യു.കെ.വാര്‍ത്തകള്‍

ഫ്രീസറില്‍ 9 ജഡങ്ങളെന്നും മനുഷ്യമാംസം വിളമ്പിയെന്നും വ്യാജ വാര്‍ത്ത; ലണ്ടനിലെ ഇന്ത്യന്‍ ഭക്ഷണശാല അടച്ചുപൂട്ടല്‍ ഭീഷണിയില്‍

ലണ്ടന്‍ : മികച്ച നിലയില്‍ പ്രവര്‍ത്തിച്ചു വരുന്ന ലണ്ടനിലെ ഇന്ത്യന്‍ ഭക്ഷണശാലക്കെതിരെ വ്യാജവാര്‍ത്ത. പിന്നാലെ ഇത് ഫേസ്ബുക്കിലും പ്രത്യക്ഷപ്പെട്ടു. ഇതോടെ വടക്കുകിഴക്കന്‍ ലണ്ടനിലെ 'കറിട്വിസ്റ്റ്' ഭക്ഷണശാല പ്രതിസന്ധിയിലായി. വ്യാജവാര്‍ത്ത പ്രചരിച്ചതോടെ കട അടിച്ചുതകര്‍ക്കുമെന്ന് ഭീഷണി ഉയര്‍ന്നതോടെ പൊലീസിനെ വിളിക്കേണ്ടിവന്നതായി ഭക്ഷണശാലയുടെ ഉടമ ഷിന്റ ബീഗം അറിയിച്ചു. വില്‍പ്പനയും കുത്തനെ കുറഞ്ഞു.


വ്യാജവാര്‍ത്തകള്‍ മാത്രം നല്‍കുന്ന ഒരു സൈറ്റില്‍നിന്നുള്ള വാര്‍ത്ത യഥാര്‍ഥമെന്ന രീതിയില്‍ ഫെയ്‌സ് ബുക്കില്‍ പ്രചരിപ്പിക്കുകയായിരുന്നു. ഹോട്ടലിന്റെ ഫ്രീസറില്‍ ഒമ്പതു മനുഷ്യ ജഡങ്ങള്‍ സൂക്ഷിച്ചിട്ടുണ്ട് എന്നും ഹോട്ടലുടമയെ അറസ്റ്റു ചെയ്തെന്നു മൊക്കെ വ്യാജ വാര്‍ത്ത ഉദ്ധരിച്ചു ഫേസ്ബുക്കിലൂടെ പ്രചരിച്ചു. പോലീസ് റെയ്ഡ് നടന്നെന്നും ഉടമയെ കസ്റ്റഡിയിലെടുത്തു എന്നും വാര്‍ത്ത പരന്നു. ധാരാളം കുടുംബങ്ങള്‍ വന്നു പോകുന്ന ഹോട്ടലായിരുന്നു ഇത്. വ്യാജ വാര്‍ത്ത വിശ്വസിച്ചു ആളുകള്‍ ഗണ്യമായി കുറഞ്ഞു. അറുപതു വര്‍ഷമായി ഷിന്റ ബീഗത്തിന്റെ കുടുംബം നടത്തി വരുന്ന ഹോട്ടലാണിത്.


അക്ഷരത്തെറ്റുകളും വ്യാകരണപ്പിശകുകളും നിറഞ്ഞ വ്യാജവാര്‍ത്തയെങ്കിലും പലരും അതു വിശ്വസിച്ചു. കടയില്‍ തിരക്കു കുറഞ്ഞതോടെ ജോലിക്കാരെയും കുറച്ചതായി കടയുടമ പറഞ്ഞു. അടച്ചു പൂട്ടലിന്റെ വക്കിലാണ് കട. വ്യാജമെങ്കിലും ഇന്ത്യൻ ഭക്ഷണശാലക്കെതിരെയുള്ള വാര്‍ത്തയായതിനാല്‍ ഞൊടിയിടകൊണ്ടു അത് പ്രചരിച്ചു.

  • എന്‍എച്ച്എസ് ജീവനക്കാര്‍ വരെ പാക്കിസ്ഥാനില്‍ നിന്നും വ്യാജഡിഗ്രികള്‍ വാങ്ങുന്നു
  • പ്ലാസ്റ്റിക് നിരോധനം നടപ്പാക്കുന്ന ലോകത്തെ ആദ്യ സൂപ്പര്‍മാര്‍ക്കറ്റ് ചെയിനായി ഐസ്‌ലാന്റ്; ഇനി എല്ലാം പേപ്പര്‍
  • ബ്രിട്ടന് പഴയ സ്നേഹമില്ലെന്ന് ട്രംപ്; സന്ദര്‍ശനം റദ്ദാക്കാന്‍ വിചിത്ര കാരണം നിരത്തി വൈറ്റ് ഹൗസ്
  • അനധികൃത കുടിയേറ്റം തടയാനും രഹസ്യ വിവരം കൈമാറാനും ഇന്ത്യ-ബ്രിട്ടന്‍ ധാരണ
  • കുഞ്ഞുങ്ങളെ പീഡിപ്പിക്കുന്നത് മൃഗപീഡനം പോലെയെന്ന് യുകെഐപി നേതാവിന്റെ കാമുകി; നേതാവിന്റെ രാജിക്കായി മുറവിളി
  • മാതാപിതാക്കളെ കൊല്ലാന്‍ ബോംബ് വാങ്ങിയ ഇന്ത്യക്കാരനായ എ ലെവല്‍ വിദ്യാര്‍ത്ഥിക്ക് ജയില്‍
  • ഗാര്‍ഹിക പീഡനം: മാഞ്ചസ്റ്ററിലെ മലയാളിക്ക് ഭാര്യയെ കാണുന്നതിനും വിളിക്കുന്നതിനും വിലക്ക്; മക്കളെ കാണുന്നതിനും നിയന്ത്രണം
  • വിന്റര്‍ ക്രൈസിസ്: ആശുപത്രി ഇടനാഴികളില്‍ രോഗികള്‍ മരിച്ചുകൊണ്ടിരിക്കുന്നു! പ്രധാനമന്ത്രിക്ക് ഡോക്ടര്‍മാരുടെ മുന്നറിയിപ്പ്
  • ട്രംപിന്റെ അടുത്തമാസത്തെ യുകെ സന്ദര്‍ശനം ഉപേക്ഷിച്ചു; ലണ്ടനിലെ യു എസ് എംബസി ഉദ്ഘാടനത്തിനുമില്ല
  • പുരുഷ രോഗിക്ക് പീഡനം; ലെസ്റ്ററില്‍ ഇന്ത്യന്‍ ഡോക്ടര്‍ക്കെതിരെ പരാതി
  •  
        © 2012 ukmalayalamnews.com All rights reserved. Powered by Phoenix Infoway