വിദേശം

ഫ്രഞ്ച് പ്രസിഡന്റിന്റെ ഭാര്യയോട് 'നല്ല ഷെയ്പ്പാണല്ലോ' എന്ന് ട്രംപ്: വീഡിയോ വൈറല്‍

പാരീസ്: പാരീസില്‍ തന്നെ സ്വീകരിക്കാനെത്തിയ ഫ്രഞ്ച് പ്രസിഡന്റിന്റെ ഭാര്യയോട് 'നിങ്ങള്‍ക്ക് നല്ല ഷെയ്പ്പാണല്ലോ' എന്ന് യു.എസ് പ്രസിഡന്റ് ഡൊണാള്‍ഡ് ട്രംപ്. 39 കാരനായ ഫ്രഞ്ച് പ്രസിഡന്റ് ഇമാനുവല്‍ മാക്രോണിന്റെ ഭാര്യ 64 കാരിയായ ബ്രിഗറ്റി മാക്രോണിനോടാണ് ട്രംപിന്റെ ഉള്ളിലിരുപ്പ് പുറത്തുവന്നത്.
പാരീസില്‍ ബാസ്റ്റില്‍ ദിന ആഘോഷങ്ങളുമായി ബന്ധപ്പെട്ട് സന്ദര്‍ശനത്തിനെത്തിയതായിരുന്നു ട്രംപ്. ബ്രിഗറ്റിക്ക് ഹസ്തദാനം നല്‍കിയാണ് ട്രംപ് സംസാരം തുടങ്ങിയത്. ഹസ്തദാനത്തിനുശേഷം ബ്രിഗറ്റിയുടെ കൈയിലെ പിടിവിടാന്‍ ട്രംപ് വിസമ്മതിക്കുന്നതിന്റെ വീഡിയോ ദൃശ്യങ്ങളും പുറത്തുവന്നിട്ടുണ്ട്.
ഈ 'വിചിത്ര ഹസ്തദാന'ത്തിനുശേഷം ട്രംപും പ്രസിഡന്റുമെല്ലാം ലെസ് ഇന്‍വാല്‍ഡസ് മ്യൂസിയം സന്ദര്‍ശിച്ചു. ഈ മ്യൂസിയത്തില്‍വെച്ചാണ് ട്രംപ് ബ്രിഗിറ്റിയോട് 'നല്ല ഷെയ്പ്പാണ്' എന്നും സുന്ദരിയാണെന്നും പറയുന്നത്.
'നിങ്ങള്‍ക്ക് എന്തു നല്ല ഷെയ്പ്പാണ്' എന്ന് ബ്രിഗിറ്റിയോടു പറഞ്ഞശേഷം ട്രംപ് മാക്രോണിനോട് 'അവള്‍ക്ക് എന്തുനല്ല ഷെയ്പ്പാണ്. സുന്ദരി'എന്നും പറയുന്നു.
ട്രംപിന്റെ ആദ്യ ഫ്രഞ്ച് സന്ദര്‍ശനത്തിനിടെയാണ് ഫ്രാന്‍സിലെ പ്രഥമ വനിതയോട് ഇത്തരമൊരു പരാമര്‍ശം നടത്തിയിരിക്കുന്നത്. ട്രംപിന്റെ പരാമര്‍ശത്തിനെതിരെ സമൂഹമാധ്യമങ്ങളില്‍ വലിയ വിമര്‍ശനമാണുയരുന്നത്. ഒരു രാജ്യത്തിന്റെ പ്രഥമ വനിതയോടു പോലും മര്യാദയ്ക്കു പെരുമാറാന്‍ കഴിയാത്ത പ്രസിഡന്റ് എന്ന രീതിയിലാണ് വിമര്‍ശനം. 24 വയസിനു മൂത്ത തന്റെ അധ്യാപികയെയാണ് ഇമാനുവല്‍ മാക്രോണ്‍ പ്രണയിച്ചു വിവാഹം കഴിച്ചത്‌. അതു വലിയ വാര്‍ത്തയായിരുന്നു.


വീഡിയോ

  • ഐസിസി ക്രിക്കറ്റര്‍ ഓഫ് ദി ഇയര്‍ പുരസ്‌കാരം വിരാട് കോലിക്ക്, മികച്ച ഏകദിന താരവും
  • വീടിനുള്ളില്‍ മാതാപിതാക്കള്‍ വര്‍ഷങ്ങളോളം ചങ്ങലയ്ക്കിട്ട 13 മക്കളെ പോലീസ് രക്ഷപ്പെടുത്തി, ഞെട്ടിത്തരിച്ചു പ്രദേശവാസികള്‍
  • ബന്ധം പുറത്തു പറയാതിരിക്കാന്‍ പോണ്‍ താരത്തിന് ട്രംപ് കൊടുത്തത് 130,000 ഡോളര്‍ !
  • ഷെറിന്റെ മരണം; വെസ്ലിക്കെതിരെ വധശിക്ഷ വരെ ലഭിക്കാവുന്ന കുറ്റം ചുമത്തി, സിനിക്കെതിരെയും ഗുരുതര കുറ്റങ്ങള്‍
  • ലൈംഗീക ചൂഷണം: 95കാരനായ സ്‌പൈഡര്‍മാന്‍ സ്രഷ്ടാവിനെ നഴ്‌സുമാര്‍ കൈയൊഴിഞ്ഞു
  • 2017 ല്‍ ഇന്ത്യന്‍ സൈന്യം വധിച്ചത് 138 പാക് സൈനികരെ
  • എച്ച് 1 ബി വിസക്കാര്‍ക്കുള്ള ഇളവ് അമേരിക്ക നീട്ടി; ഇന്ത്യക്കാര്‍ക്ക് ആശ്വാസം
  • മലയാളിയായ ഷെറിന്‍ മാനുവല്‍ ദക്ഷിണാഫ്രിക്കയില്‍ ഉന്നത വിജയം നേടി
  • യാത്രയ്ക്കിടെ എത്തിഹാദ് എയര്‍വേസിലെ ടോയ്‌ലറ്റില്‍ കുഞ്ഞിന്റെ ജഡം, പ്രസവിച്ച ശേഷം അമ്മയുടെ ക്രൂരത
  • ടൊറന്റോ വിമാനത്താവളത്തില്‍ വിമാനങ്ങള്‍ കൂട്ടിയിടിച്ചു തീപിടിച്ചു; യാത്രക്കാരെ രക്ഷപ്പെടുത്തി
  •  
        © 2012 ukmalayalamnews.com All rights reserved. Powered by Phoenix Infoway