Don't Miss

24 വയസിനു മൂത്ത ടീച്ചറിനെ 24 വര്‍ഷം വിടാതെ പ്രണയിച്ചു സ്വന്തമാക്കി; ഇത് ഫ്രഞ്ച് പ്രസിഡന്റ് സ്ഥാനാര്‍ഥിയുടെ സിനിമയെ വെല്ലുന്ന ജീവിതം

അടുത്ത ഫ്രഞ്ച് പ്രസിഡന്റ് 40കാരന്‍ ഇമ്മാനുവല്‍ മക്രോണ്‍ ആയിരിക്കുമെന്ന് ഏതാണ്ടുറപ്പായിക്കഴിഞ്ഞു. മറൈന്‍ ലെ പെന്നിനെ തോല്‍പിച്ചു ഫ്രഞ്ച് പ്രസിഡന്റ് പദവിയിലെത്തുന്നതോടെ ലോകമാധ്യമങ്ങള്‍ ആഘോഷിക്കാന്‍ പോകുന്ന വ്യക്തിയായിരിക്കും അദ്ദേഹം. കാരണം സിനിമയെ വെല്ലുന്ന നാടകീയ പ്രണയത്തിനു ഉടമയാണ് അദ്ദേഹം. ഭര്‍ത്താവും മൂന്നു മക്കളും ഉണ്ടായിരുന്ന 40 കാരിയായ ടീച്ചറിനെ പതിനാറാം വയസു മുതല്‍ പ്രണയിച്ചു 24 വര്‍ഷം കൊണ്ട് സ്വാന്തമാക്കിയ കാമുകനാണ് അദ്ദേഹം.


അച്ഛനാവാതെ ഭാര്യയുടെ പേരക്കുട്ടിയുടെ മുത്തച്ഛനായ ഫ്രാന്‍സിന്റെ ആദ്യ പ്രസിഡന്റായിരിക്കും മക്രോണ്‍. മൂന്ന് മക്കളും 7 പേരക്കുട്ടികളും ഉള്ള സ്ത്രീയെ വിവാഹം ചെയ്യാന്‍ ഒരു ദുരഭിമാനവും തോന്നാത്ത കാമുകഹൃദയത്തിനുടമയായിരുന്നു അദ്ദേഹം. സ്‌കൂള്‍ പഠനകാലത്ത് മാക്രോണിന്റെ ഫ്രഞ്ച് ഡ്രാമ അധ്യാപികയായിരുന്നു ബ്രിഗിറ്റ ഓസിറ. അധ്യാപികയോട് അന്ന് തോന്നിയ പ്രണയം അവരോട് തുറന്നു പറഞ്ഞു. എന്നാല്‍ 16കാരന്റെ ചാപല്യമായി കണ്ടു ബ്രിഗിറ്റ അത് തള്ളി. നിങ്ങളെ ഞാന്‍ ഒരിക്കല്‍ വിവാഹം ചെയ്യുമെന്ന് 40കാരിയായ അധ്യാപികയുടെ മുഖത്ത് നോക്കി ആ കുട്ടികാമുകന്‍ പറഞ്ഞു. പഠന ശേഷവും തുടരെ തുടരെ അധ്യാപികയെ തേടി പ്രണയസന്ദേശങ്ങളും പ്രണയോപഹാരങ്ങളും എത്തി.


അധ്യാപികയ്ക്ക് ഭര്‍ത്താവും മൂന്ന് മക്കളും ഉണ്ടെന്ന കാര്യം അറിഞ്ഞിട്ടും മക്രൂണ്‍ പിന്തിരിഞ്ഞില്ല, കാത്തിരുന്നു. മകന്റെ വിചിത്ര പ്രണയം മനസിലാക്കി മാതാപിതാക്കള്‍ അവനെ പാരീസിലെ ഏറ്റവും മുന്തിയ സൂകൂളിലേക്ക് തുടര്‍പഠനത്തിന് അയച്ചു. പക്ഷെ അതുകൊണ്ടൊന്നും പഴയ ടീച്ചറിനെ മറക്കാന്‍ ആ കുഞ്ഞുകാമുകഹൃദയം തയാറായില്ല. പ്രണയസന്ദേശങ്ങള്‍ ഫോണ്‍ വിളികളിലൂടെ തളിര്‍ത്തു. മനസ്സലിഞ്ഞടീച്ചര്‍ പ്രണയം സ്വീകരിച്ചു. ഒടുക്കം 24 വര്‍ഷത്തിനു ശേഷം, 2007-ല്‍ 29ാം വയസ്സില്‍ മക്രോണ്‍ വിവാഹിതനാവുമ്പോള്‍ വധുവായ ബ്രിഗിറ്റയ്ക്ക് 53 വയസായിരുന്നു. തന്റെ മൂന്ന് മക്കളുടെയും പേരക്കുട്ടികളുടെയും ആശിര്‍വാദത്തോടെയാണ് ബ്രിഗിറ്റ മക്രോണിനെ വിവാഹം ചെയ്തത്.

പിന്നീടാണ് മക്രൂണ്‍ സോഷ്യലിസ്റ്റ് പാര്‍ട്ടിയില്‍ ചേര്‍ന്ന് ഫ്രാന്‍സിന്റെ സാമ്പത്തിക മന്ത്രിയാവുന്നത്. 2006 മുതല്‍ 2009 വരെ സോഷ്യലിസ്റ്റ് പാര്‍ട്ടി അംഗമായിരുന്നു. പാര്‍ട്ടി വിട്ടു. 2016 ല്‍ 'എന്‍ മാര്‍ഷെ' എന്ന പുതിയ പാര്‍ട്ടി രൂപവത്കരിച്ചു. അതിലൂടെയാണ് ഇപ്പോള്‍ ഫ്രഞ്ച് പ്രസിഡന്റ് പദവിയിലേക്ക് അടുക്കുന്നത്.

പ്രസിഡന്റ് പദത്തിനുവേണ്ടിയുള്ള പ്രചാരണത്തില്‍ മക്രൂണിനെ സഹായിക്കാന്‍ മുന്നിട്ടിറങ്ങുന്നത് ഭാര്യയുടെ മകള്‍ മുപ്പത്തിരണ്ടുകാരിയായ ടിഫാനിയാണ്. ടിഫാനിക്കും രണ്ട് മക്കളുണ്ട്. ടിഫാനിക്കും രണ്ട് മക്കളുണ്ട്. സ്വന്തം ചോരയല്ലെങ്കിലും മക്കള്‍ക്കും പേരക്കുട്ടികള്‍ക്കൊപ്പം പ്രചാരണത്തില്‍ സജീവമാണ് മക്രൂണ്‍. ഒപ്പം പ്രഥമ വനിതയാകാന്‍ പഴയ ടീച്ചറും.

  • 17 കാ​രി​യെ ന​ഗ്ന​ചി​ത്രം കാ​ണി​ച്ച് പീഡിപ്പിച്ച പ്രതിശ്രുത വരന്‍ മുഹൂര്‍ത്തത്തിന് മുമ്പ് അറസ്റ്റില്‍ , കല്യാണം മുടങ്ങി
  • സോഫിക്കും കാമുകനുമെതിരായ കോടതിവിധി ഓസ്‌ട്രേലിയയിലെ ദേശീയ മാധ്യമങ്ങളിലും വലിയ വാര്‍ത്ത
  • സ്വന്തം പാര്‍ട്ടിയുണ്ടാക്കി കമലിന്റെ രാഷ്ട്രീയപ്രവേശം; ഇനി രജനിയുടെ ഊഴം
  • സയനൈഡ് നല്‍കി സാമിനെ കൊന്ന കേസില്‍ ഭാര്യയും കാമുകനും കുറ്റക്കാരെന്നു കോടതി
  • നാട്ടില്‍ നിന്നു കാണാതായ യുവാവ് തിരുവനന്തപുരം മൃഗശാലയില്‍ സിംഹത്തിന്റെ കൂട്ടില്‍ ചാടി
  • 'നിങ്ങളെന്നെ രാഷ്ട്രീയക്കാരനാക്കി'; അണ്ണാ ഡിഎംകെ മോശം പാര്‍ട്ടിയാണെന്ന് കമല്‍ ഹാസന്‍
  • കനേഡിയന്‍ പ്രധാനമന്ത്രി ഗുജറാത്തിലെത്തിയിട്ടും മോഡി അറിഞ്ഞ ഭാവമില്ല; ട്വിറ്ററിലും മിണ്ടാട്ടമില്ല
  • ശരീരസൗന്ദര്യമത്സര വേദിയില്‍ സിസ്പാക്ക് ബോഡിയുമായി വൈദികന്‍ ; ഇടവകക്കാരും കാണികളും ഞെട്ടി!
  • ട്രംമ്പിനെ അനുകൂലിച്ചതിന് പിരിച്ചുവിടപ്പെട്ട മലയാളി നഴ്സ് നഷ്ടപരിഹാരം ആവശ്യപ്പെട്ട് കോടതിയില്‍
  • ഫ്ലോറിഡയില്‍ മനുഷ്യകവചമായി വെടിയുണ്ടകള്‍ ഏറ്റുവാങ്ങി കുട്ടികളെ രക്ഷിച്ച ഫുട്‌ബോള്‍ കൊച്ചിന് ആദരം
  •  
        © 2012 ukmalayalamnews.com All rights reserved. Powered by Phoenix Infoway