നാട്ടുവാര്‍ത്തകള്‍

നടിയെ ആക്രമിച്ച കേസില്‍ കുറ്റപ്പത്രം; പള്‍സര്‍ സുനി ഒന്നാം പ്രതി, ബലാത്സംഗക്കുറ്റവും

കൊച്ചി: നടിയെ തട്ടിക്കൊണ്ടുപോയി ആക്രമിച്ച കേസില്‍ പോലീസ് കുറ്റപ്പത്രം സമര്‍പ്പിച്ചു. ചൊവ്വാഴ്ച വൈകീട്ടോടെയാണ് അങ്കമാലി മജിസ്‌ട്രേറ്റ് കോടതിയില്‍ കുറ്റപ്പത്രം സമര്‍പ്പിച്ചത്. പള്‍സര്‍ സുനി എന്ന സുനില്‍കുമാറാണ് കേസിലെ ഒന്നാം പ്രതി. നടിയുടെ ഡ്രൈവര്‍ മാര്‍ട്ടിനടക്കം മറ്റു അഞ്ചു പേരും പ്രതി പട്ടികയിലുണ്ട്. ആകെ 185 പേരാണ് കേസില്‍ സാക്ഷികളായിട്ടുള്ളത്.


തട്ടിക്കൊണ്ടുപോകല്‍, ബലാത്സംഗം തുടങ്ങിയ കുറ്റങ്ങളാണ് പ്രതികള്‍ക്കെതിരെ ചുമത്തിയിട്ടുള്ളത്. അതേസമയം, കാറില്‍ നടിയെ ആക്രമിച്ച ദൃശ്യങ്ങള്‍ പകര്‍ത്തിയ മൊബൈല്‍ ഫോണ്‍ ഇതുവരെ കണ്ടെടുക്കാനായിട്ടില്ല. ഫോണിനായുള്ള അന്വേഷണം തുടരുകയാണെന്നാണ് പോലീസ് കോടതിയെ അറിയിച്ചിരിക്കുന്നത്.

ഫെബ്രുവരി പതിനേഴിന് രാത്രിയാണ് കൊച്ചിയില്‍ വെച്ച് നടി ആക്രമിക്കപ്പെടുന്നത്. തൃശൂരില്‍ നിന്നും കൊച്ചിയിലേക്കുള്ള യാത്രയ്ക്കിടെയായിരുന്നു നടിയെ തട്ടിക്കൊണ്ടു പോയി കാറിനുള്ളില്‍ വെച്ച് ആക്രമിച്ചത്. സംഭവത്തിന് പിന്നില്‍ ഗൂഢാലോചനയുണ്ടെന്ന ആരോപണമുയര്‍ന്നിരുന്നെങ്കിലും ഒന്നാം പ്രതിയായ പള്‍സര്‍ സുനി ആരോപണം നിഷേധിച്ചിരുന്നു.


കേസിലെ മുഖ്യപ്രതിയായ പള്‍സര്‍ സുനിയും കൂട്ടാളിയും സംഭവത്തിന് ശേഷം ഒളിവില്‍ പോയിരിക്കുകയായിരുന്നു. പോലീസ് ഇവര്‍ക്കായി അന്വേഷണം ശക്തമാക്കിയിരുന്നെങ്കിലും പിടികൂടാനായിരുന്നില്ല. ഒടുവില്‍ കോടതിയില്‍ കീഴടങ്ങാനെത്തിയ സമയത്താണ് പ്രതികളെ കോടതി മുറിയില്‍ നിന്നും ബലപ്രയോഗത്തിലൂടെ പോലീസ് അറസ്റ്റ് ചെയ്തത്.

നടിയെ ശാരീരികമായി അക്രമിച്ച സംഭവത്തിന് പിന്നില്‍ ഗൂഢാലോചനയുണ്ടെന്നും ആരോപണമുയര്‍ന്നിരുന്നു. സിനിമാ മേഖലയിലെ പലരെയും ഇതുസംബന്ധിച്ച് ചോദ്യം ചെയ്തിരുന്നെങ്കിലും ഗൂഢാലോചന തെളിയിക്കാന്‍ പോലീസിനായില്ല. ഒരു സ്ത്രീ നല്‍കിയ ക്വട്ടേഷന്‍ ആണെന്ന് സുനി തന്നോട് പറഞ്ഞിരുന്നെന്നു നടി വെളിപ്പെടുത്തിയിരുന്നു. സംഭവം നടന്നു രണ്ട് മാസത്തിന് ശേഷമാണ് കുറ്റപ്പത്രം സമര്‍പ്പിച്ചിരിക്കുന്നത്.

  • നടിയുടെ പേര് വെളിപ്പെടുത്തി മോശമായി സംസാരിച്ചതിന് പി.സി ജോര്‍ജിനെതിരെ കേസെടുത്തു
  • അത്യാസന്ന നിലയിലായ നവജാതശിശുവുമായിപോയ ആംബുലന്‍സിന്റെ വഴി തടഞ്ഞ കാറുടമ അറസ്റ്റിലായപ്പോള്‍ പറഞ്ഞത് 'ആബുലന്‍സിനു പൈലറ്റ് ഡ്യൂട്ടി' യാണെന്ന്
  • അധ്യാപകന്റെ ലൈംഗികാതിക്രമം: എല്‍.പി ക്ലാസ് വിദ്യാര്‍ഥിനികളെ വൈദ്യപരിശോധന നടത്താന്‍ കയറ്റിയത് മെഡി. കോളജിലെ പ്രസവമുറിയില്‍
  • മിശ്രവിവാഹങ്ങളെ പ്രോത്സാഹിപ്പിക്കണമെന്ന് ഹൈക്കോടതി; പ്രണയവിവാഹങ്ങളെ ലൗജിഹാദാക്കരുതെന്ന്
  • നടി ആക്രമിക്കപ്പെട്ട ദിവസങ്ങളില്‍ ആശുപത്രിയിലായിരുന്നെന്നു ദിലീപ് വ്യാജരേഖയുണ്ടാക്കിയതായി പൊലീസ്, അഡ്മിറ്റ് ചെയ്താലും ദിലീപ് വീട്ടില്‍ പോകുമെന്നു ഡോക്ടര്‍
  • പീഡനം ഉള്‍പ്പെടെ പരാതികള്‍ അന്വേഷിച്ചില്ല; തന്നെ പ്രതിയാക്കാന്‍ ഇപ്പോഴും ശ്രമം- സരിത മുഖ്യമന്ത്രിക്ക് പരാതി നല്‍കി
  • കേന്ദ്രസര്‍ക്കാര്‍ ക്ഷണിക്കുന്നില്ല; ഇന്ത്യയുടെ അയല്‍പക്കത്തെത്തി മാര്‍പാപ്പ മടങ്ങും
  • വിഐപി പരിഗണനയില്ലാതെ ദിലീപ് ശബരിമലയിലെത്തി മടങ്ങി, ഇനി ക്യാമറയ്ക്കു മുന്നിലേയ്ക്ക്
  • സോളാര്‍ പോരിനിടെ പിണറായിയും ഉമ്മന്‍ ചാണ്ടിയും ഒരേ വേദിയില്‍ ; ജോസ് കെ. മാണിയെ ഒഴിവാക്കി
  • ഭര്‍ത്താവിനെയും മകനെയും ഉപേക്ഷിച്ച് 35കാരി ഇളയ മകളുമായി ഫെയ്‌സ്ബുക്ക് കാമുകനൊപ്പം പോയി; കുഞ്ഞിനെ കൊല്ലാന്‍ നോക്കിയ കാമുകന്‍ പിടിയില്‍
  •  
        © 2012 ukmalayalamnews.com All rights reserved. Powered by Phoenix Infoway