നാട്ടുവാര്‍ത്തകള്‍

ശശികലയേയും ദിനകരനേയും പുറത്താക്കി; പാര്‍ട്ടി ഭരണം അഡ്‌ഹോക്ക്‌ കമ്മിറ്റിക്ക്‌

ചെന്നൈ: തമിഴ്‌നാട് രാഷ്ട്രീയത്തില്‍ നിര്‍ണായക വഴിത്തിരിവ്. അണ്ണാഡിഎംകെ ജനറല്‍ സെക്രട്ടറി ശശികലെയെയും ഡെപ്യൂട്ടി ജനറല്‍ സെക്രട്ടറിയായ അന്തരവന്‍ ടിടിവി ദിനകരനെയും പാര്‍ട്ടിയില്‍ നിന്നും പുറത്താക്കി. ധനമന്ത്രി ഡി. ജയകുമാറിന്റെ നേതൃത്വത്തില്‍ ഇരുപത്‌ മന്ത്രിമാര്‍ പങ്കെടുത്ത യോഗത്തിലാണു ശശികല കുടുംബത്തെ അകറ്റിനിര്‍ത്താന്‍ തീരുമാനിച്ചത്‌. ഒപിഎസ് വിഭാഗവുമായി യോജിപ്പിലെത്താനും യോഗത്തില്‍ ധാരണയായി. ഒപിഎസിന് മന്ത്രിസഭയില്‍ മുഖ്യപദവി നല്‍കുമെന്ന് ധനമന്ത്രി ജയകുമാര്‍ അറിയിച്ചു. അതേസമയം സര്‍ക്കാരിന്റെ പ്രവര്‍ത്തനം കൂടുതല്‍ കാര്യക്ഷമമാകാന്‍ പ്രത്യേകസമിതിക്ക് രൂപം നല്‍കാനും യോഗത്തില്‍ ധാരണയായി.


പുതിയ ജനറല്‍ സെക്രട്ടറിയെ തീരുമാനിക്കുന്നതുവരെ അഡ്‌ഹോക്ക്‌ കമ്മിറ്റിയായിരിക്കും പാര്‍ട്ടി ഭരണം നടത്തുകയെന്ന്‌ ഡി. വിജയകുമാര്‍ വ്യക്‌തമാക്കി. അണ്ണാ ഡി.എം.കെയെ ദിനകരന്റെ കൈകളില്‍നിന്നു രക്ഷിക്കുകയാണു തങ്ങളുടെ പ്രഥമ ദൗത്യം. മന്ത്രിമാരുടെയും എം.പിമാരുടെയും എം.എല്‍.എമാരുടെയും ജനങ്ങളുടെയും അഭിപ്രായം മാനിച്ചാണു തീരുമാനമെന്നും അദ്ദേഹം പ്രഖ്യാപിച്ചു. മന്ത്രിമാരായ സി. ശ്രീനിവാസന്‍, കെ.എ. സെങ്കോട്ടയ്യന്‍, കടമ്പൂര്‍ രാജു എന്നിവര്‍ ദിനകരനെ അദ്ദേഹത്തിന്റെ വസതിയിലെത്തി സന്ദര്‍ശിച്ചതിനു പിന്നാലെയാണു യോഗം ചേര്‍ന്നത്‌. സര്‍ക്കാരിനെ മുന്നോട്ടു നയിക്കാന്‍ പാര്‍ട്ടി ഒറ്റക്കെട്ടായിരിക്കണമെന്ന മുഖ്യമന്ത്രി എടപ്പാടി കെ. പളനിസ്വാമിയുടെ വാക്കുകള്‍ സഹമന്ത്രിമാര്‍ ചെവിക്കൊണ്ടില്ല.

കുറച്ചു ദിവസങ്ങളായി തമിഴ്‌നാട് രാഷ്ട്രീയം കലങ്ങിമറിയുകയാണ്. ജയലളിതയുടെ വിയോഗത്തെത്തുടര്‍ന്നു വേണ്ടിവന്ന ആര്‍.കെ. നഗര്‍ ഉപതെരഞ്ഞെടുപ്പ്‌ പണമൊഴുക്കിനെച്ചൊല്ലി നീട്ടിവച്ചതും രണ്ടില ചിഹ്നം തിരികെ ലഭിക്കാനായി തെരഞ്ഞെടുപ്പ് കമ്മീഷന്‍ ഉദ്യോഗസ്ഥര്‍ക്ക് 50 കോടി കൈക്കൂലി വാഗ്ദാനം ചെയ്‌തെന്ന കേസില്‍ ദിനകരനെതിരെ ഡല്‍ഹി പൊലീസ് കേസെടുത്തതോടെയാണ് പ്രശ്‌നങ്ങള്‍ക്ക് തുടക്കമായത്. തെരഞ്ഞെടുപ്പ് കമ്മീഷന്‍ അംഗങ്ങള്‍ക്ക് നല്‍കാന്‍ സൂക്ഷിച്ച ഒരു കോടി മൂപ്പത് ലക്ഷം രൂപയും ബി.എം.ഡബ്യു, മെഴ്‌സിഡസ് കാറുകളും ഡല്‍ഹി പൊലീസ് കസ്റ്റഡിയിലെടുത്തിരുന്നു. ഇതിന് പിന്നാലെ ശശികലയെയും കുടുംബാംഗങ്ങളേയും ഒഴിവാക്കി അണ്ണാഡിഎംകെയില്‍ ഐക്യമുണ്ടാക്കാന്‍ പനീര്‍ശൈല്‍വം പക്ഷവും തമിഴ്‌നാട് മുഖ്യമന്ത്രി എടപ്പാടി പളനി സ്വാമിയുടെ നേതൃത്വത്തിലുള്ള ഔദ്യോഗിക പക്ഷവും തമ്മില്‍ ഒന്നിക്കുന്നതായി റിപ്പോര്‍ട്ടുകള്‍ പുറത്തുവന്നു.
കഴിഞ്ഞ ദിവസം രാത്രി വൈകിയും തുടര്‍ന്ന നിര്‍ണ്ണായക ചര്‍ച്ചകള്‍ക്കൊടുവില്‍ മുഖ്യമന്ത്രി എടപ്പാടി പളനിസ്വാമിയുടെ വിശ്വസ്ഥന്‍ ധനമന്ത്രി ജയകുമാര്‍ മാധ്യമങ്ങളെ കണ്ടിരുന്നു. ശശികലയെ കുറിച്ചും ദിനകരനെ കുറിച്ചും വ്യക്തമായി പരാമര്‍ശങ്ങള്‍ ഒന്നും നടത്തിയിലെങ്കിലും പടയൊരുക്കം ശശികലക്കെതിരാണെന്ന് വ്യക്തമായിരുന്നു. ശശികലയേയും കൈക്കൂലി കേസില്‍ കുടുങ്ങിയ ദിനകരനേയും പാര്‍ട്ടിയില്‍ നിന്നും പുറത്താക്കുമെന്ന തരത്തില്‍ അഭ്യൂഹങ്ങള്‍ നിലനിന്നിരുന്നു. ഇതിന് പിന്നാലെയാണ് നടപടി.

  • നടിയുടെ പേര് വെളിപ്പെടുത്തി മോശമായി സംസാരിച്ചതിന് പി.സി ജോര്‍ജിനെതിരെ കേസെടുത്തു
  • അത്യാസന്ന നിലയിലായ നവജാതശിശുവുമായിപോയ ആംബുലന്‍സിന്റെ വഴി തടഞ്ഞ കാറുടമ അറസ്റ്റിലായപ്പോള്‍ പറഞ്ഞത് 'ആബുലന്‍സിനു പൈലറ്റ് ഡ്യൂട്ടി' യാണെന്ന്
  • അധ്യാപകന്റെ ലൈംഗികാതിക്രമം: എല്‍.പി ക്ലാസ് വിദ്യാര്‍ഥിനികളെ വൈദ്യപരിശോധന നടത്താന്‍ കയറ്റിയത് മെഡി. കോളജിലെ പ്രസവമുറിയില്‍
  • മിശ്രവിവാഹങ്ങളെ പ്രോത്സാഹിപ്പിക്കണമെന്ന് ഹൈക്കോടതി; പ്രണയവിവാഹങ്ങളെ ലൗജിഹാദാക്കരുതെന്ന്
  • നടി ആക്രമിക്കപ്പെട്ട ദിവസങ്ങളില്‍ ആശുപത്രിയിലായിരുന്നെന്നു ദിലീപ് വ്യാജരേഖയുണ്ടാക്കിയതായി പൊലീസ്, അഡ്മിറ്റ് ചെയ്താലും ദിലീപ് വീട്ടില്‍ പോകുമെന്നു ഡോക്ടര്‍
  • പീഡനം ഉള്‍പ്പെടെ പരാതികള്‍ അന്വേഷിച്ചില്ല; തന്നെ പ്രതിയാക്കാന്‍ ഇപ്പോഴും ശ്രമം- സരിത മുഖ്യമന്ത്രിക്ക് പരാതി നല്‍കി
  • കേന്ദ്രസര്‍ക്കാര്‍ ക്ഷണിക്കുന്നില്ല; ഇന്ത്യയുടെ അയല്‍പക്കത്തെത്തി മാര്‍പാപ്പ മടങ്ങും
  • വിഐപി പരിഗണനയില്ലാതെ ദിലീപ് ശബരിമലയിലെത്തി മടങ്ങി, ഇനി ക്യാമറയ്ക്കു മുന്നിലേയ്ക്ക്
  • സോളാര്‍ പോരിനിടെ പിണറായിയും ഉമ്മന്‍ ചാണ്ടിയും ഒരേ വേദിയില്‍ ; ജോസ് കെ. മാണിയെ ഒഴിവാക്കി
  • ഭര്‍ത്താവിനെയും മകനെയും ഉപേക്ഷിച്ച് 35കാരി ഇളയ മകളുമായി ഫെയ്‌സ്ബുക്ക് കാമുകനൊപ്പം പോയി; കുഞ്ഞിനെ കൊല്ലാന്‍ നോക്കിയ കാമുകന്‍ പിടിയില്‍
  •  
        © 2012 ukmalayalamnews.com All rights reserved. Powered by Phoenix Infoway