടുപ്പ് നടന്ന ബൂത്തുകളിലെ തങ്ങളുടെ വോട്ട് കണക്കു കണ്ട് ഞെട്ടി ബി.ജെ.പി
  •  
        © 2012 ukmalayalamnews.com All rights reserved. Powered by Phoenix Infoway