യു.കെ.വാര്‍ത്തകള്‍

യുകെയില്‍ പണപ്പെരുപ്പം നാലുവര്‍ഷത്തെ ഉയരത്തില്‍ ; വസ്ത്രങ്ങള്‍ , ഭക്ഷണം, ഇന്ധനം, വിമാനയാത്ര പൊള്ളും

ലണ്ടന്‍ : യുകെയിലെ ജീവിത ചെലവ് ഉയര്‍ത്തി പണപ്പെരുപ്പ നിരക്ക് നാലുവര്‍ഷത്തെ ഉയരത്തില്‍. 2.7 ശതമാനം എന്ന 2013 സെപ്റ്റംബറിന് ശേഷമുള്ള ഏറ്റവും ഉയര്‍ന്ന പണപ്പെരുപ്പ നിരക്ക് ആണിപ്പോള്‍ . മാര്‍ച്ചില്‍ ഇത് 2.3 ശതമാനം ആയിരുന്നു. പണപ്പെരുപ്പ നിരക്ക് രണ്ടു ശതമാനത്തില്‍ താഴെയാക്കാന്‍ ബാങ്ക് ഓഫ് ഇംഗ്ലണ്ട് പരിശ്രമിക്കുമ്പോള്‍ ആണ് നിരക്ക് മൂന്നു ശതമാനത്തിലേക്ക് നീങ്ങുന്നത്.


അവശ്യ സാധനങ്ങളുടെ വിപണിയിലെ വിലക്കയറ്റമാണ് ജനജീവിതത്തിന് തിരിച്ചടി സമ്മാനിക്കുന്നത്. തുണികള്‍ , ഭക്ഷണം, ഇന്ധനം, വിമാനയാത്ര എന്നിവയുടെ ചെലവ് കൂടി. ഈസ്റ്ററിനു ശേഷം വിമാന ടിക്കറ്റ് നിരക്ക് 18.6 ശതമാനം കൂടി. വസ്ത്രങ്ങള്‍ ആറു വര്‍ഷത്തെ ഉയര്‍ന്ന വിലയിലാണ് വില്‍പ്പന. മാര്‍ച്ചിനും ഏപ്രിലിനും ഇടയില്‍ 1.1 ശതമാനം വില വര്‍ധന രേഖപ്പെടുത്തി. പെട്രോള്‍, ഡീസല്‍ , ഗ്യാസ് എന്നിവയുടെ വിലയില്‍ കുറവ് വന്നിട്ടും ഭക്ഷണത്തിന്റെയും ഇലക്ട്രിസിറ്റിയുടെയും വില കൂടുകയാണ് ചെയ്തത്.

റീട്ടെയില്‍ പ്രൈസ് ഇന്‍ഡക്സ്( ആര്‍ പി ഐ ) മാര്‍ച്ചിലെ 3.1 ശതമാനത്തില്‍ നിന്ന് 3.5 ശതമാനമായി കഴിഞ്ഞമാസം കൂടി. ഓഫീസ് ഫോര്‍ നാഷണല്‍ സ്റ്റാറ്റിസ്റ്റിക്സ് റിപ്പോര്‍ട്ട് പ്രകാരം വീട്ടു ചെലവ് മാര്‍ച്ചിലെ 2.3 ശതമാനത്തില്‍ നിന്ന് ഒരു മാസം കൊണ്ട് 2.6 ശതമാനമായി കൂടി. പൗണ്ടിന്റെ ക്ഷീണവും പലിശ നിരക്ക് കൂടുന്നത് മൂലം ജീവിത ചെലവ് വര്‍ധിക്കും.


വരുമാനത്തിലെ കുറവും കുടുംബ ബജറ്റ് താളം തെറ്റിക്കുകയാണ്. വിലക്കയറ്റവും വരുമാന ഇടിവും നിമിത്തം ഉപഭോക്താക്കളുടെ വാങ്ങല്‍ ശക്തി ഈ വര്‍ഷം കുറയുമെന്ന് ബാങ്ക് ഓഫ് ഇംഗ്ലണ്ട് കഴിഞ്ഞയാഴ്ച മുന്നറിയിപ്പ് നല്‍കിയിരുന്നു. പണപ്പെരുപ്പ നിരക്ക് വര്‍ധിക്കുന്നതും വേതന ഇടിവും ആണ് ഈ സ്ഥിതി വിശേഷത്തിനു കാരണമെന്ന് ബാങ്ക് ഓഫ് ഇംഗ്ലണ്ട് ഗവര്‍ണര്‍ മാര്‍ക് കാര്‍ണി പറഞ്ഞിരുന്നു. വിലക്കയറ്റം മൂലം വാങ്ങലിനു കുടുംബങ്ങള്‍ ബുദ്ധിമുട്ടുമെന്നു അദ്ദേഹം പറഞ്ഞു. ഈ വര്‍ഷം സാമ്പത്തിക വളര്‍ച്ചാ നിരക്ക് രണ്ടു ശതമാനത്തില്‍ നിന്ന് 1.9 ശതമാനമായി കുറയും.

തിരഞ്ഞെടുപ്പ്, ബ്രക്‌സിറ്റ്‌ ,യൂറോപ്യന്‍ യൂണിയന്‍ നിലപാട് ഒക്കെ യുകെയിലെ സാമ്പത്തിക രംഗത്തു നിര്‍ണായകമാണ്.

  • ജിപിയെ കാണാന്‍ ഒരു മണിക്കൂര്‍ കാത്തിരുന്ന മൂന്നുവയസുകാരന്‍ മരിച്ചു; ഡോക്ടര്‍മാര്‍ എന്‍എച്ച്എസ് വിടുന്നതിന്റെ ഫലം
  • ലണ്ടനിലെ എപ്പിംഗില്‍ ബ്ലഡ് കാന്‍സര്‍ ബാധിതനായ മലയാളി മരിച്ചു, പൊതുദര്‍ശനം ശനിയാഴ്ച
  • എല്‍ദോസിന് ഹെയില്‍ഷാമില്‍ മലയാളികള്‍ കണ്ണീരോടെ വിട നല്‍കി, സംസ്കാരം വ്യാഴാഴ്ച നാട്ടില്‍
  • ബ്രിട്ടനെതിരെ ഇന്ത്യയ്ക്ക് നാടകീയ ജയം; ദല്‍വീര്‍ ഭണ്ഡാരി രാജ്യാന്തര കോടതി ജഡ്ജി
  • വിമാനത്തിന്റെ മുന്‍സീറ്റിലിരുന്ന സ്ത്രീയെ കയറിപ്പിടിച്ച ഇന്ത്യന്‍ യുവാവ് കുടുങ്ങി
  • അമ്മയെക്കുറിച്ച് വാചാലയായി,ഇന്ത്യയുടെ മാനുഷിക്ക് ലോകസുന്ദരി പട്ടം
  • ഈസ്റ്റ് ബോണില്‍ അന്തരിച്ച പെരുമ്പാവൂര്‍ സ്വദേശി എല്‍ദോസിന്റെ പൊതുദര്‍ശനം തിങ്കളാഴ്ച
  • ലണ്ടന്‍ വാട്ടര്‍ലൂ സ്റ്റേഷനില്‍ യാത്രക്കാരിക്കു സുഖ പ്രസവം, പ്രസവമെടുത്തത് ജീവനക്കാര്‍ , കുട്ടി റെക്കോഡിനുടമ
  • ബക്കിങ്ങ്ഹാംഷയറിനടുത്ത് വിമാനവും ഹെലികോപ്റ്ററും കൂട്ടിയിടിച്ചു; നാല് പേര്‍ മരിച്ചു
  • ബജറ്റില്‍ ഹൗസിംഗ്, എന്‍എച്ച്എസ് മേഖലകളില്‍ കൂടുതല്‍ പണം മാറ്റിവയ്ക്കാനൊരുങ്ങി ചാന്‍സലര്‍ ,ബോട്ടിലിനും കോഫി കപ്പിനും വിലകൂടാം
  •  
        © 2012 ukmalayalamnews.com All rights reserved. Powered by Phoenix Infoway