സ്പിരിച്വല്‍

ആറാമത് സീറോ മലങ്കര കാത്തലിക് കണ്‍വന്‍ഷന്‍ ലിവര്‍പൂളില്‍ ; ഒരുക്കങ്ങള്‍ പുരോഗമിക്കുന്നു

മലങ്കര കത്തോലിക്കാ സഭാ യുകെ റീജിയന്‍ കണ്‍വന്‍ഷന്‍ ജൂണ്‍ 17, 18 തീയതികളില്‍നടത്തപ്പെടുന്നു. ലിവര്‍പൂളിലെ മാര്‍ തെയോഫീലോസ് നഗറില്‍ 17ന് രാവിലെ 9.30ന് വിശുദ്ധ കുര്‍ബ്ബാനയോടെ ആരംഭിക്കുന്ന കണ്‍വന്‍ഷന്‍ 18ന് ഉച്ച കഴിഞ്ഞു 2.30 നാണ് അവസാനിക്കുക. ഇത്തവണത്തെ കണ്‍വന്‍ഷനില്‍ സീറോ മലങ്കര കത്തോലിക്കാ സഭാധ്യക്ഷന്‍ കര്‍ദിനാള്‍ ക്ലിമീസ് കത്തോലിക്കാ ബാവ മുഖ്യാതിഥിയായിരിക്കും.
കര്‍ദിനാളിനൊപ്പം ലിവര്‍പൂള്‍ അതിരൂപതാ ആര്‍ച്ച് ബിഷപ്പ് മാല്‍ക്കം മക്മഹന്‍, സീറോ മലബാര്‍ ഗ്രേറ്റ് ബ്രിട്ടന്‍ രൂപതാ ബിഷപ്പ് മാര്‍ ജോസഫ് സ്രാമ്പിക്കല്‍ എന്നിവരും പങ്കെടുക്കും. സീറോ മലങ്കര കത്തോലിക്കാ സഭയുടെ യുകെ റീജിയണിലുള്ള പതിനാല് മിഷനുകളിലെ മുഴുവന്‍ കുടുംബങ്ങളെയും പങ്കെടുപ്പിച്ചു കൊണ്ട് ക്രമീകരിക്കുന്ന കണ്‍വന്‍ഷനില്‍ കുടുംബ, യുവജന, മതബോധന സെമിനാറുകള്‍, നാഷണല്‍ ബൈബിള്‍ ക്വിസ്, പാനല്‍ പ്രസന്റേഷന്‍, പൊതു സമ്മേളനം, ദിവ്യകാരുണ്യ ആരാധന എന്നിവ ഉണ്ടായിരിക്കും.
കണ്‍വന്‍ഷന്റെ രണ്ടാം ദിവസത്തിലെ പൊന്തിഫിക്കല്‍ വി. കുര്‍ബ്ബാനയ്ക്ക് കര്‍ദിനാള്‍ ക്ലിമീസ് കത്തോലിക്കാ ബാവ മുഖ്യ കാര്‍മ്മികത്വം വഹിക്കും. ലിവര്‍പൂള്‍ സെന്റ് ബേസില്‍ മലങ്കര മിഷന്റെയും യുകെ മലങ്കര കാത്തലിക് കൗണ്‍സിലിന്റെയും നേതൃത്വത്തില്‍ കണ്‍വന്‍ഷന്റെ വിജയത്തിനായുള്ള പ്രവര്‍ത്തനങ്ങള്‍ നടന്നു വരുന്നു.
വിലാസം:
Mar Theophilos Nagar, Broadgreen International School, Liverpool, L13 4 DH
കൂടുതല്‍ വിവരങ്ങള്‍ക്ക്:
വിനോദ് മലയില്‍ : 07454992969
സുനില്‍ ഫിലിപ്പ്: 07846115431

  • സ്റ്റീവനേജില്‍ ദുക്രാന തിരുന്നാള്‍ ആഘോഷം ജൂലൈ 3 ന്
  • ഔവര്‍ ലേഡി ആന്‍ഡ് സെന്റ് ജോര്‍ജ് പള്ളിയില്‍ മരിയന്‍ ദിന ശുശ്രൂഷ
  • വാല്‍തംസ്‌റ്റോയില്‍ മരിയന്‍ ദിന ശുശ്രൂഷ; മാര്‍ സ്രാമ്പിക്കല്‍ മുഖ്യകാര്‍മ്മികത്വം വഹിക്കും
  • മാഞ്ചസ്റ്റര്‍ ദുക്റാന തിരുന്നാളിന് ഭക്തിനിര്‍ഭരമായ തുടക്കം; മാഞ്ചസ്റ്റര്‍ തിരുന്നാള്‍ ലഹരിയില്‍
  • ഫാ.മാര്‍ട്ടിന്‍ വാഴച്ചിറയുടെ അകാലവേര്‍പാടില്‍ അഗാധ ദുഃഖം രേഖപ്പെടുത്തി മാര്‍ ജോസഫ് സ്രാമ്പിക്കല്‍
  • യുകെയിലെ മലയാറ്റൂര്‍ തിരുന്നാളിന് ഇന്ന് കൊടിയേറും: മാഞ്ചസ്റ്റര്‍ തിരുന്നാള്‍ ലഹരിയിലേക്ക്
  • യുകെയിലെ മലയാറ്റൂര്‍ തിരുന്നാളിന് നാളെ കൊടിയേറും: പ്രധാന തിരുന്നാള്‍ ജൂലൈ ഒന്നിന്; പ്രാര്‍ത്ഥനയില്‍ ഒരുങ്ങി മാഞ്ചസ്റ്റര്‍
  • ലീഡ്സ് യാക്കോബായ സുറിയാനി പള്ളിയില്‍ വി . കുര്‍ബാന ഞായറാഴ്ച
  • യുകെയിലെ പ്രഥമ ക്‌നാനായ ചാപ്പല്‍ ബര്‍മിംഗ്ഹാമില്‍ ; വെഞ്ചെരിപ്പ് ജൂലൈ ആറിന്
  • ദൈവവചനം തിരസ്‌കരിക്കുമ്പോള്‍ പാപത്തില്‍ വീഴുന്നു: മാര്‍ ജോസഫ് സ്രാമ്പിക്കല്‍ ; ഏകദിന ഒരുക്കധ്യാനങ്ങള്‍ക്ക് സമാപനം
  •  
        © 2012 ukmalayalamnews.com All rights reserved. Powered by Phoenix Infoway