സിനിമ

ഭീമന്റെ യാത്രകളെ ലാലേട്ടന്‍ അനശ്വരമാക്കട്ടെ; മഹാഭാരത നാളുകള്‍ക്കായി കാത്തിരിക്കുന്നു- മഞ്ജു വാര്യര്‍

മലയാളത്തിന്റെ സുകൃതമായ എഴുത്തുകാരന്‍ എം.ടി.വാസുദേവന്‍നായരുടെ 'രണ്ടാമൂഴം' 'മഹാഭാരതം' എന്ന പേരില്‍ സിനിമായാകുന്നുവെന്ന വാര്‍ത്ത ഏതൊരു മലയാളിയ്ക്കുമെന്നപോലെ തനിക്കും സന്തോഷവും അഭിമാനവും തരുന്നതാണെന്ന് നടി മഞ്ജു വാര്യര്‍. മുതല്‍മുടക്കിലും ദൃശ്യാവിഷ്‌കാരത്തിലും ഇന്ത്യ ലോകത്തിന് സമ്മാനിക്കുന്ന അത്ഭുതമായി ഇത് മാറുമെന്ന പ്രഖ്യാപനം, സ്വപ്നം പോലും കാണാതിരുന്ന ഉയരങ്ങളിലേക്കാണ് നമ്മുടെ സിനിമയെ കൈപിടിച്ചുകൊണ്ടുപോകുന്നതെന്നും മഞ്ജു പറയുന്നു.
വിവിധഭാഷകളിലെ ഏറ്റവും മികച്ച അഭിനേതാക്കളും സാങ്കേതികവിദഗ്ദ്ധരും 'മഹാഭാരത'ത്തിനുവേണ്ടി ഒരുമിക്കുമ്പോള്‍ അത് മറ്റൊരു ഇതിഹാസമാകും രചിക്കുക. എം.ടി.സാറെന്ന പ്രതിഭ അക്ഷരങ്ങളില്‍കൊത്തിയെടുത്ത ശില്‍പമാണ് രണ്ടാമൂഴം. ആത്മാവുകൊണ്ടെഴുതിയ രചന. തിരരൂപവും അതേപോലൊരു ക്ലാസിക് ആകുമെന്ന് ഉറപ്പാണ്. ആത്മസംഘര്‍ഷങ്ങളുടെയും വൈകാരികതയുടെയും വനസ്ഥലികളിലൂടെയുള്ള ഭീമന്റെ യാത്രകളെ അനശ്വരമാക്കുക നമ്മുടെ പ്രിയപ്പെട്ട ലാലേട്ടനാണ്. അദ്ദേഹത്തിന്റെ അഭിനയജീവിതം ഈ കഥാപാത്രത്തിലൂടെ അനേകം സൗഗന്ധികമുഹൂര്‍ത്തങ്ങളെ അനായാസം നുള്ളിയെടുത്തുകൊണ്ട് ഐതിഹാസികമായ പരിവേഷത്തിലേക്ക് സഞ്ചരിക്കുന്നത് കാണാന്‍ നമുക്ക് കാത്തിരിക്കാം.
ആയിരം കോടി നിര്‍മാണച്ചെലവുള്ള ഒരു സിനിമ സംഭവിക്കാന്‍ കാരണമായത് ബി.ആര്‍.ഷെട്ടി എന്ന വ്യവസായപ്രമുഖനാണ്. ഭാരതസംസ്‌കൃതിയുടെ ഏറ്റവും ഉജ്ജ്വലമായ ഒരു ഏടിനെ ലോകത്തിന് മുമ്പാകെ ആദ്യമായി ദൃശ്യരൂപത്തില്‍ അഭിമാനപൂര്‍വം അവതരിപ്പിക്കുകയെന്ന വലിയദൗത്യം ഏറ്റെടുത്തതിന് അദ്ദേഹത്തെ എത്രപ്രശംസിച്ചാലും അധികമാകില്ല. ‘മഹാഭാരത’ത്തിന്റെ എല്ലാ വിസ്തൃതിയെയും ക്യാമറയിലേക്ക് ചേര്‍ത്തുവയ്ക്കാന്‍ സംവിധായകന്‍ വി.എ.ശ്രീകുമാര്‍ മേനോന് കഴിയട്ടെ. ഇനി 'മഹാഭാരത'നാളുകള്‍ക്കായി കാത്തിരിക്കാമെന്നും മഞ്ജു കുറിക്കുന്നു. ചിത്രത്തില്‍ ഒരു പ്രധാനവേഷത്തില്‍ മഞ്ജുവും ഉണ്ടാകും എന്നാണു സൂചന.

  • ദിലീപിനും സലിംകുമാറിനും എതിരെ മഞ്ജുവാര്യരും കൂട്ടരും
  • ദിലീപിനെതിരായ ആരോപണം; തന്റെ 'രാമലീല'യെ തകര്‍ക്കാന്‍ ശ്രമമെന്ന് നിര്‍മ്മാതാവ്
  • 'നടിയെക്കുറിച്ചു ഞാനാരോടും അങ്ങനെ പറഞ്ഞിട്ടില്ല'; ദിലീപിനെ തള്ളി ലാല്‍
  • 'ആരൊക്കെ കരിവാരിത്തേക്കാന്‍ ശ്രമിച്ചാലും ഞാന്‍ നിന്നോടൊപ്പമുണ്ട്'- ദിലീപിനോട് ലാല്‍ ജോസ്
  • അടുത്ത സുഹൃത്തായ ഭാവനയുമായി അകലാന്‍ കാരണം - റിമി ടോമി പ്രതികരിക്കുന്നു
  • 19 ദിവസം മാത്രം നീണ്ട ആദ്യ ദാമ്പത്യത്തെക്കുറിച്ചു രചന നാരായണന്‍ കുട്ടി
  • നടിക്കു നുണപരിശോധന വേണമെന്നു സലീം കുമാര്‍ ; ആഞ്ഞടിച്ചു സോഷ്യല്‍ മീഡിയ
  • മൂന്നാം വരവിനു തയാറെടുത്തു തെന്നിന്ത്യയുടെ പഴയ സൂപ്പര്‍ നായിക
  • കാവ്യ ഗര്‍ഭിണിയാണെന്ന് അറിയുന്നത് സോഷ്യല്‍ മീഡിയയില്‍ നിന്ന്: ദിലീപ്
  • മമ്മുട്ടി ഒട്ടും കുറയ്ക്കുന്നില്ല; പുതിയ സിനിമയിലെ വില്ലന്‍ കാലകേയന്‍
  •  
        © 2012 ukmalayalamnews.com All rights reserved. Powered by Phoenix Infoway