നാട്ടുവാര്‍ത്തകള്‍

ജയ്‌പുരില്‍ മലയാളി എഞ്ചിനീയറെ ഭാര്യവീട്ടുകാര്‍ വെടിവച്ചുകൊന്നു; ദുരഭിമാന കൊലയെന്ന് സൂചന

ജയ്‌പുര്‍/പത്തനംതിട്ട: രാജസ്‌ഥാനിലെ ജയ്‌പുരില്‍ പത്തനംതിട്ട സ്വദേശിയായ എഞ്ചിനീയറെ ഭാര്യയുടെ ബന്ധുക്കള്‍ വെടിവച്ചുകൊന്നു. പത്തനംതിട്ട അടൂര്‍ മണ്ണടി മീലാനാഴികത്തു വടക്കേക്കര പുത്തന്‍വീട്ടില്‍ പരേതനായ സോമന്‍പിള്ളയുടെയും ശ്രീദേവിയുടെയും മകന്‍ അമിത്‌ നായരാണു (31) കൊല്ലപ്പെട്ടത്‌. ഭാര്യവീട്ടുകാരുടെ എതിര്‍പ്പ്‌ മറികടന്നായിരുന്നു മമത ചൗധരിയെ അമിത്‌ വിവാഹം ചെയ്‌തത്‌. രണ്ടുവര്‍ഷം മുന്‍പ്‌ കൊട്ടാരക്കരയില്‍ വച്ചായിരുന്നു വിവാഹം. കഴിഞ്ഞ ദിവസം മമതയെ ബലമായി കൂട്ടിക്കൊണ്ടുപോകാന്‍ ബന്ധുക്കള്‍ ശ്രമിച്ചെങ്കിലും സമീപവാസികള്‍ ചേര്‍ന്നു തടയുകയായിരുന്നു. ബുധനാഴ്ച രാവിലെയെത്തിയ ബന്ധുക്കള്‍ വീട്ടില്‍കയറി അമിതിനെ വെടിവച്ചു കൊല്ലുകയായിരുന്നു.
അഞ്ചു മാസം ഗര്‍ഭിണിയായ മകളെ കാണാന്‍ എത്തുമെന്ന് മാതാപിതാക്കള്‍ നേരത്തേ അറിയിച്ചത് അനുസരിച്ച് അമിതും ഭാര്യയും വീട്ടില്‍ കാത്തിരിക്കുകയായിരുന്നു. എന്നാല്‍ മാതാപിതാക്കള്‍ക്ക് ഒപ്പം മറ്റ് നാലു പേര്‍ കൂടി എത്തുകയും ഇന്നലെ രാവിലെ വീട്ടിനുള്ളില്‍ വെച്ച് തന്നെ അമിതിനെ സംഘം വെടിവെച്ചു കൊല്ലുകയുമായിരുന്നു.

അതിന് ശേഷം മമതാ ചൗധരിയെ ബലമായി പിടിച്ചുകൊണ്ടുപോകാന്‍ സംഘം ശ്രമിച്ചെങ്കിലും ബഹളം കേട്ടെത്തിയ നാട്ടുകാര്‍ ഇടപെട്ട് അത് തടഞ്ഞു. നാട്ടുകാര്‍ക്ക് നേരെ തോക്കു ചൂണ്ടി ഭീകരാന്തരീക്ഷം സൃഷ്ടിച്ച ശേഷം സംഘം രക്ഷപ്പെടുകയും ചെയ്തു. സംഭവത്തില്‍ മമതയുടെ സഹോദരന്‍ അറസ്റ്റിലായിട്ടുണ്ട്. മറ്റുള്ളവര്‍ക്ക് വേണ്ടി പോലീസ് തെരച്ചിലിലാണ്.തങ്ങളുടെ ഇഷ്ടത്തിന് എതിരായി വിവാഹം കഴിച്ചതാകാം കൊലപാതകത്തിന് കാരണമെന്നാണ് പ്രാഥമിക നിഗമനം.

അമിതിന്റെ മാതാപിതാക്കള്‍ 40 വര്‍ഷമായി ജയ്‌പൂരിലായിരുന്നു. പിതാവ്‌ സോമന്‍പിള്ള കോണ്‍ട്രാക്‌ടറായിരുന്നു. ശ്രീദേവി നഴ്‌സും. സഹോദരി: സ്‌മിത.

  • പ്രവാസികളുടെ മൃതദേഹം നാട്ടിലെത്തിക്കുന്നതിനുള്ള വിവാദസര്‍ക്കുലര്‍ ഹൈക്കോടതി സ്‌റ്റേ ചെയ്തു
  • ദിലീപ് ഇതിലും വലിയ ക്വട്ടേഷന്‍ നടത്താന്‍ ഉദ്ദേശിച്ച വ്യക്തി ; സംയുക്ത, ഗീതു മോഹന്‍ദാസ് എന്നിവര്‍ക്കെതിരെ ആക്രമണം നടന്നേനെ- ലിബര്‍ട്ടി ബഷീര്‍
  • വിന്‍സെന്റ് എംഎല്‍എക്കു സബ്ജയിലില്‍ പതിമൂന്നാം സെല്‍; കൂടെ മൂന്നു തടവുകാരും; ആദ്യ സന്ദര്‍ശകന്‍ മുരളീധരന്‍
  • നടിക്കെതിരെ നടന്നത് ക്രൂരമായ കുറ്റകൃത്യം: ദിലീപിനെതിരെ പ്രഥമദൃഷ്ട്യ തെളിവുണ്ടെന്ന്‌ കോടതി
  • ദിലീപിന്റെ ജയില്‍വാസം തുടരും; ഹൈക്കോടതിയിലും ജാമ്യമില്ല
  • എം. വിന്‍സെന്റിന് പിന്തുണയുമായി ഭാര്യ; പീഡനക്കാര്യം യുവതി പറഞ്ഞില്ലെന്ന് വികാരി
  • നടി ആക്രമിക്കപ്പെട്ടതിന് പിന്നാലെ അക്കൗണ്ടിലേക്ക് വന്‍ തുക ; ദിലീപിന്റെ സുഹൃത്തായ നടിയെ ചോദ്യം ചെയ്യും
  • വിന്‍സെന്റിന്റെ രാജി ആവശ്യപ്പെട്ട് കോണ്‍ഗ്രസ് വനിതാനേതാക്കള്‍ ; സ്ത്രീവിഷയത്തില്‍ കുരുങ്ങി വീണ്ടും കോവളം
  • മാധ്യമപ്രവര്‍ത്തകര്‍ക്ക് അഭിഭാഷകര്‍ ആണ്ടുബലിയിട്ടു; 'ചിതാഭസ്മം' അഴുക്കുചാലിലൊഴുക്കി
  • വീട്ടമ്മയെ പീഡിപ്പിച്ച കേസ്; കോവളം എം.എല്‍.എ എം.വിന്‍സെന്റ് അറസ്റ്റില്‍
  •  
        © 2012 ukmalayalamnews.com All rights reserved. Powered by Phoenix Infoway