അസോസിയേഷന്‍

പതിനൊന്നാമത് മോനിപ്പള്ളി സംഗമം മെയ് 6ന്; മോന്‍സ് ജോസഫ് എംഎല്‍എ മുഖ്യാതിഥി

ബാസില്‍ഡന്‍ : യുകെയിലെ മോനിപ്പള്ളി സ്വദേശികളുടെ വാര്‍ഷിക സംഗമമായ മോനിപ്പള്ളി സംഗമത്തിന്റെ പതിനൊന്നാമത് എഡിഷന്‍ മെയ് 6 ന് ബാസില്‍ഡനില്‍ വച്ച് നടത്തപ്പെടുന്നു. ഇത്തവണ മോനിപ്പള്ളി സംഗമത്തില്‍ മുഖ്യാതിഥിയായി എത്തുന്നത് മോനിപ്പള്ളി ഉള്‍പ്പെടുന്ന കടുത്തുരുത്തി നിയോജക മണ്ഡലത്തിന്റെ സ്വന്തം എം എല്‍ എ മോന്‍സ് ജോസഫ് ആണ്. നൂതനമായ പരിപാടികളും പദ്ധതികളും ആവിഷ്കരിച്ചുകൊണ്ടു യുകെയിലെ മലയാളി സമൂഹത്തിനു എന്നും മാതൃകയായിട്ടുണ്ട് മോനിപ്പള്ളി സംഗമം. ബര്‍മിംഗ്ഹാമില്‍ വച്ച് നടത്തപ്പെട്ട പത്താമത് സംഗമത്തില്‍ ഇദംപ്രഥമമായി അവതരിപ്പിച്ച മോനിപ്പള്ളിയെക്കുറിച്ചുള്ള മനോഹര ഗാനത്തിന് ചുവടുകള്‍ വച്ചുകൊണ്ടു യു കെ യിലെ അനുഗ്രഹീത കലാകാരനായ കലാഭവന്‍ നൈസ് പരിശീലിപ്പിച്ച സംഘം, കഴിഞ്ഞ വര്‍ഷത്തെ സംഗമത്തിന്റെ ശ്രദ്ധാകേന്ദ്രമായിരുന്നു. ഓരോ വര്‍ഷവും യുകെയുടെ വിവിധ ഭാഗങ്ങളില്‍ നിന്ന് സംഗമത്തില്‍ പങ്കെടുക്കുന്ന മോനിപ്പള്ളി സ്വദേശികളുടെ എണ്ണം കുത്തനെ ഉയരുന്നു എന്നത് ഈ സംഗമത്തിന്റെ സ്വീകാര്യതയാണ് വ്യക്തമാക്കുന്നത് എന്ന് മോനിപ്പള്ളി സംഗമത്തിന്റെ പ്രസിഡണ്ട് ജിജി വരിക്കാശ്ശേരില്‍ അറിയിച്ചു.

മോന്‍സ് ജോസഫ് എംഎല്‍എ യെ കൂടാതെ യു കെയിലെ തന്നെ നിരവധി മേഖലകളില്‍ കഴിവും പ്രാവീണ്യവും തെളിയിച്ചിട്ടുള്ള വിശിഷ്ടവ്യക്തികളും സംഗമത്തില്‍ പങ്കെടുക്കും. വളര്‍ന്നു വരുന്ന തലമുറയ്ക്ക് പ്രചോദനമാകുവാന്‍ , മലയാളി സമൂഹത്തിലെ കഴിവുള്ള പ്രതിഭകളെ ആദരിക്കുന്ന പരിപാടിയും ഇത്തവണ സംഗമത്തില്‍ നടത്തപ്പെടും എന്ന് ജിജി വരിക്കാശ്ശേരി (പ്രസിഡണ്ട്), റോബിന്‍കളപ്പുരക്കല്‍ ( സെക്രട്ടറി ), ബെന്നി കൊല്ലിയില്‍ (ട്രഷറര്‍) എന്നിവര്‍ അറിയിച്ചു.

  • എഴുത്തിന്റെ വഴിത്താരയില്‍ രക്തസാക്ഷിയായ ഗൗരീ ലങ്കേഷിനെ ആദരിച്ചുകൊണ്ട് 'ജ്വാല' സെപ്തംബര്‍ ലക്കം
  • മധുരിക്കും ഓര്‍മകളിലേക്ക് കൂട്ടിക്കൊണ്ടു പോയ ജോയ് ആലുക്കാസ് 'ഓള്‍ഡ് ഈസ് ഗോള്‍ഡ്'
  • 400 പേര്‍ക്ക് തൂശനിലയില്‍ ഓണസദ്യ ഒരുക്കി ആഷോഫോര്‍ഡ്കാര്‍ കെന്റില്‍ ചരിത്രം കുറിച്ചു
  • യുക്മ സൗത്ത് വെസ്റ്റ് റീജിയണല്‍ കലാമേള ലോഗോ പ്രകാശനം ചെയ്തു
  • യുക്മ റീജിയണല്‍ കലാമേളകള്‍ പ്രഖ്യാപനം പൂര്‍ത്തിയായി : ഒരേ ദിവസം നാല് റീജിയണുകളില്‍ മേള അരങ്ങേറുന്ന 'സൂപ്പര്‍ സാറ്റര്‍ഡേ' വീണ്ടും
  • കാന്‍സര്‍ ബാധിച്ച ദേവസിക്കായി വോകിംഗ് കാരുണ്യ സുമനസുകളുടെ സഹായം തേടുന്നു
  • മാഞ്ചസ്റ്റര്‍ മലയാളി കള്‍ച്ചറല്‍ അസോസിയേഷന്റെ ഓണാഘോഷം മലയാളത്തനിമയില്‍ അവിസ്മരണീയമായി
  • ആഘോഷങ്ങളുടേയും താളമേളകളുടേയും അകമ്പടിയോടെ സ്റ്റാഫ്‌ഫോര്‍ഡ്ഷയര്‍ മലയാളീ അസ്സോസിയേഷന്റ ഓണാഘോഷത്തിന് കൊടിയിറക്കം
  • പന്ത്രണ്ടാമത് യുകെ കരിങ്കുന്നം ദേശീയ സംഗമം സെപ്റ്റംബര്‍ 29 മുതല്‍ ഒക്ടോബര്‍ ഒന്ന് വരെ
  • മലയാളം മിഷന്‍ യു.കെ. ചാപ്റ്റര്‍ ഉദ്ഘാടനം മന്ത്രി എ.കെ.ബാലന്‍ 22 ന് ലണ്ടനില്‍ നിര്‍വ്വഹിക്കും
  •  
        © 2012 ukmalayalamnews.com All rights reserved. Powered by Phoenix Infoway