യു.കെ.വാര്‍ത്തകള്‍

വെറുതെയല്ല, പൗണ്ട് മൂല്യം ഉയര്‍ന്നത്! പുതിയ സര്‍ക്കാരിന് ബ്രക്‌സിറ്റില്‍ നിന്നും പിന്മാറാമെന്ന് യൂറോപ്യന്‍ പാര്‍ലമെന്റ് പ്രസിഡന്റ്

ലണ്ടന്‍ : ബ്രിട്ടനിലെ ഇടക്കാല തെരെഞ്ഞടുപ്പു ഫലം യൂറോപ്യന്‍ യൂണിയനും ആകാംക്ഷയോടെ കാത്തിരിക്കുന്നു. കാരണം ബ്രക്‌സിറ്റില്‍ നിന്ന് പിന്മാറാനോ വെള്ളം ചേര്‍ക്കാനോ പുതിയ സര്‍ക്കാരിന് കഴിയുമെന്ന് യൂറോപ്യന്‍ പാര്‍ലമെന്റ് പ്രസിഡന്റ്. പൊതു തെരഞ്ഞെടുപ്പില്‍ വിജയിക്കുന്ന നേതാവിന് ബ്രക്‌സിറ്റില്‍ നിന്നും പിന്മാറി വീണ്ടും യൂറോപ്യന്‍ യൂണിയനില്‍ ചേരാമെന്നാണ് യൂറോപ്യന്‍ പാര്‍ലമെന്റ് പ്രസിഡന്റ് അന്റോണിയോ തജാനി പറയുന്നത്. ജൂണ്‍ 8ലെ പൊതു തെരഞ്ഞെടുപ്പില്‍ വിജയിക്കുന്ന നേതാവ് യുകെയെ യൂറോപ്യന്‍ യൂണിയനിലേക്ക് കൊണ്ടു വരാന്‍ ആഗ്രഹിക്കുന്നുവെങ്കില്‍ അതിനെ യൂണിയന്‍ സ്വാഗതം ചെയ്യുമെന്നാണ് അദ്ദേഹം വ്യക്തമാക്കിയിരിക്കുന്നത്.

നിലവില്‍ ആര്‍ട്ടിക്കിള്‍ 50 പ്രകാരമുള്ള നടപടികള്‍ക്കു തെരേസ മേ ഔദ്യോഗികമായി തുടക്കമിട്ടെങ്കിലും തെരഞ്ഞെടുപ്പ് ഫലത്തിന് ശേഷം അതിനുമാറ്റം വരുത്താം എന്നാണ് അന്റോണിയോ നിര്‍ദേശിക്കുന്നത്. തെരേസ മേയുമായി ഡൗണിംഗ് സ്ട്രീറ്റില്‍ വച്ച് നടത്തിയ ചര്‍ച്ചയ്ക്ക് ശേഷമാണ് അദ്ദേഹത്തിന്റെ അഭിപ്രായ പ്രകടനം.

എന്നാല്‍ ഇതിനു യാതൊരുസാധ്യതയുമില്ലെന്നാണ് തെരേസ പ്രതികരിച്ചിരിക്കുന്നത്. തെരഞ്ഞെടുപ്പിന് ശേഷം യുകെ ബ്രക്‌സിറ്റില്‍ നിന്നും പിന്‍മാറാന്‍ കൊതിക്കുന്നുവെങ്കില്‍ ഇതിനുള്ള പ്രക്രിയ വളരെ ലളിതമാണെന്നാണ് അന്റോണിയോ ദി ഗാര്‍ഡിയനോട് വ്യക്തമാക്കിയത്.

യുകെ യൂറോപ്യന്‍ യൂണിയനില്‍ തുടരാന്‍ ആഗ്രഹിക്കുന്നുവെങ്കില്‍ അത് ഏവര്‍ക്കും ഗുണകരമായ കാര്യമാണെന്നും അതിനെ യൂണിയന്‍ നിറഞ്ഞ മനസോടെ സ്വാഗതം ചെയ്യുന്നുവെന്നുമാണ് അന്റോണിയോ വിശദീകരിക്കുന്നത്. മാത്രമല്ല, ബ്രക്‌സിറ്റിന് ശേഷവും യുകെയിലുള്ള യൂറോപ്യന്‍ യൂണിയന്‍ പൗരന്‍മാര്‍ക്ക് നിലവിലുള്ള അവകാശങ്ങള്‍ യുകെ ഉറപ്പ് നല്‍കിയില്ലെങ്കില്‍ ഏത് ബ്രക്‌സിറ്റ് ഡീലിനെയും വീറ്റോ ചെയ്യുമെന്ന ഭീഷണിയും അദ്ദേഹം മുഴക്കിയിട്ടുണ്ട്.

അതിനിടെ, തെരഞ്ഞടുപ്പില്‍ ബ്രക്‌സിറ്റ് വിരുദ്ധരുടെ പ്രചരണത്തിനു മുന്‍ പ്രധാനമന്ത്രി ടോണി ബ്ലെയര്‍ നേതൃത്വം നല്‍കുമെന്നു സൂചനയുണ്ട്. തിരഞ്ഞെടുപ്പു പ്രഖ്യാപിച്ചയുടന്‍ തന്നെ ബ്രക്‌സിറ്റ് വിരുദ്ധരായ സ്ഥാനാര്‍ഥികളെ പിന്തുണയ്ക്കണമെന്നാവശ്യപ്പെട്ടു ബ്ലെയര്‍ പ്രസ്താവന ഇറക്കി. ബ്രക്‌സിറ്റിന്റെ ദൂഷ്യഫലങ്ങള്‍ വിവരിച്ച്, ഇതിനെ എതിര്‍ക്കേണ്ടതിന്റെ ആവശ്യകത ചൂണ്ടിക്കാട്ടിയുള്ള പ്രസ്താവനയാണ് അദ്ദേഹം കഴിഞ്ഞദിവസം പുറത്തിറക്കിയത്. പാര്‍ട്ടി ഭേദമന്യേ ജനം ബ്രക്‌സിറ്റിനെതിരെ ഒരുമിക്കണമെന്നാണു ബ്ലെയറിന്റെ ആഹ്വാനം. ഇതിനെ ലിബറല്‍ ഡെമോക്രാറ്റിക് പാര്‍ട്ടി നേതാവ് ടിം ഫാരന്‍ സ്വാഗതം ചെയ്തിട്ടുമുണ്ട്.
ഇടക്കാല തെരെഞ്ഞടുപ്പ് ബ്രക്‌സിറ്റ് വിരുദ്ധര്‍ക്ക് അവസാന കച്ചിത്തുരുമ്പാണ്.
പൗണ്ടിന്റെ മൂല്യം കൂടിയത് പോലും അതിന്റെ സ്വാധീനത്തിലാണെന്നു വിലയിരുത്തപ്പെടുന്നു.

  • ബിര്‍മിങ്ഹാമില്‍ താമസിക്കുന്ന കോട്ടയം സ്വദേശിനി കാന്‍സര്‍ രോഗത്തെ തുടര്‍ന്ന് നാട്ടില്‍ മരിച്ചു
  • ബ്രക്‌സിറ്റ് ബില്‍ വോട്ടിങ്ങില്‍ പാര്‍ലമെന്റില്‍ സര്‍ക്കാര്‍ പരാജയപ്പെട്ടു, 11 ഭരണകക്ഷി അംഗങ്ങള്‍ എതിര്‍ത്തു
  • കൊവന്‍ട്രിയില്‍ നിര്യാതയായ ജെറ്റ്സി യുടെ സംസ്കാര ശുശ്രൂഷകള്‍ ശനിയാഴ്ച
  • കീഴ്വഴക്കം തിരുത്തി രാജ്ഞി: രാജകുടുംബത്തിന്റെ ക്രിസ്മസ് ദിനാഘോഷ ചടങ്ങില്‍ ഹാരിക്കൊപ്പം മേഗനും
  • ബെന്നിമാത്യുവിന് നാളെ മിഡില്‍സ്ബറോയില്‍ അന്ത്യാജ്ഞലി, സംസ്‌കാരശുശ്രൂഷകള്‍ രാവിലെ പത്തിന് ആരംഭിക്കും
  • മാഞ്ചസ്റ്ററിലെ കൂട്ടക്കൊല: വീടിനു തീയിട്ട അക്രമികള്‍ സമീപത്തെ വീട്ടിലിരുന്നു അത് ആസ്വദിച്ചു
  • മഞ്ഞുവീഴ്ചയ്ക്കു ശമനമില്ല; കൊടുംതണുപ്പിനെ വെല്ലുവിളിച്ച് വഴിയിലിറങ്ങിയ 20കാരന്‍ മരിച്ചുവീണു, മുന്നറിയിപ്പുമായി അധികൃതര്‍
  • യുകെയില്‍ പണപ്പെരുപ്പം ആറുവര്‍ഷത്തെ ഉയര്‍ച്ചയില്‍ ; കുടുംബബജറ്റ്‌ താളം തെറ്റും, പലിശ നിരക്ക് ഉയരാന്‍ സാധ്യത
  • ഗ്രേറ്റര്‍ മാഞ്ചസ്റ്ററില്‍ വീടിനുള്ളില്‍ 3 കുട്ടികളെ ചുട്ടുകൊന്നു; അമ്മയും, 3 വയസുകാരിയും ജീവന് വേണ്ടി മല്ലിടുന്നു; 5 പേര്‍ പിടിയില്‍
  • കൊടുംശൈത്യം തുടരുന്നു; വിമാനങ്ങള്‍ റദ്ദാക്കി; ലക്ഷക്കണക്കിന് യാത്രക്കാര്‍ ദുരിതത്തില്‍ ,സ്‌കൂളുകള്‍ രണ്ടാം ദിവസവും അടച്ചു
  •  
        © 2012 ukmalayalamnews.com All rights reserved. Powered by Phoenix Infoway