യു.കെ.വാര്‍ത്തകള്‍

ബ്രസല്‍സില്‍ ബ്രക്‌സിറ്റ് ചര്‍ച്ചയ്ക്കു തുടക്കം; എന്താകുമെന്ന് ഒരു രൂപവുമില്ല

ലണ്ടന്‍ : പുതിയ സര്‍ക്കാരിന്റെ ഭാവി തുലാസില്‍ നില്‍ക്കെ ബ്രസല്‍സില്‍ ബ്രക്‌സിറ്റ് ചര്‍ച്ചയ്ക്കു ഇന്ന് തുടക്കം. മികച്ച ഡീല്‍ നേടിയെടുക്കുമെന്ന ആത്മവിശ്വാസത്തോടെ ബ്രക്‌സിറ്റ് സെക്രട്ടറി ഡേവിഡ് ഡേവിസ് ബ്രസല്‍സിലുണ്ട്. ഡേവിസിനൊപ്പം ബ്രിട്ടീഷ് ഒഫീഷ്യലുകളുടെ ഒരു സംഘവും ഉണ്ട്. ചര്‍ച്ചകള്‍ക്കായുള്ള ചട്ടക്കൂടിന് രൂപം കൊടുക്കാനാണ് ഇപ്പോഴത്തെ ശ്രമം. 2019 മാര്‍ച്ച് അവസാനത്തോടെയാണ് യുകെ യൂറോപ്യന്‍ യൂണിയനില്‍ നിന്നും പൂര്‍ണമായും വേറിട്ട് പോകാനൊരുങ്ങുന്നത്. ബ്രസല്‍സിലെ യൂറോപ്യന്‍ കമ്മീഷന്‍ ബില്‍ഡിംഗ്‌സില്‍ വച്ചാണ് ചര്‍ച്ച.


കുടിയേറ്റക്കാരുടെ ഭാവി , യുകെ യൂണിയന് നല്‍കേണ്ടുന്ന നഷ്ട പരിഹാരം ബില്‍, നോര്‍ത്തേണ്‍ അയര്‍ലണ്ട് അതിര്‍ത്തി എന്നിവ പോലുള്ള പ്രധാന വിഷയങ്ങളെക്കുറിച്ചുള്ള വിശദമായ ചര്‍ച്ച പിന്നീടായിരിക്കും. രണ്ട് കൂട്ടരും തമ്മിലുള്ള ഭാവി ബന്ധങ്ങള്‍ ചര്‍ച്ച ചെയ്യപ്പെടുന്നതാണ്. ഇതില്‍ സ്വതന്ത്ര വ്യാപാരക്കരാറും ഉള്‍പ്പെടും.


അതേസമയം, യുകെയിലെ രാഷ്ട്രീയ സ്ഥിതി പരിഗണിച്ചു കടുത്ത നിലപാടെടുക്കാന്‍ യുകെയ്ക്കു കഴിയില്ല. മാത്രമല്ല, യൂറോപ്യന്‍ യൂണിയന്‍ അത് വകവെച്ചു കൊടുക്കുകയുമില്ല.
ഇന്നത്തെ ചര്‍ച്ചക്കൊടുവില്‍ ഡേവിസും യൂറോപ്യന്‍ യൂണിയന്‍ ചീഫ് നെഗോഷ്യേറ്ററും മുന്‍ ഫ്രഞ്ച് ഫോറിന്‍ മിനിസ്റ്ററും യൂറോപ്യന്‍ യൂണിയന്‍ കമ്മീഷണറുമായ മൈക്കല്‍ ബാര്‍ണിയറും സംയുക്ത പത്രസമ്മേളനത്തെ അഭിസംബോധന ചെയ്യും.

  • ലണ്ടന്‍ തെരുവിലൂടെ നടക്കവെ 70-കാരന്‍ കത്തിയമര്‍ന്നു; കാരണമറിയാതെ പോലീസ്
  • ശമ്പളവര്‍ധനയില്ല; നഴ്‌സുമാര്‍ക്ക്‌ പാര്‍ക്കിംഗ് ഫീസ് 1300 പൗണ്ട്, എന്‍എച്ച്എസിന്റെ കൊള്ളയ്ക്കെതിരെ എം.പിമാര്‍
  • യുകെ കാത്തിരിക്കുന്ന ഹാരി-മേഗന്‍ രാജകീയ വിവാഹം മെയ് 19 ശനിയാഴ്ച; വിവാഹം സെന്റ് ജോര്‍ജ്ജ് ചാപ്പലില്‍
  • ബെന്നിയുടെ ഓര്‍മ്മകളില്‍ വിങ്ങിപ്പൊട്ടി കുടുംബം; ബെന്നി മാത്യൂവിന് മലയാളി സമൂഹം കണ്ണീരോടെ വിട നല്‍കി
  • ജെറ്റ്സിയ്ക്ക് കൊവന്‍ട്രി നാളെ വിടനല്‍കും; പൊതുദര്‍ശനം വീട്ടില്‍
  • ഹാരി-മേഗന്‍ വിവാഹ ശുശ്രൂഷ നയിക്കാന്‍ സന്നദ്ധതയറിയിച്ച് കാന്റര്‍ബറി ആര്‍ച്ച്ബിഷപ്പ്
  • ബിര്‍മിങ്ഹാമില്‍ താമസിക്കുന്ന കോട്ടയം സ്വദേശിനി കാന്‍സര്‍ രോഗത്തെ തുടര്‍ന്ന് നാട്ടില്‍ മരിച്ചു
  • ബ്രക്‌സിറ്റ് ബില്‍ വോട്ടിങ്ങില്‍ പാര്‍ലമെന്റില്‍ സര്‍ക്കാര്‍ പരാജയപ്പെട്ടു, 11 ഭരണകക്ഷി അംഗങ്ങള്‍ എതിര്‍ത്തു
  • കൊവന്‍ട്രിയില്‍ നിര്യാതയായ ജെറ്റ്സി യുടെ സംസ്കാര ശുശ്രൂഷകള്‍ ശനിയാഴ്ച
  • കീഴ്വഴക്കം തിരുത്തി രാജ്ഞി: രാജകുടുംബത്തിന്റെ ക്രിസ്മസ് ദിനാഘോഷ ചടങ്ങില്‍ ഹാരിക്കൊപ്പം മേഗനും
  •  
        © 2012 ukmalayalamnews.com All rights reserved. Powered by Phoenix Infoway