വിദേശം

ഫ്രാന്‍സിനെ ഇനി 39 കാരനായ മാക്രോണ്‍ നയിക്കും; 24 വയസിനു മൂത്ത ടീച്ചര്‍ഭാര്യ പ്രഥമ വനിത

പാരീസ്: സര്‍വേകള്‍ ശരിവച്ചു ഫ്രഞ്ച് പ്രസിഡന്റ് തെരഞ്ഞെടുപ്പില്‍ 39 കാരനായ ഇമ്മാനുവല്‍ മാക്രോണിന് അനായാസ വിജയം. ഫ്രാന്‍സിന്റെ ചരിത്രത്തിലെ ഏറ്റവും പ്രായം കുറഞ്ഞ പ്രസിഡന്റ് ആയിരിക്കുകയാണ് മാക്രോണ്‍ . മക്രോണിന് 65.5 ശതമാനം വോട്ടുകള്‍ കിട്ടിയപ്പോള്‍ എതിരാളി ലെ പെന്നിന് 34.5 ശതമാനം വോട്ടുകള്‍ മാത്രമെ നേടാനായുള്ളൂ. മക്രോണ്‍ വലിയ ഭൂരിപക്ഷത്തോടെ വിജയിച്ചെങ്കിലും ഔദ്യോഗിക ഫല പ്രഖ്യാപനം വ്യാഴാഴ്ചയേ ഉണ്ടാകൂ.

മേയ് 14-നാണ് ഇപ്പോഴത്തെ പ്രസിഡന്റ് ഫ്രാന്‍സ്വ ഒളോന്ദിന്റെ കാലാവധി അവസാനിക്കുന്നത്. അന്നുതന്നെയോ തൊട്ടടുത്ത ദിവസങ്ങളിലോ പുതിയ പ്രസിഡന്റ് അധികാരമേല്‍ക്കും.

തന്റെ വിജയം ഫ്രാന്‍സിന്റെ ചരിത്രത്തില്‍പ്രതീക്ഷയുടെയും,വിശ്വാസത്തിന്റെയും പുതിയ അധ്യായത്തിനാണ് തുടക്കം കുറിച്ചിരിക്കുന്നതെന്ന് ഇമ്മാനുവല്‍ മാക്രോണ്‍ പ്രതികരിച്ചു. ഫ്രഞ്ച് ഭരണഘടന നിലവില്‍ വന്നത് മുതല്‍ അധികാരം കൈയ്യാളുന്ന റിപ്പബ്ലിക്കന്‍ സോഷ്യലിസ്റ്റ് കീഴ്‌വഴക്കങ്ങള്‍ തകര്‍ത്താണ് മാക്രോണ്‍ ഫ്രഞ്ച് പ്രസിഡന്റാകുന്നത്. മിതവാദി പാര്‍ട്ടിയായ ഒന്‍ മാര്‍ഷിന്റെ സ്ഥാനാര്‍ഥിയായിരുന്നു മക്രോണ്‍.


ഫ്രാന്‍സ്വെ ഒലാന്ദ് മന്ത്രിസഭയിലെ ധനകാര്യ മന്ത്രിയായിരുന്നു മക്രോണ്‍.
കുടിയേറ്റം നിരോധിക്കണം, യൂറോപ്പുമായുള്ള ബന്ധം പുനഃപരിശോധിക്കണം തുടങ്ങിയ തീവ്രനിലപാടുകളുള്ള ലീ പെന്നിനെതിരെ മറ്റു കക്ഷികള്‍ മാക്രോണിനു വോട്ടു ചെയ്തു. മക്രോണ്‍ വിജയിച്ചതോടെ ഫ്രാന്‍സ് യൂറോപ്പ്യന്‍ യൂണിയന്‍ വിടാനുള്ള സാധ്യത ഇല്ലാതാവുകയാണ്.


അതിനിടെ, മക്രോണ്‍ തിരഞ്ഞെടുപ്പ് വിജയാഘോഷത്തിന് തീരുമാനിച്ചിരുന്ന പാരീസിലെ ലൂവ്ര് മ്യൂസിയത്തിന്റെ പരിസരത്തുള്ള ചത്വരത്തില്‍നിന്ന് ആളുകളെ ഒഴിപ്പിച്ചു. സംശയാസ്​പദമായ സാഹചര്യത്തില്‍ പൊതി കണ്ടെത്തിയതിനെത്തുടര്‍ന്നാണ് ഒഴിപ്പിക്കലുണ്ടായതെന്ന് പോലീസ് പറഞ്ഞു.


സിനിമയെ വെല്ലുന്ന നാടകീയ പ്രണയത്തിനു ഉടമയാണ് മക്രോണ്‍. ഭര്‍ത്താവും മൂന്നു മക്കളും ഉണ്ടായിരുന്ന 40 കാരിയായ ടീച്ചറിനെ പതിനാറാം വയസു മുതല്‍ പ്രണയിച്ചു 24 വര്‍ഷം കൊണ്ട് സ്വാന്തമാക്കിയ കാമുകനാണ് അദ്ദേഹം.


അച്ഛനാവാതെ ഭാര്യയുടെ പേരക്കുട്ടിയുടെ മുത്തച്ഛനായ ഫ്രാന്‍സിന്റെ ആദ്യ പ്രസിഡന്റായിരിക്കും മക്രോണ്‍. മൂന്ന് മക്കളും 7 പേരക്കുട്ടികളും ഉള്ള സ്ത്രീയെ വിവാഹം ചെയ്യാന്‍ ഒരു ദുരഭിമാനവും തോന്നാത്ത കാമുകഹൃദയത്തിനുടമയായിരുന്നു അദ്ദേഹം. സ്‌കൂള്‍ പഠനകാലത്ത് മാക്രോണിന്റെ ഫ്രഞ്ച് ഡ്രാമ അധ്യാപികയായിരുന്നു ബ്രിഗിറ്റ ഓസിറ. അധ്യാപികയോട് അന്ന് തോന്നിയ പ്രണയം അവരോട് തുറന്നു പറഞ്ഞു. എന്നാല്‍ 16കാരന്റെ ചാപല്യമായി കണ്ടു ബ്രിഗിറ്റ അത് തള്ളി. നിങ്ങളെ ഞാന്‍ ഒരിക്കല്‍ വിവാഹം ചെയ്യുമെന്ന് 40കാരിയായ അധ്യാപികയുടെ മുഖത്ത് നോക്കി ആ കുട്ടികാമുകന്‍ പറഞ്ഞു. പഠന ശേഷവും തുടരെ തുടരെ അധ്യാപികയെ തേടി പ്രണയസന്ദേശങ്ങളും പ്രണയോപഹാരങ്ങളും എത്തി.


അധ്യാപികയ്ക്ക് ഭര്‍ത്താവും മൂന്ന് മക്കളും ഉണ്ടെന്ന കാര്യം അറിഞ്ഞിട്ടും മക്രൂണ്‍ പിന്തിരിഞ്ഞില്ല, കാത്തിരുന്നു. മകന്റെ വിചിത്ര പ്രണയം മനസിലാക്കി മാതാപിതാക്കള്‍ അവനെ പാരീസിലെ ഏറ്റവും മുന്തിയ സൂകൂളിലേക്ക് തുടര്‍പഠനത്തിന് അയച്ചു. പക്ഷെ അതുകൊണ്ടൊന്നും പഴയ ടീച്ചറിനെ മറക്കാന്‍ ആ കുഞ്ഞുകാമുകഹൃദയം തയാറായില്ല. പ്രണയസന്ദേശങ്ങള്‍ ഫോണ്‍ വിളികളിലൂടെ തളിര്‍ത്തു. മനസ്സലിഞ്ഞടീച്ചര്‍ പ്രണയം സ്വീകരിച്ചു. ഒടുക്കം 24 വര്‍ഷത്തിനു ശേഷം, 2007-ല്‍ 29ാം വയസ്സില്‍ മക്രോണ്‍ വിവാഹിതനാവുമ്പോള്‍ വധുവായ ബ്രിഗിറ്റയ്ക്ക് 53 വയസായിരുന്നു. തന്റെ മൂന്ന് മക്കളുടെയും പേരക്കുട്ടികളുടെയും ആശിര്‍വാദത്തോടെയാണ് ബ്രിഗിറ്റ മക്രോണിനെ വിവാഹം ചെയ്തത്.

പിന്നീടാണ് മക്രോണ്‍ സോഷ്യലിസ്റ്റ് പാര്‍ട്ടിയില്‍ ചേര്‍ന്ന് ഫ്രാന്‍സിന്റെ സാമ്പത്തിക മന്ത്രിയാവുന്നത്. 2006 മുതല്‍ 2009 വരെ സോഷ്യലിസ്റ്റ് പാര്‍ട്ടി അംഗമായിരുന്നു. പാര്‍ട്ടി വിട്ടു. 2016 ല്‍ 'എന്‍ മാര്‍ഷെ' എന്ന പുതിയ പാര്‍ട്ടി രൂപവത്കരിച്ചു. അതിലൂടെയാണ് ഇപ്പോള്‍ ഫ്രഞ്ച് പ്രസിഡന്റ് പദവിയിലേക്ക് അടുക്കുന്നത്.

സ്വന്തം ചോരയല്ലെങ്കിലും മക്കള്‍ക്കും പേരക്കുട്ടികള്‍ക്കൊപ്പം പ്രചാരണത്തില്‍ സജീവമായിരുന്നു മാക്രോണ്‍. ഒപ്പം രാജ്യത്തിന്റെ പ്രഥമ വനിതയാകാന്‍ പഴയ ടീച്ചറും.

  • കശ്മീര്‍ ഇന്ത്യയുടെ ഭാഗമാണ്; അങ്ങനെ ആയിരിക്കുകയും ചെയ്യും; നിങ്ങള്‍ ടെററിസ്ഥാനാണ്; പാക് പ്രധാനമന്ത്രിക്കു യു.എന്നില്‍ ചുട്ട മറുപടിയുമായിഇന്ത്യ
  • മെക്‌സിക്കോയെ നടുക്കി ഭൂചലനം: മരണം 250 കവിഞ്ഞു, കെട്ടിടങ്ങള്‍ നിലംപൊത്തി
  • ലണ്ടന്‍ ഭീകരാക്രമണത്തിന്റെ പശ്ചാത്തലത്തില്‍ യാത്രാവിലക്ക് ശക്തമാക്കാന്‍ ട്രംപ് ഭരണകൂടം
  • ഭീഷണിയ്ക്കു പിന്നാലെ ഉത്തര കൊറിയയുടെ മിസൈല്‍ ജപ്പാന്റെ തലയ്ക്ക് മീതെ വീണ്ടും പറന്നു
  • ജപ്പാനെ കടലില്‍ മുക്കും; അമേരിക്കയെ ഭസ്മമാക്കും: പ്രകോപനവുമായി വീണ്ടും ഉത്തര കൊറിയ
  • ദാവൂദ് ഇബ്രാഹിമിന്റെ 670 കോടിയുടെ സ്വത്തുക്കള്‍ ബ്രിട്ടണ്‍ കണ്ടുകെട്ടി
  • ഫ്‌ളോറിഡയില്‍ സംഹാര രൂപം പൂണ്ട് 'ഇര്‍മ'; നാല് മരണം; 63 ലക്ഷം പേരോട് ഒഴിഞ്ഞുപോകാന്‍ നിര്‍ദ്ദേശം
  • വാഹനത്തില്‍ തലയിടിച്ചു മാര്‍പാപ്പയ്ക്ക് പരിക്ക്; തനിക്കൊരു 'ഇടി കിട്ടി'യെന്ന് പാപ്പാ
  • കുടിയേറ്റ നിയമം കര്‍ശനമാക്കി ട്രംപ്; ഇന്ത്യക്കാരുടെ ഭാവി തുലാസില്‍ , ക്രൂരമായ തീരുമാനമെന്ന് ഒബാമ
  • 'മിനി ഇന്ത്യ'യായ സിംഗപ്പൂരില്‍ ഇന്ത്യക്കാരന്‍ പ്രസിഡന്റ്
  •  
        © 2012 ukmalayalamnews.com All rights reserved. Powered by Phoenix Infoway