യു.കെ.വാര്‍ത്തകള്‍

തെരഞ്ഞെടുപ്പ് മൂലം വിവാദ മരണഫീസ് പദ്ധതി ഉപേക്ഷിച്ചു; കുടുംബങ്ങള്‍ക്ക് ആശ്വസിക്കാം

ലണ്ടന്‍ : രാജ്യത്തു മരണഫീസ് കുത്തനെ കൂട്ടാനുള്ള വിവാദ പദ്ധതി സര്‍ക്കാര്‍ റദ്ദാക്കി. മെയ് മുതല്‍ ഇംഗ്ലണ്ടിലെയും വെയില്‍സിലെയും ചില എസ്റ്റേറ്റുകളില്‍ പ്രൊബേറ്റ് ഫീസ് 155 പൗണ്ടില്‍ നിന്നോ 215 പൗണ്ടില്‍ നിന്നോ 20,000 പൗണ്ട് വരെ ഉയര്‍ത്താനായിരുന്നു സര്‍ക്കാര്‍ നേരത്തെ തീരുമാനിച്ചിരുന്നത്. എന്നാല്‍ തെരഞ്ഞെടുപ്പ് പ്രഖ്യാപിച്ച സാഹചര്യത്തില്‍ ഇത് ഉപേക്ഷിക്കുകയായിരുന്നു.


മരണഫീസ് കൂട്ടുന്നതിനെതിരെ കടുത്ത എതിര്‍പ്പാണ് രാജ്യവ്യാപകമായി ഉയര്‍ന്ന് വന്നിരുന്നത്. ഇതുമായി ബന്ധപ്പെട്ട പുതിയ നിയമനിര്‍മാണം നടത്താനിരിക്കുകയായിരുന്നു സര്‍ക്കാര്‍. എന്നാല്‍ തെരഞ്ഞെടുപ്പ് പ്രഖ്യാപിച്ച സാഹചര്യത്തില്‍ പാര്‍ലമെന്റിലൂടെ നിയമനിര്‍മാണം കഴിയില്ലെന്ന് മിനിസ്ട്രി ഓഫ് ജസ്റ്റിസ് അറിയിക്കുകയായിരുന്നു.

ആരെങ്കിലും മരിച്ചാല്‍ അവരുടെ വസ്തുവകകള്‍ വില്‍പത്രമനുസരിച്ച് അനന്തരാവകാശികള്‍ക്കായി വീതിച്ച് നല്‍കുമ്പോള്‍ ഗവണ്‍മെന്റിലേക്ക് അടയ്‌ക്കേണ്ട ചാര്‍ജാണ് പ്രൊബേറ്റ് ചാര്‍ജ് എന്നറിയപ്പെടുന്നത്. നിലവില്‍ ഇതിനായി 115 പൗണ്ട് അല്ലെങ്കില്‍ 215 പൗണ്ട് എന്നിങ്ങനെയുള്ള ഫ്‌ലാറ്റ് ഫീസാണ് ഈടാക്കി വരുന്നത്. ഇതാണ് ഒറ്റയടിക്ക് 20,000 പൗണ്ട് വരെ ഉയര്‍ത്താന്‍ തീരുമാനിച്ചത്.


നിലവിലെ നിയമപ്രകാരം 5000 പൗണ്ടില്‍ താഴെ മൂല്യമുള്ള വസ്തുവകകള്‍ ഭാഗം വയ്ക്കുമ്പോള്‍ യാതൊരു തരത്തിലുമുള്ള ഫീസുകളും അടയ്‌ക്കേണ്ടതില്ല. ഇതിന് മാറ്റം വരുത്താനും ഓരോ എസ്‌റ്റേറ്റിന്റെയും മൂല്യത്തിനനുസരിച്ച് ഫീസീടാക്കാനുമായിരുന്നു സര്‍ക്കാര്‍ ഒരുങ്ങിയത്.


നിര്‍ദേശം നടപ്പിലായിരുന്നുവെങ്കില്‍ 50,000പൗണ്ടിനും മൂന്ന് ലക്ഷം പൗണ്ടിനും ഇടയില്‍ മൂല്യമുള്ള എസ്റ്റേറ്റുകള്‍ക്ക് നിലവിലുള്ള പ്രോബേറ്റ് ഫീസ് 300 പൗണ്ടാകുമായിരുന്നു. രണ്ട് മില്യണ്‍ പൗണ്ടിലധികം മൂല്യമുള്ള പ്രോപ്പര്‍ട്ടികള്‍ക്കുള്ള പ്രൊബേറ്റ് ഫീസ് 20,000 പൗണ്ടായി വര്‍ധിക്കുമായിരുന്നു.


തെരേസ വീണ്ടും പ്രധാനമന്ത്രിയായി തെരഞ്ഞെടുക്കപ്പെട്ടാല്‍ വര്‍ധിപ്പിക്കാനിരുന്ന മരണഫീസ് പദ്ധതി വീണ്ടും കൊണ്ടു വരുമോയെന്ന കാര്യം വ്യക്തമാക്കാന്‍ ഭരണ കക്ഷി വിസമ്മതിച്ചിരിക്കുകയാണ്. ഏതായാലും ഇടക്കാല തെരഞ്ഞടുപ്പ് പ്രഖ്യാപനം കൊണ്ട് മരണഫീസ് പദ്ധതി റദ്ദാക്കിയതിന്റെ ആശ്വാസത്തിലാണ്‌ കുടുംബങ്ങള്‍.

  • യുകെയില്‍ മഴയും മഞ്ഞ് വീഴ്ചയും, യാത്രാ തടസവും; വാരാന്ത്യം ദുരിതമാകും
  • ലീഡ്‌സിലും ലിവര്‍പൂളിലും അഞ്ചാംപനി ഭീതി; മാഞ്ചസ്റ്ററിലും പടര്‍ന്നേക്കാമെന്ന് മുന്നറിയിപ്പ്, പ്രതിരോധ വാക്‌സിനെടുക്കാത്തവര്‍ ജിപിമാരെ കാണണം
  • കിടിലന്‍ ഓഫറുകളുമായി ബ്ലാക്ക് ഫ്രൈഡേ ഷോപ്പിംഗ്; നാല് ദിവസം കൊണ്ട് പ്രതീക്ഷിക്കുന്നത് 8 ബില്യണ്‍ പൗണ്ടിന്റെ കച്ചവടം
  • സിഗററ്റിനു വില കൂടും ,മദ്യ വിലകൂടില്ല , ഇന്ധന നികുതി വര്‍ദ്ധനയില്ല, ഡീസല്‍ കാറിനു ചെലവേറും
  • നഴ്‌സുമാര്‍ക്ക് ശമ്പള വര്‍ധന വാഗ്ദാനം ചെയ്ത് ഹാമണ്ടിന്റെ ബജറ്റ്; തീരുമാനം നീളും, ആദ്യ വീട് സ്വന്തമാക്കുന്നവര്‍ക്ക് സ്റ്റാമ്പ് ഡ്യൂട്ടി ഒഴിവാക്കും
  • ജിപിയെ കാണാന്‍ ഒരു മണിക്കൂര്‍ കാത്തിരുന്ന മൂന്നുവയസുകാരന്‍ മരിച്ചു; ഡോക്ടര്‍മാര്‍ എന്‍എച്ച്എസ് വിടുന്നതിന്റെ ഫലം
  • ലണ്ടനിലെ എപ്പിംഗില്‍ ബ്ലഡ് കാന്‍സര്‍ ബാധിതനായ മലയാളി മരിച്ചു, പൊതുദര്‍ശനം ശനിയാഴ്ച
  • എല്‍ദോസിന് ഹെയില്‍ഷാമില്‍ മലയാളികള്‍ കണ്ണീരോടെ വിട നല്‍കി, സംസ്കാരം വ്യാഴാഴ്ച നാട്ടില്‍
  • ബ്രിട്ടനെതിരെ ഇന്ത്യയ്ക്ക് നാടകീയ ജയം; ദല്‍വീര്‍ ഭണ്ഡാരി രാജ്യാന്തര കോടതി ജഡ്ജി
  • വിമാനത്തിന്റെ മുന്‍സീറ്റിലിരുന്ന സ്ത്രീയെ കയറിപ്പിടിച്ച ഇന്ത്യന്‍ യുവാവ് കുടുങ്ങി
  •  
        © 2012 ukmalayalamnews.com All rights reserved. Powered by Phoenix Infoway