വിദേശം

ഞാന്‍ ദരിദ്ര കുടിയേറ്റക്കാരന്റെ മകന്‍ ; കുടിയേറ്റ വിരുദ്ധതയ്‌ക്കെതിരെ മാര്‍പാപ്പ

വാന്‍കൂവ്: താന്‍ ദരിദ്രനായ കുടിയേറ്റക്കാരന്റെ മകനാണെന്നു ഫ്രാന്‍സിസ് മാര്‍പാപ്പ. ലോക നേതാക്കള്‍ കുടിയേറ്റ വിരുദ്ധ നടപടികള്‍ ശക്തമാക്കുന്ന സാഹചര്യത്തില്‍ താന്‍ ഒരു കുടിയേറ്റക്കാരനാണെന്ന് വിളിച്ചു പറയുകയാണ് ഫ്രാന്‍സിസ് മാര്‍പാപ്പ. അര്‍ജന്റെീനയിലേക്ക് ഒന്നുമില്ലാതെ കുടിയേറേണ്ടി വന്ന ദരിദ്രനായ ഒരു പിതാവിന്റെ മകനാണ് താനെന്ന് മാര്‍പാപ്പ പറഞ്ഞു. കാനഡയിലെ വാന്‍കൂവില്‍ നടക്കുന്ന സമ്മേളനത്തില്‍ വീഡിയോ കോണ്‍ഫറന്‍സിംഗ് വഴി സംസാരിക്കുകയായിരുന്നു അദ്ദേഹം.

കുടിയേറ്റക്കാരുടെ കുടുംബത്തില്‍ ജനിച്ചവനാണ് ഞാന്‍. എന്റെ അച്ഛനും അപ്പൂപ്പൂന്മാരും മറ്റുപല ഇറ്റലിക്കാരെയും പോലെ അര്‍ജന്റീനയിലേക്ക് കുടിയേറിയവരാണ്. ഒന്നുമില്ലാതെ നാടുവിടേണ്ടി വരുന്നവരുടെ അതേ വിധി അനുഭവിച്ചവര്‍. ഇക്കാലത്തെ പുറന്തള്ളപ്പെട്ട ജനതയുടെ വികാരം തനിക്ക് മനസിലാക്കാന്‍ സാധിക്കുമെന്നും അദ്ദേഹം വ്യക്തമാക്കി.

ടെഡ് കോണ്‍ഫറന്‍സ് സംഘടിപ്പിച്ച ചടങ്ങില്‍ വത്തിക്കാനിലിരുന്നാണ് തന്റെ സന്ദേശം മാര്‍പാപ്പ ജനങ്ങള്‍ക്ക്‌ നല്‍കിയത്. കാലാവസ്ഥാ വ്യതിയാനം, കുടിയേറ്റ പ്രതിസന്ധി, ഭാവിയെക്കുറിച്ചുള്ള പ്രതീക്ഷയില്ലായ്മ, ആഗോള അസുന്തലിതാവസ്ഥ എന്നീ വിഷയങ്ങളെപ്പറ്റി 18 മിനിറ്റ് നീണ്ട് നിന്ന പ്രസംഗത്തില്‍ അദ്ദേഹം പരാമര്‍ശിച്ചു. ഒരുമിച്ചു നില്‍ക്കുകയും, എല്ലാവരെയും അംഗീകരിക്കുകയും ചെയ്താല്‍ മാത്രമെ ഭാവി പടുത്തുയര്‍ത്താന്‍ സാധിക്കു എന്നും അദ്ദേഹം ഓര്‍മ്മിപ്പിച്ചു.

  • വെസ്ലിയുടെയും സിനിയുടെയും മൂത്ത കുട്ടിയെ ബന്ധുക്കള്‍ക്ക് കൈമാറി
  • ഒരുമാസം പ്രായമായ കുഞ്ഞ് കാറില്‍ മരിച്ചനിലയില്‍ ; യുഎസില്‍ ഇന്ത്യന്‍ പിതാവ് അറസ്റ്റില്‍
  • ബില്‍ ക്ലിന്റനെതിരെ ലൈംഗികാരോപണവുമായി നാല് സ്ത്രീകള്‍ ; ഹില്ലാരിയ്ക്ക് അമര്‍ഷം
  • കാട്ടുപന്നിയുടെ ഇറച്ചികഴിച്ച് ഗുരുതരാവസ്ഥയിലായ മലയാളി കുടുംബത്തെ സഹായിക്കാന്‍ ബന്ധുക്കള്‍ ന്യൂസീലന്‍ഡിലേക്ക്
  • 16കാരിയെ പീഡിപ്പിച്ചു: സില്‍വസ്റ്റര്‍ സ്റ്റാലനെതിരെയും ലൈംഗികാരോപണം
  • ടെക്‌സാസില്‍ മൂന്നു വയസുകാരി ഷെറിന്റെ മരണം; നഴ്‌സായ വളര്‍ത്തമ്മ സിനി മാത്യൂസും അറസ്റ്റില്‍
  • മാര്‍പ്പാപ്പക്ക് സമ്മാനം കിട്ടിയ രണ്ടു കോടിയുടെ ലംബോര്‍ഗിനി ലേലത്തിന്, പണം ഇറാഖി ജനതയ്ക്ക്
  • ഇറാന്‍-ഇറാഖ് അതിര്‍ത്തിയിലെ ഉഗ്ര ഭൂചലനം: മരണം 210 കവിഞ്ഞു, ഗള്‍ഫ് മേഖലയില്‍ തുടര്‍ ചലനം
  • ബോറടി മാറ്റാന്‍ ജര്‍മ്മന്‍ നഴ്‌സ് കൊന്നൊടുക്കിയത് 106 രോഗികളെ!
  • അഴിമതിക്കു അറസ്റ്റിലായ സൗദി രാജകുമാരന്‍ കൊല്ലപ്പെട്ടിട്ടില്ല; പ്രചരിക്കുന്നത് വ്യാജ വാര്‍ത്ത
  •  
        © 2012 ukmalayalamnews.com All rights reserved. Powered by Phoenix Infoway