യു.കെ.വാര്‍ത്തകള്‍

ഇന്ത്യ മിസ് ചെയ്യാന്‍ അവിടെയെന്താണ് ഉള്ളതെന്ന് ലണ്ടനിലെ മാധ്യമങ്ങളോട് വിജയ് മല്യ

ലണ്ടന്‍ : 9000 കോടി രൂപ വായ്പയെടുത്തു മുങ്ങിയ വിവാദ വ്യവസായി വിജയ് മല്യ ഇന്ത്യയെ പരിഹസിച്ചു ബ്രിട്ടീഷ് മാധ്യമങ്ങളില്‍. ഇന്ത്യ മിസ് ചെയ്യുന്നില്ലേ എന്ന ചോദ്യത്തിന് മിസ് ചെയ്യാന്‍ അവിടെയെന്താണ് ഉള്ളതെന്ന് ആയിരുന്നു വിവാദ മദ്യ രാജാവിന്റെ പ്രതികരണം. ബ്രിട്ടിഷ് ഗ്രാന്‍പ്രീ വേളയില്‍ മാധ്യമങ്ങളോടായിരുന്നു മല്യയുടെ വിവദപരാമര്ശം . ഇംഗ്ലണ്ടിലോ യുഎസിലോ ആണ് എന്റെ കുടുംബത്തിലെല്ലാവരും ഉള്ളത്. ഇന്ത്യയില്‍ ആരും ഇല്ല. എനിക്ക് രക്തബന്ധമില്ലാത്ത സഹോദരങ്ങള്‍ യുകെ പൗരന്മാരാണ്. അതിനാല്‍ കുടുംബത്തിലെ ആരെയും തന്നെ എനിക്ക് മിസ് ചെയ്യുന്നില്ല – മല്യ പറയുന്നു.

നിലവില്‍ തനിക്കെതിരെ പറയുന്നവരെ കണ്ടെത്തി മൊഴി നല്‍കുന്ന പരിപാടിയാണ് നാളുകളായി അവിടെ നടന്നുവരുന്നത് ഇതൊരുസംഘടിതമായനീക്കമാണെന്നും താന്‍ ഒരു തെറ്റും ഇതുവരെ ചെയ്തിട്ടില്ല എന്നും കേസ് പരിഗണിക്കുന്നത് ഇന്ത്യയില്‍നിന്ന് യുകെയിലേക്ക് മാറ്റിയാല്‍ സന്തോഷമുണ്ട് എന്നും പറയുന്നു. നീതിപൂര്‍വകമായ കോടതിയില്‍ കേസ് പരിഗണിക്കപ്പെടുക എങ്ങനെയാണെന്ന് കാത്തിരുന്ന് കണാമെന്നും മല്യ കൂട്ടിച്ചേര്‍ക്കുന്നു.

വിവിധ ബാങ്കുകളില്‍നിന്നായി 9000 കോടി രൂപ വായ്പയെടുത്ത വിജയ് മല്യ, ബാങ്കുകള്‍ നടപടി ആരംഭിക്കുന്നതിനു മുന്‍പായി നാടുവിടുകയായിരുന്നു. ഭരണത്തലവന്മാര്‍ മുതല്‍ സിനിമാരംഗത്തെ പ്രമുഖര്‍വരെനീളുന്ന മല്യയുടെ ബന്ധങ്ങള്‍ സി .ബി.ഐ അന്വേഷിക്കവേയാണ് മല്യയുടെ പരാമര്‍ശം. നിലവില്‍ യുകെയില്‍ സ്ഥിരതാമസമാക്കിയ മല്യയെ കേസന്വേഷണത്തിന്റെ ഭാഗമായി ഇന്ത്യയ്ക്കു വിട്ടുനല്‍കണമെന്ന് കേന്ദ്രസര്‍ക്കാര്‍ ആവിശ്യപ്പെട്ടിരിക്കുകയാണ്.
കിംഗ്ഫിഷര്‍ ഉള്‍പ്പടെ വിവിധ കമ്പനിയുടെ പേരില്‍ ബാങ്കുകളില്‍നിന്നെടുത്ത 9000 കോടിയിലേറെ രൂപയുടെ വായ്പകള്‍ തിരിച്ചടയ്ക്കാതെ കഴിഞ്ഞവര്‍ഷം മാര്‍ച്ച് രണ്ടിനാണു മല്യ ഇന്ത്യ വിട്ടത്. മല്യയെ വിട്ടുനല്‍കണമെന്നു ബ്രിട്ടനോട് ഇന്ത്യ ഫെബ്രുവരി എട്ടിന് ഔദ്യോഗികമായി ആവശ്യപ്പെട്ടിരുന്നു. തുടര്‍ന്ന് ഏപ്രില്‍ 18ന് ആണ് മല്യയെ അറസ്റ്റ് ചെയ്തത്.

  • ബ്രക്‌സിറ്റ് വിരുദ്ധതയുമായി ബ്രിട്ടണില്‍ പുതിയ പാര്‍ട്ടി പിറന്നു
  • കോഴിയിറിച്ചി കിട്ടാനില്ല; യുകെയില്‍ കെ.എഫ്.സി റെസ്റ്റോറന്റുകള്‍ക്ക് താഴുവീണു,
  • വരവില്‍ കവിഞ്ഞ സ്വത്ത്: കീത്ത് വാസിനെതിരെ പരാതിയുമായി ഭരണകക്ഷി എംപി
  • മോഷ്ടാക്കള്‍ വീട്ടമ്മയെ കൊലപ്പെടുത്തി, മലയാളി കുടുംബങ്ങള്‍ ജാഗ്രത പാലിക്കണം
  • ഒരു പൗണ്ട് = 91 രൂപ , പൗണ്ട് മികവ് തുടരുന്നു
  • മേല്‍വസ്ത്രമില്ലാതെ ലണ്ടന്‍ ഫാഷന്‍ വീക്ക് വേദിയില്‍ യുവതികള്‍
  • യൂണിവേഴ്‌സിറ്റി ട്യൂഷന്‍ ഫീസുകള്‍ വെട്ടിക്കുറയ്ക്കും; മലയാളികള്‍ക്ക് ആശ്വാസമാകും
  • സ്വന്തം വീട് നടക്കാത്ത സ്വപ്‌നമായി; യുകെയിലെ യുവത്വത്തിന്റെ വിധി
  • എന്‍എച്ച്എസിലും ലിംഗ വിവേചനം; വേതനം പുരുഷഡോക്ടര്‍മാര്‍ക്ക് രണ്ടരമടങ്ങ് കൂടുതല്‍
  • വീടില്ലാത്ത വ്യക്തി പാര്‍ലമെന്റ് പടിക്കല്‍ തണുത്ത് വിറച്ച് മരിച്ചു
  •  
        © 2012 ukmalayalamnews.com All rights reserved. Powered by Phoenix Infoway