വിദേശം

പാര്‍ലമെന്റ് നടപടിക്കിടെ കുഞ്ഞിനെ മുലയൂട്ടി ചരിത്രം സൃഷ്ടിച്ച് ഓസ്‌ട്രേലിയന്‍ എംപി

സിഡ്‌നി: ആരാധനാലയങ്ങളിലും പൊതുസ്‌ഥലങ്ങളിലും കുഞ്ഞിനെ മുലയൂട്ടാന്‍ അമ്മമാര്‍ വളരെ കഷ്ടപ്പെടുന്ന കാലമാണിത്. പരിഷ്കൃത സമൂഹം എന്ന് മേനി നടിക്കുമ്പോഴും പൊതുസ്‌ഥങ്ങളില്‍ മുലയൂട്ടാന്‍ അമ്മമാര്‍ സംഘടിക്കേണ്ട അവസ്ഥ ബ്രിട്ടനിലും ഉണ്ടായി. ഷോപ്പിംഗ് മാളുകളിലും മറ്റും കുഞ്ഞിനെ മുലയൂട്ടാന്‍ ശ്രമിച്ച അമ്മമാരെ ആട്ടിയോടിച്ച വാര്‍ത്തകളും വന്നിട്ടുണ്ട്. ഇപ്പോഴിതാ ലോകത്തെ അമ്മമാര്‍ക്കൊക്കെ ആത്മവിശ്വാസം നല്‍കി ഓസ്‌ട്രേലിയന്‍ എംപി പാര്‍ലമെന്റ് നടപടിക്കിടെ തന്റെ കുഞ്ഞിനെ മുലയൂട്ടി ചരിത്രം സൃഷ്ടിച്ചു.


സെനറ്ററായ മാരിസ്സ വാട്ടേഴ്‌സ് ആണ് പാര്‍ലമെന്റില്‍ വോട്ടെടുപ്പ് നടക്കുന്നതിടെ തന്റെ നവജാത ശിശുവിനെ മുലയൂട്ടിയത്. ഇടത്പക്ഷ ഗ്രീന്‍പാര്‍ട്ടി അംഗമാണ് വാട്ടേഴ്‌സ്.
രണ്ടാമത്തെ കുഞ്ഞിനെ പ്രസവിച്ച ശേഷം ആദ്യമായാണ് വാട്ടേഴ്‌സ് ചൊവ്വാഴ്ച പാര്‍ലമെന്റില്‍ എത്തിയത്. രണ്ടു മാസം പ്രായമുള്ള മകള്‍ അലിയ ജോയിയേയും വാട്ടേഴ്‌സ് കൊണ്ടുവന്നിരുന്നു. സഭയില്‍ വോട്ടെടുപ്പ് പുരോഗമിക്കുന്നതിനെ വിശന്നു കാറഞ്ഞ കുഞ്ഞിനു അവര്‍ പാലുകൊടുക്കുകയായിരുന്നു.


പാര്‍ലമെന്റില്‍ അംഗങ്ങള്‍ക്ക് മൂലയൂട്ടാനുള്ള അവകാശം കഴിഞ്ഞ വര്‍ഷമാണ് സെനറ്റ് അനുവദിച്ചുനല്‍കിയത്. ഇത് പിന്നീട് അധോസഭയും അംഗീകരിച്ചിരുന്നു. കുഞ്ഞിനെ മുലയൂട്ടാന്‍ പാര്‍ലമെന്റ് നടപടികളില്‍ നിന്ന് വിട്ടുനില്‍ക്കുന്നത് ഒഴിവാക്കാനാണ് ഇത്തരമൊരു തീരുമാനം എടുത്തത്. എന്നാല്‍ ഇതുവരെ രണ്ടു സഭകളിലും ആരും ഇതുവരെ അതിന് ധൈര്യപ്പെട്ടിരുന്നില്ല.

പാര്‍ലമെന്റില്‍ കൂടുതല്‍ അമ്മമാരും രക്ഷിതാക്കളും എത്തട്ടെയെന്നാണ് വാട്ടേഴ്‌സ് പിന്നീട് ഫേസ്ബുക്കില്‍ കുറിച്ചത്. പാര്‍ലമെന്റ് കൂടുതല്‍ കുടുംബ സൗഹാര്‍ദ്ദവും ശിശുസംരക്ഷണത്തിന് കഴിയുന്നതുമാകട്ടെയെന്നും അവര്‍ പറഞ്ഞു.
പാര്‍ലമെന്റിലെ മുന്‍ ചട്ടമനുസരിച്ച് കുട്ടികളെ കൊണ്ടുവരുന്നത് സാങ്കേതികമായി നിരോധിച്ചിരുന്നു.

  • ലൈംഗിക വിവാദത്തില്‍ കുടുങ്ങിയ ഓസ്‌ട്രേലിയന്‍ ഉപപ്രധാനമന്ത്രി രാജിവച്ചു
  • ഇമ്രാന്‍ ഖാന്‍ മൂന്നാമതും വിവാഹിതനായി: വധു ആത്മീയ ഉപദേശക
  • ഫ്ലോറിഡ വെടിവയ്പ്പില്‍ കുട്ടികള്‍ക്ക് രക്ഷകയായ ശാന്തിടീച്ചറിന് അഭിനന്ദന പ്രവാഹം
  • ഇന്ത്യ തിരയുമ്പോള്‍ മോദി ന്യൂയോര്‍ക്കിലെ ആഡംബര ഹോട്ടലില്‍ സുഖിക്കുന്നു
  • ഫ്ലോറിഡയില്‍ സ്കൂളില്‍ നിന്ന് പുറത്താക്കിയതിന്റെ ദേഷ്യം വിദ്യാര്‍ത്ഥി തീര്‍ത്തത് കുട്ടികളടക്കം 17 പേരെ വെടിവച്ചു കൊന്നു
  • മലയാളി വിദ്യാര്‍ത്ഥി കാനഡയില്‍ സര്‍ഫിങ് പരിശീലനത്തിനിടെ മരിച്ചു
  • 9.50ലക്ഷംയൂറോ ലോട്ടറിച്ചു: വെള്ളമടിക്കിടെ ടിക്കറ്റ് പോയി, 'നിര്‍ഭാഗ്യവാന്‍ ' ജീവനൊടുക്കി
  • താന്‍ സ്വര്‍ഗീയ ഭവനത്തിലേക്കുള്ള യാത്രയിലെന്ന് ബനഡിക്ട് മാര്‍പാപ്പ
  • രോഗിയായ കുഞ്ഞിനെ ചികിത്സിക്കാന്‍ തെരുവില്‍ മുലപ്പാല്‍ വില്‍ക്കുന്ന ഒരമ്മ
  • ഫിദല്‍ കാസ്‌ട്രോയുടെ മകന്‍ ഡയസ് ബല്ലാര്‍ട്ട് ജീവനൊടുക്കി
  •  
        © 2012 ukmalayalamnews.com All rights reserved. Powered by Phoenix Infoway