വിദേശം

യുഎസ് എയര്‍പോര്‍ട്ടില്‍ പോലീസ് കസ്റ്റഡിയിലെടുത്ത ഇന്ത്യക്കാരന്‍ മരിച്ചു

ന്യുയോര്‍ക്ക്: മതിയായ രേഖകള്‍ ഇല്ലാതെ യാത്ര ചെയ്‌തെന്ന പേരില്‍ അമേരിക്കയിലെ വിമാനത്താവളത്തില്‍ നിന്നും പിടിയിലായ ഇന്ത്യക്കാരന്‍ പോലീസ് കസ്റ്റഡിയില്‍ മരിച്ചു. അതുല്‍ കുമാര്‍ ബാബുഭായ് പട്ടേല്‍ (58) ആണ് ചൊവ്വാഴ്ച അറ്റ്‌ലാന്റയിലെ ആശുപത്രിയില്‍ മരണമടഞ്ഞത്.

കഴിഞ്ഞയാഴ്ചയാണ് അതുല്‍ കുമാറിനെ ജോര്‍ജിയ സ്‌റ്റേറ്റിലെ അറ്റ്‌ലാന്റയിലുള്ള ജാക്‌സണ്‍ന്‍ ഇന്റര്‍നാഷണല്‍ വിമാനത്താവളത്തില്‍ നിന്ന് ഇമിഗ്രേഷന്‍ ആന്റ് കസ്റ്റംഡ് എന്‍ഫോഴ്‌സ്‌മെന്റ് കസ്റ്റഡിയില്‍ എടുത്തത്. രണ്ടു ദിവസത്തേക്ക് ഇയാളെ അറ്റ്‌ലാന്റ് സിറ്റി ഡിറ്റെന്‍ഷന്‍ സെന്ററിലാക്കിയിരുന്നു. ചൊവ്വാഴ്ച ഉച്ചകഴിഞ്ഞാണ് അതുല്‍ കുമാര്‍ മരണമടഞ്ഞത്. ഹൃദയസംബന്ധമായ അസുഖമാണ് മരണകാരണമെന്ന് അധികൃതര്‍ വ്യക്തമാക്കി.


ഇക്വഡോറില്‍ നിന്ന് ഈ മാസം 10നാണ് അതുല്‍ കുമാര്‍ അറ്റ്‌ലാന്റ വിമാനത്താവളത്തില്‍ എത്തിയത്. മതിയായ ഇമിഗ്രേഷന്‍ രേഖകള്‍ ഇല്ലാത്തതിന്റെ പേരില്‍ രാജ്യത്ത് പ്രവേശിക്കാന്‍ അതുല്‍ കുമാറിനെ് യു.എസ് കസ്റ്റംസ് ആന്റ് ബോര്‍ഡര്‍ പ്രൊട്ടക്ഷന്‍ വിഭാഗം അനുവദിച്ചില്ല. തുടര്‍ന്ന് ഇമിഗ്രേഷന്‍ ആന്റ് കസ്റ്റംസ് എന്‍ഫോഴ്‌സ്‌മെന്റിന്റെ കസ്റ്റഡിയില്‍ വിടുകയായിരുന്നു. ഇവിടെ നടത്തിയ വൈദ്യ പരിശോധനയില്‍ അതുലിന് അമിത രക്ത സമ്മര്‍ദ്ദവും കടുത്ത പ്രമേഹവും ഉണ്ടെന്ന് കണ്ടെത്തിയിരുന്നു.


രണ്ടു ദിവസത്തെ കസ്റ്റഡിക്കു ശേഷം ശനിയാഴ്ച നടത്തിയ വൈദ്യ പരിശോധനയില്‍ അതുലിന് ശ്വാസതടസ്സമുണ്ടെന്ന് കണ്ടെത്തിയതോടെ ആശുപത്രിയിലേക്ക് മാറ്റുകയായിരുന്നു. ചൊവ്വാഴ്ച ഉച്ചകഴിഞ്ഞ് അതുല്‍ മരണമടയുകയും ചെയ്തു. മരണവിവരം ഇന്ത്യന്‍ എംബസി വഴി അതുലിന്റെ ബന്ധുക്കളെ അറിയിച്ചതായും അധികൃതര്‍ വ്യക്തമാക്കി.


ഈ വര്‍ഷം ഇമിഗ്രേഷന്‍ ആന്റ് കസ്റ്റംസ് എന്‍ഫോഴ്‌സ്‌മെന്റിന്റെ കസ്റ്റഡിയില്‍ മരിക്കുന്ന എട്ടാമത്തെയാളാണ് അതുല്‍ കുമാര്‍ .

  • കശ്മീര്‍ ഇന്ത്യയുടെ ഭാഗമാണ്; അങ്ങനെ ആയിരിക്കുകയും ചെയ്യും; നിങ്ങള്‍ ടെററിസ്ഥാനാണ്; പാക് പ്രധാനമന്ത്രിക്കു യു.എന്നില്‍ ചുട്ട മറുപടിയുമായിഇന്ത്യ
  • മെക്‌സിക്കോയെ നടുക്കി ഭൂചലനം: മരണം 250 കവിഞ്ഞു, കെട്ടിടങ്ങള്‍ നിലംപൊത്തി
  • ലണ്ടന്‍ ഭീകരാക്രമണത്തിന്റെ പശ്ചാത്തലത്തില്‍ യാത്രാവിലക്ക് ശക്തമാക്കാന്‍ ട്രംപ് ഭരണകൂടം
  • ഭീഷണിയ്ക്കു പിന്നാലെ ഉത്തര കൊറിയയുടെ മിസൈല്‍ ജപ്പാന്റെ തലയ്ക്ക് മീതെ വീണ്ടും പറന്നു
  • ജപ്പാനെ കടലില്‍ മുക്കും; അമേരിക്കയെ ഭസ്മമാക്കും: പ്രകോപനവുമായി വീണ്ടും ഉത്തര കൊറിയ
  • ദാവൂദ് ഇബ്രാഹിമിന്റെ 670 കോടിയുടെ സ്വത്തുക്കള്‍ ബ്രിട്ടണ്‍ കണ്ടുകെട്ടി
  • ഫ്‌ളോറിഡയില്‍ സംഹാര രൂപം പൂണ്ട് 'ഇര്‍മ'; നാല് മരണം; 63 ലക്ഷം പേരോട് ഒഴിഞ്ഞുപോകാന്‍ നിര്‍ദ്ദേശം
  • വാഹനത്തില്‍ തലയിടിച്ചു മാര്‍പാപ്പയ്ക്ക് പരിക്ക്; തനിക്കൊരു 'ഇടി കിട്ടി'യെന്ന് പാപ്പാ
  • കുടിയേറ്റ നിയമം കര്‍ശനമാക്കി ട്രംപ്; ഇന്ത്യക്കാരുടെ ഭാവി തുലാസില്‍ , ക്രൂരമായ തീരുമാനമെന്ന് ഒബാമ
  • 'മിനി ഇന്ത്യ'യായ സിംഗപ്പൂരില്‍ ഇന്ത്യക്കാരന്‍ പ്രസിഡന്റ്
  •  
        © 2012 ukmalayalamnews.com All rights reserved. Powered by Phoenix Infoway