വിദേശം

മാര്‍പാപ്പയുടെ ഉപദേഷ്ടാവായ കര്‍ദിനാളിനെതിരെ പീഡനക്കേസ്

മെല്‍ബണ്‍: ഫ്രാന്‍സിസ് മാര്‍പാപ്പയുടെ ഉപദേശകനെതിരെ ഓസ്‌ട്രേലിയയില്‍ പീഡനക്കേസ്. മാര്‍പാപ്പയുടെ മുഖ്യ സാമ്പത്തിക ഉപദേഷ്ടാവായ 70 കാരനായ കര്‍ദിനാള്‍ ജോര്‍ജ് പെല്ലിനെതിരെയാണ് പ്രായപൂര്‍ത്തിയാകാത്തവരെ ലൈംഗികമായി പീഡിപ്പിച്ചതിന് കേസ് രജിസ്റ്റര്‍ ചെയ്തിരിക്കുന്നത്. കര്‍ദിനാളിനെതിരെ പീഡന ആരോപണങ്ങള്‍ ഉന്നയിച്ച് നിരവധി പരാതികള്‍ ലഭിച്ചിട്ടുണ്ടെന്നാണ് കേസ് രജിസ്റ്റര്‍ ചെയ്ത വിക്ടോറിയ സ്‌റ്റേറ്റ് പോലീസ് പറയുന്നത്.


ജൂലൈ 18 ന് മെല്‍ബണ്‍ മജിസ്‌ട്രേറ്റിന് മുന്നില്‍ കര്‍ദിനാള്‍ ഹാജരാകണമെന്ന് നിര്‍ദ്ദേശിച്ച് സമന്‍സ് അയച്ചിട്ടുണ്ട്. സംഭവത്തില്‍ തനിക്കെതിരായ ആരോപണങ്ങള്‍ കര്‍ദിനാള്‍ ജോര്‍ജ് പെല്‍ നിഷേധിച്ചിട്ടുണ്ടെന്നും ഓസ്‌ട്രേലിയയിലെത്തി അദ്ദേഹം തന്റെ നിരപരാധിത്വം തെളിയിക്കുമെന്നും സിഡ്‌നി കത്തോലിക്ക അതിരൂപത പത്രക്കുറിപ്പില്‍ അറിയിച്ചു.


നാലുവര്‍ഷം മുമ്പ് ജോര്‍ജ് പെല്ലിനെതിരെ ആരോപണങ്ങള്‍ ഉയര്‍ന്നിരുന്നു. പൗരോഹിത്യം സ്വീകരിക്കുന്നതിന് മുമ്പുമുതല്‍ ഇദ്ദേഹം പ്രായപൂര്‍ത്തിയാകാത്തവരെ പീഡനത്തിനിരയാക്കിയിരുന്നതായും പൗരോഹിത്യം സ്വീകരിച്ചതിന് ശേഷം ഇത്തരം പ്രവൃത്തി തുടര്‍ന്നിരുന്നുവെന്നും ആരോപണങ്ങള്‍ ഉയര്‍ന്നിരുന്നു. വിഷയത്തില്‍ കര്‍ദിനാളിനെതിരെ ഓസ്‌ട്രേലിയയിലെ റോയല്‍ കമ്മീഷന്‍ അന്വേഷണം നടത്തിയിരുന്നതുമാണ്. ഈ ആരോപപണങ്ങള്‍ അന്വേഷിച്ചതിന് ശേഷമാണ് കേസ് രജിസ്റ്റര്‍ ചെയ്യപ്പെട്ടിരിക്കുന്നത്.

കര്‍ദിനാള്‍ ജോര്‍ജ് പെല്‍ ഓസ്‌ട്രേലിയയിലെ പ്രമുഖ കത്തോലിക്കാ ബിഷപ്പാണ്. വത്തിക്കാനിലെ ഉന്നത കേന്ദ്രങ്ങളില്‍ ഒരാള്‍കൂടിയാണ് അദ്ദേഹം.

  • 16കാരിയെ പീഡിപ്പിച്ചു: സില്‍വസ്റ്റര്‍ സ്റ്റാലനെതിരെയും ലൈംഗികാരോപണം
  • ടെക്‌സാസില്‍ മൂന്നു വയസുകാരി ഷെറിന്റെ മരണം; നഴ്‌സായ വളര്‍ത്തമ്മ സിനി മാത്യൂസും അറസ്റ്റില്‍
  • മാര്‍പ്പാപ്പക്ക് സമ്മാനം കിട്ടിയ രണ്ടു കോടിയുടെ ലംബോര്‍ഗിനി ലേലത്തിന്, പണം ഇറാഖി ജനതയ്ക്ക്
  • ഇറാന്‍-ഇറാഖ് അതിര്‍ത്തിയിലെ ഉഗ്ര ഭൂചലനം: മരണം 210 കവിഞ്ഞു, ഗള്‍ഫ് മേഖലയില്‍ തുടര്‍ ചലനം
  • ബോറടി മാറ്റാന്‍ ജര്‍മ്മന്‍ നഴ്‌സ് കൊന്നൊടുക്കിയത് 106 രോഗികളെ!
  • അഴിമതിക്കു അറസ്റ്റിലായ സൗദി രാജകുമാരന്‍ കൊല്ലപ്പെട്ടിട്ടില്ല; പ്രചരിക്കുന്നത് വ്യാജ വാര്‍ത്ത
  • ട്രം​പി​ന് നേ​രെ നടുവിരല്‍ ഉയര്‍ത്തിയ സ്ത്രീയെ ജോ​ലി​യി​ല്‍ നി​ന്ന് പിരിച്ചു​വി​ട്ടു
  • ഹെലികോപ്ടര്‍ അപകടത്തില്‍ സൗദി രാജകുമാരനടക്കം എട്ട് പേര്‍ കൊല്ലപ്പെട്ടു
  • ടെക്‌സാസില്‍ പള്ളിയില്‍ കൂട്ടക്കുരുതി; കുര്‍ബാനയ്ക്കിടെ അക്രമി ഗര്‍ഭിണിയും കുട്ടികളുമടക്കം 27 പേരെ വെടിവച്ചു കൊന്നു
  • അമേരിക്കയിലെ വാള്‍മാര്‍ട്ട് സൂപ്പര്‍മാര്‍ക്കറ്റില്‍ വെടിവെയ്പ്; 3പേര്‍ മരിച്ചു
  •  
        © 2012 ukmalayalamnews.com All rights reserved. Powered by Phoenix Infoway