ചരമം

കേന്ദ്ര വനം, പരിസ്ഥിതി മന്ത്രി അനില്‍ മാധവ് ദവെ അന്തരിച്ചു

ഡല്‍ഹി: : കേന്ദ്ര പരിസ്ഥിതി, വനം വകുപ്പ് മന്ത്രി അനില്‍ മാധവ് ദവെ (60) അന്തരിച്ചു. അര്‍ബുദ ബാധയെത്തുടര്‍ന്ന് ദീര്‍ഘകാലമായി ചികില്‍സയിലായിരുന്നു അദ്ദേഹം. ചികില്‍സയെ തുടര്‍ന്ന് പാര്‍ലമെന്റ് സമ്മേളനത്തില്‍ വളരെ കുറച്ചുനാളുകളെ അദ്ദേഹം സഭയില്‍ സന്നിഹിതനായിരുന്നുള്ളൂ.

മധ്യപ്രദേശില്‍ നിന്നുള്ള രാജ്യസഭാംഗമാണ് അനില്‍ മാധവ് ദവെ. നര്‍മ്മദാ നദീ സംരക്ഷണ പ്രവര്‍ത്തനങ്ങളിലൂടെയാണ് അനില്‍ മാധവ് ദവെ ശ്രദ്ധേയനാകുന്നത്. വിവിധ പരിസ്ഥിതി സമിതികളില്‍ അംഗമായിരുന്നു അദ്ദേഹം.

2016 ജൂലൈ ആറിനാണ് കേന്ദ്ര വനം പരിസ്ഥിതി വകുപ്പുകളുടെ സ്വതന്ത്ര ചുമതലയുള്ള മന്ത്രിയായി അനില്‍ മാധവ് ദവെ ചുമതലയേല്‍ക്കുന്നത്. കേന്ദ്രമന്ത്രിയായിരുന്ന പ്രകാശ് ജാവ്ദേക്കറിനെ മാനവവിഭവ മന്ത്രാലയത്തിന്റെ ചുമതലയിലേക്ക് മാറ്റിയതിനെ തുടര്‍ന്നാണ് പരിസ്ഥിതി പ്രശ്നങ്ങളില്‍ സജീവസാന്നിധ്യമായിരുന്ന അനില്‍ ദവെയെ പരിസ്ഥിതി മന്ത്രാലയത്തിന്റെ ചുമതലയിലേയ്ക്ക് നിയോഗിക്കപ്പെട്ടത്.

1956 ജൂലൈ ആറിന് മധ്യപ്രദേശിലെ ഉജ്ജയിനിയിലായിരുന്നു അനില്‍ മാധവ് ദവെയുടെ ജനനം. ആര്‍എസ്എസ് പ്രവര്‍ത്തകനായാണ് അനില്‍ മാധവ് ദവെ പൊതുപ്രവര്‍ത്തനരംഗത്ത് കടന്നുവരുന്നത്. 2009 മുതല്‍ മധ്യപ്രദേശില്‍ നിന്നുള്ള രാജ്യസഭാംഗമായിരുന്നു. അവിവാഹിതനാണ്.
വന്‍കിട അണക്കെട്ടുകള്‍ പണിയുന്നതിനെ എതിര്‍ത്തിരുന്ന അനില്‍ മാധവ് ദവെ,പ്രകൃതി ദത്ത കൃഷി രീതിയെ പിന്തുണച്ചിരുന്ന വ്യക്തി കൂടിയാണ്. കഴിഞ്ഞ ദിവസം ജനിതകമാറ്റം വരുത്തിയ കടുക് വാണിജ്യാടിസ്ഥാനത്തില്‍ കൃഷി ചെയ്യുന്ന വിഷയത്തില്‍ കേന്ദ്ര പരിസ്ഥിതി മന്ത്രാലയത്തില്‍ നടന്ന ചര്‍ച്ചകളില്‍ അദ്ദേഹം സംബന്ധിച്ചിരുന്നു.
പശ്ചിമഘട്ട സംരക്ഷണം, ആറന്മുള, മൂന്നാര്‍ തുടങ്ങിയ കേരളവുമായി ബന്ധപ്പെട്ട വിഷയങ്ങളും കേന്ദ്രമന്ത്രിയുടെ പരിഗണനയിലായിരുന്നു.
കേന്ദ്രമന്ത്രി അനില്‍ മാധവ് ദവെയുടെ ആകസ്മിക വിയോഗം തീരാനഷ്ടമാണെന്ന് പ്രധാനമന്ത്രി നരേന്ദ്രമോദി അനുശോചിച്ചു.

  • ഹിസ്ബുള്‍ കമാന്‍ഡര്‍ സബ്‌സര്‍ ഭട്ടിനെ സൈന്യം വധിച്ചു
  • ആലപ്പുഴയില്‍ സ്‌കൂട്ടറില്‍ സഞ്ചരിച്ച സഹോദരിമാര്‍ കാര്‍ ഇടിച്ചു മരിച്ചു
  • അമേരിക്കയില്‍ കാണാതായ ഇന്ത്യന്‍ വിദ്യാര്‍ത്ഥി മരിച്ചനിലയില്‍
  • യുവതിയെ കഴുത്തില്‍ ഷാള്‍ കുരുക്കി കൊലപ്പെടുത്തിയ നിലയില്‍ കണ്ടെത്തി; ഒരാള്‍ കസ്റ്റഡിയില്‍
  • സി.പി.എം നേതാവും കുടുംബവും സഞ്ചരിച്ച കാര്‍ അപകടത്തില്‍പ്പെട്ടു; മകന്‍ മരിച്ചു
  • യു കെ മലയാളികളുടെ അമ്മ നിര്യാതയായി
  • ലണ്ടനില്‍ നിര്യാതനായ യുകെ മലയാളിയുടെ പിതാവിന്റെ സംസ്കാരം ഞായറാഴ്ച
  • ഫാ.ഗബ്രിയേല്‍ ചിറമ്മേല്‍ അന്തരിച്ചു
  • ഇന്‍ഫോപാര്‍ക്കിലെ യുവ എഞ്ചിനീയര്‍മാര്‍ കുളമാവില്‍ പടുതാക്കുളത്തില്‍ മുങ്ങിമരിച്ചു
  • ആലപ്പുഴയില്‍ ഗുണ്ടാ ആക്രമണത്തില്‍ ഒരാള്‍ കൊല്ലപ്പെട്ടു
  •  
        © 2012 ukmalayalamnews.com All rights reserved. Powered by Phoenix Infoway