യു.കെ.വാര്‍ത്തകള്‍

യുകെയിലെ ആദ്യ ഡിജിറ്റല്‍ എയര്‍ ട്രാഫിക് കണ്‍ട്രോള്‍ സിസ്റ്റം ലണ്ടനില്‍ ; ലാന്‍ഡിങ്ങും ടേക്ക് ഓഫും ഈസി

ലണ്ടന്‍ : യുകെയിലും ഇതാദ്യമായി ഡിജിറ്റല്‍ എയര്‍ ട്രാഫിക് കണ്‍ട്രോള്‍ സിസ്റ്റം. രാജ്യത്തെ ആദ്യ ഡിജിറ്റല്‍ എയര്‍ ട്രാഫിക് കണ്‍ട്രോള്‍ സംവിധാനം ലണ്ടന്‍ സിറ്റി വിമാനത്താവളത്തില്‍ യാഥാര്‍ഥ്യമാകും. പരമ്പരാഗത എയര്‍ട്രാഫിക്ക് കണ്‍ട്രോളര്‍മാര്‍ക്ക് പകരം റിമോട്ട് ഓപ്പറേറ്റഡ് ഡിജിറ്റല്‍ സിസ്റ്റം ആയിരിക്കും. ഇതോടെ വിമാനങ്ങളുടെ ലാന്‍ഡിങ്ങും ടേക്ക് ഓഫും കൂടുതല്‍ കാര്യക്ഷമമാകും.

പുതിയ സംവിധാനം വഴി 80 മൈല്‍ അകലെ നിന്നു വരെ വിമാനങ്ങള്‍ വരുന്നത് കാണാന്‍ സാധിക്കും. എച്ച്ഡി ക്യാമറകള്‍ വഴിയാണ് ഈ സംവിധാനം സാധ്യമാകുന്നത്. 2018 ഓടെ പൂര്‍ണമായും ഈ സംവിധാനം നിലവില്‍ വരും. 2019 ഓടെ പൂര്‍ണ്ണ സജ്ജമാകും. ഇപ്പോള്‍ ഓസ്‌ട്രേലിയ, സ്വീഡന്‍, നോര്‍വേ, അയര്‍ലന്‍ഡ് എന്നിവിടങ്ങളിലാണ് ഡിജിറ്റല്‍ എയര്‍ ട്രാഫിക് കണ്‍ട്രോള്‍ സിസ്റ്റം നിലവിലുള്ളത്.


ടവറുകളില്‍ ഇരുന്ന് ചുറ്റുപാടും നിരീക്ഷിക്കുന്നതിനെക്കാള്‍ കാര്യക്ഷമമാണ് പുതിയ സംവിധാനം. 14 എച്ച്ഡി ക്യാമറകളാകും പുതുതായി സ്ഥാപിക്കുക. പുതിയ സംവിധാനം നിലവില്‍ വരുന്നതോടെ 2019 ല്‍ പഴയ ടവര്‍ ഡീ കമ്മിഷന്‍ ചെയ്യും. ഇപ്പോഴത്തെ ടവറിന് 104 അടിയാണ് ഉയരം. പുതിയ ഡിജിറ്റല്‍ ടവറിന് 164 അടി ഉയരമുണ്ടാവും. സൈബര്‍ ആക്രമണങ്ങളില്‍ നിന്ന് പൂര്‍ണമായും രക്ഷനേടാന്‍ ഈ സംവിധാനത്തിന് സാധിക്കുമെന്ന് ലണ്ടന്‍ സിറ്റി എയര്‍പോര്‍ട്ട് ചീഫ് എക്‌സിക്യൂട്ടീവായ ഡെക്ലാന്‍ കോലിയര്‍ പറയുന്നു.


സ്വീഡിഷ് ഡിഫെന്‍സ് ആന്‍ഡ് സെക്യൂരിറ്റി കമ്പനിയായ സാബാണീ സാങ്കേതിക വിദ്യ വികസിപ്പിച്ചെടുത്തിരിക്കുന്നത്. 350 മില്യണ്‍ പൗണ്ട് മുടക്കിയുള്ള ലണ്ടന്‍ സിറ്റി എയര്‍പോര്‍ട്ട് ഡെവലപ്‌മെന്റ് പ്രോഗ്രാമിന്റെ ഭാഗമായി ഈ ടെക്‌നോളജി നടപ്പാക്കാന്‍ തീരുമാനിക്കുകയായിരുന്നു.

2025 ഓടെ ലണ്ടന്‍ സിറ്റി എയര്‍പോര്‍ട്ട് വഴി രണ്ടു മില്യണ്‍ യാത്രക്കാര്‍ പോകുമെന്നാണ് റിപ്പോര്‍ട്ട്. ഒരു ടെര്‍മിനല്‍ ബില്‍ഡിംഗ് കൂടി ഇവിടെ അധികമായി നിര്‍മിക്കുന്നുണ്ട്.

  • എന്‍എച്ച്എസ് ജീവനക്കാര്‍ വരെ പാക്കിസ്ഥാനില്‍ നിന്നും വ്യാജഡിഗ്രികള്‍ വാങ്ങുന്നു
  • പ്ലാസ്റ്റിക് നിരോധനം നടപ്പാക്കുന്ന ലോകത്തെ ആദ്യ സൂപ്പര്‍മാര്‍ക്കറ്റ് ചെയിനായി ഐസ്‌ലാന്റ്; ഇനി എല്ലാം പേപ്പര്‍
  • ബ്രിട്ടന് പഴയ സ്നേഹമില്ലെന്ന് ട്രംപ്; സന്ദര്‍ശനം റദ്ദാക്കാന്‍ വിചിത്ര കാരണം നിരത്തി വൈറ്റ് ഹൗസ്
  • അനധികൃത കുടിയേറ്റം തടയാനും രഹസ്യ വിവരം കൈമാറാനും ഇന്ത്യ-ബ്രിട്ടന്‍ ധാരണ
  • കുഞ്ഞുങ്ങളെ പീഡിപ്പിക്കുന്നത് മൃഗപീഡനം പോലെയെന്ന് യുകെഐപി നേതാവിന്റെ കാമുകി; നേതാവിന്റെ രാജിക്കായി മുറവിളി
  • മാതാപിതാക്കളെ കൊല്ലാന്‍ ബോംബ് വാങ്ങിയ ഇന്ത്യക്കാരനായ എ ലെവല്‍ വിദ്യാര്‍ത്ഥിക്ക് ജയില്‍
  • ഗാര്‍ഹിക പീഡനം: മാഞ്ചസ്റ്ററിലെ മലയാളിക്ക് ഭാര്യയെ കാണുന്നതിനും വിളിക്കുന്നതിനും വിലക്ക്; മക്കളെ കാണുന്നതിനും നിയന്ത്രണം
  • വിന്റര്‍ ക്രൈസിസ്: ആശുപത്രി ഇടനാഴികളില്‍ രോഗികള്‍ മരിച്ചുകൊണ്ടിരിക്കുന്നു! പ്രധാനമന്ത്രിക്ക് ഡോക്ടര്‍മാരുടെ മുന്നറിയിപ്പ്
  • ട്രംപിന്റെ അടുത്തമാസത്തെ യുകെ സന്ദര്‍ശനം ഉപേക്ഷിച്ചു; ലണ്ടനിലെ യു എസ് എംബസി ഉദ്ഘാടനത്തിനുമില്ല
  • പുരുഷ രോഗിക്ക് പീഡനം; ലെസ്റ്ററില്‍ ഇന്ത്യന്‍ ഡോക്ടര്‍ക്കെതിരെ പരാതി
  •  
        © 2012 ukmalayalamnews.com All rights reserved. Powered by Phoenix Infoway