നാട്ടുവാര്‍ത്തകള്‍

ഐ.എസില്‍ ചേര്‍ന്ന മലയാളികളുടെ സംഘനേതാവ് വ്യോമാക്രമണത്തില്‍ കൊല്ലപ്പെട്ടെന്നു ദേശീയ മാധ്യമങ്ങള്‍

ന്യൂഡല്‍ഹി: അഫ്ഗാനിസ്ഥാനിലെ ഇസ്ലാമിക് സ്‌റ്റേറ്റ് (ഐ.എസ്) കേന്ദ്രത്തില്‍ നടന്ന യു.എസിന്റെ വ്യോമാക്രമണത്തില്‍ കൊല്ലപ്പെട്ടവരില്‍ മലയാളിയും. കേരളത്തില്‍ നിന്ന് ഐ.എസില്‍ ചേര്‍ന്നവരുടെ സംഘത്തലവനെന്ന് കരുതുന്ന സജീര്‍ മംഗലശ്ശേരി അബ്ദുള്ളയാണ് കൊല്ലപ്പെട്ടതായി സൂചന ലഭിക്കുന്നത്. രഹസ്യാന്വേഷണ ഏജന്‍സികളെ ഉദ്ധരിച്ച് ദേശീയ മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.

അഫ്ഗാനിസ്ഥാനില്‍ നിന്നും മറ്റ് വിദേശരാജ്യങ്ങളില്‍ നിന്നുമാണ് രഹസ്യാന്വേഷണ ഏജന്‍സികള്‍ക്ക് ഇതുസംബന്ധിച്ച വിവരം ലഭിച്ചതെന്ന് റിപ്പോര്‍ട്ടില്‍ പറയുന്നു. എന്നാല്‍ നയതന്ത്ര ഉദ്യോഗസ്ഥര്‍ ഇക്കാര്യം ഇതുവരെ സ്ഥിരീകരിച്ചിട്ടില്ല.

കോഴിക്കോട് മൂഴിക്കല്‍ സ്വദേശിയായ സജീര്‍ മംഗലശ്ശേരി അബ്ദുള്ള സിവില്‍ എന്‍ജിനീയറിംഗ് ബിരുദധാരിയാണ്. കോഴിക്കോട് എന്‍.ഐ.ടിയില്‍ നിന്ന് ബിരുദത്തിനു ശേഷം ജോലി തേടി സൗദിയില്‍ എത്തിയ സജീര്‍ അവിടെനിന്നാണ് ഭീകരസംഘടനയില്‍ ചേരുന്നതിനായി വിദേശത്തേക്ക് പോയത്. വയനാട്ടിലെ സുല്‍ത്താന്‍ ബത്തേരിയില്‍ നിന്ന് സ്‌കൂള്‍ പഠനം പൂര്‍ത്തിയാക്കിയ സജീര്‍ എന്‍.ഐ.ടി പഠനകാലത്താണ് മൂഴിക്കലിലേക്ക് താമസം മാറ്റിയത്. കേരളത്തില്‍ നിന്ന് അഫ്ഗാനിസ്ഥാനിലെ ഐ.എസ് ക്യാംപിലേക്ക് പരിശീലനത്തിന് പോയ 21 പേരെ റിക്രൂട്ട് ചെയ്തത് സജീറാണെന്ന് എന്‍.ഐ.എ നേരത്തെ കണ്ടെത്തിയിരുന്നു.

  • പ്രചരിക്കുന്നതെല്ലാം ഊഹാപോഹങ്ങള്‍ ;നടി ആക്രമിക്കപ്പെട്ട കേസില്‍ അന്വേഷണം ശരിയായ ദിശയില്‍ - സുരേഷ് ഗോപി
  • 'അമ്മ'യുടെ വാര്‍ഷിക പൊതുയോഗം വ്യാഴാഴ്ച; പൊട്ടിത്തെറി ഉറപ്പ്
  • വൈക്കത്ത് കൂട്ട ആത്മഹത്യയ്ക്ക് ശ്രമിച്ച കുടുംബത്തിലെ ഇളയ മകനും മരിച്ചു; മരണം നാലായി
  • സാം കൊലക്കേസിന്റെ വാദം ആരംഭിച്ചു; സോഫിയും കാമുകനും കോടതിയില്‍ ഹാജരായി
  • നടിക്ക് നുണപരിശോധന വേണമെന്ന് പറഞ്ഞ സലിംകുമാറിന് വയറുനിറയെ കൊടുത്തു ഭാഗ്യലക്ഷ്മി
  • പള്‍സര്‍ സുനിയുമായി അടുത്ത ബന്ധമെന്ന പ്രസ്താവന: ദിലീപിനെതിരെ നടി പരാതി നല്‍കും; പോലീസ് മൊഴിയെടുത്തു
  • പ്രസവത്തിന് ആശുപത്രിയിലേയ്ക്ക് വന്ന കാര്‍ ഗട്ടറില്‍ ചാടി; യുവതി വാഹനത്തില്‍ പ്രസവിച്ചു
  • നടി അപ്പോള്‍ ഋതുമതിയായതുകൊണ്ട് മാത്രമാണ് രക്ഷപ്പെട്ടത്; ഒരാഴ്ചയ്ക്കകം എന്തെങ്കിലും സംഭവിക്കുമെന്ന് ലിബര്‍ട്ടി ബഷീര്‍
  • നടി ആക്രമിക്കപ്പെടുമെന്ന് ദിലീപിന് നേരത്തേ അറിയാമായിരുന്നെന്ന് പള്‍സര്‍ സുനിയുടെ മൊഴി; നുണപരിശോധനക്കു തയാറെന്ന് ദിലീപ്
  • പള്‍സര്‍ സുനിയുടെ കൂട്ടാളികളായ വിഷ്ണുവും സനലും അറസ്റ്റില്‍ ; അറസ്റ്റും റിമാന്റും രാത്രി
  •  
        © 2012 ukmalayalamnews.com All rights reserved. Powered by Phoenix Infoway