നാട്ടുവാര്‍ത്തകള്‍

കൊച്ചി മെട്രോ രാജ്യത്തിന് സമര്‍പ്പിച്ചു; യാത്രയുടെ സുഖമറിഞ്ഞു മോദിയും

കൊച്ചി: കേരളത്തിന്റെ സ്വപ്ന പദ്ധതിയായ കൊച്ചി മെട്രോ സര്‍വീസ് പ്രധാനമന്ത്രി നരേന്ദ്രമോദി രാജ്യത്തിന് സമര്‍പ്പിച്ചു. പാലാരിവട്ടത്തു നിന്ന് പത്തടിപ്പാലം വരെ ഉദ്ഘാടനയാത്ര നടത്തിയ ശേഷം കലൂരെ വേദിയില്‍ വെച്ചാണ് പ്രധാനമന്ത്രി കൊച്ചി മെട്രോ രാജ്യത്തിന് സമര്‍പ്പിച്ചത്. ആദ്യ റൗണ്ടില്‍ തന്നെ കൊച്ചി സ്മാര്‍ട്ട് സിറ്റിയായി തിരഞ്ഞെടുക്കപ്പെട്ടിരുന്നു എന്നും വരുംദിനങ്ങളില്‍ കൂടുതല്‍ വലിയ നേട്ടങ്ങള്‍ പ്രതീക്ഷിക്കുന്നുവെന്നും പ്രധാനമന്ത്രി പറഞ്ഞു.

മലയാളികള്‍ക്കൊപ്പം സന്തോഷത്തില്‍ പങ്കുചേരുന്നു എന്ന് മലയാളത്തില്‍ പറഞ്ഞുകൊണ്ടാണ് പ്രധാനമന്ത്രി പ്രസംഗം ആരംഭിച്ചത്. കൊച്ചി മെട്രോയ്ക്കായി രണ്ടായിരം കോടി രൂപയില്‍ അധികം കേന്ദ്രം അനുവദിച്ചു. മെട്രോയില്‍ ട്രാന്‍സ്‌ജെന്‍ഡര്‍ വിഭാഗക്കാരെ ജീവനക്കാരായി തിരഞ്ഞെടുത്തതും മലിനീകരണം കുറഞ്ഞ സാങ്കേതികവിദ്യ പ്രാവര്‍ത്തികമാക്കിയതിനെയും അദ്ദേഹം എടുത്തുകാട്ടി.


കേന്ദ്രമന്ത്രി വെങ്കയ്യ നായിഡു കൊച്ചി മെട്രോ സ്മാര്‍ട്ട് വണ്‍ കാര്‍ഡും മുഖ്യമന്ത്രി പിണറായി വിജയന്‍ മൊബൈല്‍ വണ്‍ മെട്രോ ആപ്പും പ്രകാശനം ചെയ്തു.


രാജ്യമെന്നോ, സംസ്ഥാനമെന്നോ വ്യത്യാസമില്ലാതെ, വികസനം എന്ന ലക്ഷ്യത്തിനായി എല്ലാവരും ഒന്നിച്ച് പ്രവര്‍ത്തിക്കണമെന്ന് വെങ്കയ്യ നായിഡു ആഹ്വാനം ചെയ്തു.


കേന്ദ്രസര്‍ക്കാരില്‍ നിന്ന് തുടര്‍ന്നും സഹായങ്ങള്‍ വേണമെന്ന് മൊബൈല്‍ വണ്‍ മെട്രോ ആപ്പ് പ്രകാശനം ചെയ്ത് മുഖ്യമന്ത്രി പിണറായി വിജയന്‍ അഭ്യര്‍ത്ഥിച്ചു. പരിസ്ഥിതിക്ക് ആഘാതം വരുന്നതിനാലാണ് ആറന്‍മുള വിമാനത്താവളത്തിന് സംസ്ഥാനസര്‍ക്കാര്‍ എതിരുനിന്നത്. വികസനത്തോടൊപ്പം പരിസ്ഥിതിക്കും കേരള സര്‍ക്കാര്‍ പ്രധാന്യം കല്‍പ്പിക്കുന്നു. കേന്ദ്രസര്‍ക്കാരിനോടും, ഡിഎംആര്‍സിയോടും, പ്രത്യേകിച്ച് ഇ. ശ്രീധരനോടും നന്ദി രേഖപ്പെടുത്തിയാണ് അദ്ദേഹം പ്രസംഗം അവസാനിപ്പിച്ചത്.


സ്വാഗതപ്രസംഗത്തില്‍ കെഎംആര്‍എല്‍ എംഡി ഇ. ശ്രീധരന്റെ പേരുപറഞ്ഞപ്പോള്‍ സദസ്സില്‍ നിന്ന് വലിയ ആരവമാണ് ഉയര്‍ന്നത്. കരഘോഷം മിനിട്ടുകളോളം നീണ്ടുനിന്നു.
പ്രധാനമന്ത്രിക്കൊപ്പം ഗവര്‍ണര്‍ പി. സദാശിവം, മുഖ്യമന്ത്രി പിണറായി വിജയന്‍, കേന്ദ്രമന്ത്രി വെങ്കയ്യ നായിഡു, ഗതാഗതമന്ത്രി തോമസ് ചാണ്ടി, കെഎംആര്‍എല്‍ മുഖ്യ ഉപദേഷ്ടാവ് ഇ. ശ്രീധരന്‍, പ്രതിപക്ഷ നേതാവ് രമേശ് ചെന്നിത്തല, കൊച്ചി മേയര്‍ സൗമിനി ജെയിന്‍, കെവി തോമസ് എംപി എന്നിവര്‍ വേദി പങ്കിട്ടു.


പാലാരിവട്ടം സ്റ്റേഷനില്‍ നാട മുറിച്ച് കൊച്ചി മെട്രോ ഉദ്ഘാടനം ചെയ്ത പ്രധാനമന്ത്രി നരേന്ദ്രമോദി, പത്തടിപ്പാലം വരെ കന്നിയാത്ര നടത്തി. യാത്രയില്‍ ഗവര്‍ണര്‍ പി. സദാശിവം, മുഖ്യമന്ത്രി പിണറായി വിജയന്‍, കേന്ദ്രമന്ത്രി വെങ്കയ്യ നായിഡു, ബിജെപി സംസ്ഥാന അധ്യക്ഷന്‍ കുമ്മനം രാജശേഖരന്‍, കെഎംആര്‍എല്‍ മുഖ്യോപദേഷ്ടാവ് ഇ. ശ്രീധരന്‍, കെ.എം.ആര്‍.എല്‍. എം.ഡി. ഏലിയാസ് ജോര്‍ജ് എന്നിവരും പങ്കെടുത്തു..

കലൂര്‍ സ്റ്റേഡിയത്തിനു സമീപം പ്രത്യേകമൊരുക്കിയ വേദിയിലാണ് പിന്നീട് മെട്രോ രാജ്യത്തിന് സമര്‍പ്പിക്കുന്ന ചടങ്ങു നടന്നത്.

  • പീഡിപ്പിച്ചയാളുടെ പേരുപറയാന്‍ പലരും എന്നെ നിര്‍ബന്ധിച്ചു, അത് തുറന്നു പറയാത്തതിന് ഒരു കാരണമുണ്ട്- വെളിപ്പെടുത്തലുമായി പാര്‍വതി
  • ഒരിടപാടിന് വാങ്ങുന്നത് 50,000 വ​രെ; ബോളിവുഡ് താരങ്ങള്‍ ഉള്‍പ്പെട്ട പെണ്‍വാണിഭസംഘം പിടിയില്‍
  • സോളാര്‍ റിപ്പോര്‍ട്ട് റദ്ദാക്കണമെന്ന് ആവശ്യപ്പെട്ട് ഉമ്മന്‍ ചാണ്ടി ഹൈക്കോടതിയില്‍
  • ബിജെപി വിറച്ചു; രാഹുല്‍ ഇനി പപ്പുവല്ല
  • ഹിമാചലില്‍ ഉദിച്ചുയര്‍ന്ന് ഇന്ത്യന്‍ 'ജെറമി കോര്‍ബിന്‍ '; ചരിത്രം കുറിച്ച് സിപിഎം
  • ഉണ്ണിമുകുന്ദനെതിരെ യുവതിയുടെ മാനഭംഗക്കേസ്; നടന്റെ പരാതിയില്‍ ആന്റി ക്ളൈമാക്സ്
  • കടുത്ത പോരാട്ടത്തില്‍ ഗുജറാത്ത് ബിജെപിക്ക്; ഹിമാചലിലും അധികാരത്തില്‍
  • മുന്നണി പ്രവേശനമുണ്ടെന്ന് കെഎം മാണി; പിണറായി വിജയനോട് എപ്പോഴും സോഫ്റ്റ് കോര്‍ണര്‍
  • പ്രധാനമന്ത്രി കേരളത്തിലെ ഓഖി ദുരന്തബാധിത പ്രദേശങ്ങള്‍ സന്ദര്‍ശിക്കും; ബേപ്പൂരില്‍ നിന്ന് രണ്ട് മൃതദേഹങ്ങള്‍ കൂടി കണ്ടെത്തി
  • വെറുപ്പിന്റെ രാഷ്ട്രീയമല്ല, സ്‌നേഹത്തിന്റെ രാഷ്ട്രീയമാണ് കോണ്‍ഗ്രസിന്റേത്; ബിജെപിയെയും മോഡിയെയും കടന്നാക്രമിച്ച് രാഹുല്‍ ഗാന്ധി
  •  
        © 2012 ukmalayalamnews.com All rights reserved. Powered by Phoenix Infoway