യു.കെ.വാര്‍ത്തകള്‍

ലണ്ടനിലെ ജോയ് ആലുക്കാസ് ഷോറൂമില്‍ കവര്‍ച്ച; പോലീസ് അന്വേഷണം തടുങ്ങി

ലണ്ടന്‍ : ലണ്ടനിലെ ഗ്രീന്‍ സ്ട്രീറ്റിലുള്ള ജോയ് ആലുക്കാസ് ഷോറൂമില്‍ വന്‍കവര്‍ച്ച നടന്നതായി റിപ്പോര്‍ട്ട്. തിങ്കളാഴ്ച രാത്രിയില്‍ പിന്‍വാതിലിലൂടെ മോഷണ സംഘം ഉള്ളില്‍ കടന്നാണ് കവര്‍ച്ച നടത്തിയത്. ഷോ റൂമില്‍ ഡിസ്പ്ലേയിലുണ്ടായിരുന്ന സ്വര്‍ണ വജ്രാഭരണങ്ങള്‍ നഷ്ടപ്പെട്ടു എന്നാണ് വിവരം. സ്ട്രോങ് റൂമിലുണ്ടായിരുന്ന ആഭരണങ്ങള്‍ കവര്‍ച്ച ചെയ്യപ്പെട്ടിട്ടുണ്ടോ എന്ന് പരിശോധിച്ച് വരുന്നതേ ഉള്ളു.
നാലിലൊന്ന് സ്വര്‍ണമായിരുന്നു ഡിസ്‌പ്ലേയില്‍ ഉണ്ടായിരുന്നു. സെക്യൂരിറ്റി അലാറം പ്രവര്‍ത്തന രഹിതമാക്കിയത്തിനു ശേഷമാണു കവര്‍ച്ച നടത്തിയത് എന്നാണ് സൂചന. അതുകൊണ്ട് തന്നെ ഷോറൂമിന് മുകളില്‍ താമസിക്കുന്ന ജീവനക്കാര്‍ കവര്‍ച്ച നടന്ന വിവരം അറിയുന്നത് രാവിലെ ആണ്. പോലീസും ഫോറന്‍സിക് വിദഗ്ദ്ധരും സംഭവ സ്ഥലത്ത് എത്തി പരിശോധനകള്‍ നടത്തി. മോഷണ സംഘത്തെക്കുറിച്ചു അറിയുന്നതിന് കടക്കുള്ളിലും പരിസര പ്രദേശങ്ങളിലുമുള്ള സി സി ടി വി ദ്ര്യശ്യങ്ങള്‍ പോലീസ് പരിശോധിച്ചു വരുകയാണ്.

യുകെയില്‍ കവര്‍ച്ച സംഘങ്ങള്‍ മലയാളിയുടെ വീടുകള്‍ തിരഞ്ഞു പിടിച്ചു കവര്‍ച്ച ചെയ്യുന്നുണ്ട്. മലയാളി സ്ഥാപനമായ ജോയ് ആലുക്കാസ് ഷോ റൂമിനെ തിരഞ്ഞു പിടിച്ചു കവര്‍ച്ച നടത്തുകയായിരുന്നു എന്ന് കരുതുന്നു.

ആഭരണങ്ങള്‍ വാങ്ങുവാന്‍ കടയില്‍ എത്തിയ മലയാളികള്‍ കട അടച്ചിട്ടിരിക്കുന്നതായി കണ്ട് കാരണം അന്വേഷിച്ചപ്പോള്‍ ആണ് കവര്‍ച്ച നടന്ന വിവരം പുറത്തറിയുന്നത്. നിയമ പരമായ പ്രക്രിയകള്‍ അവസാനിച്ചാല്‍ ഉടന്‍ തന്നെ വൈവിധ്യമായ ആഭരണ ശ്രേണിയുമായി കട തുറന്നു പ്രവര്‍ത്തിക്കുമെന്ന് ജീവനക്കാര്‍ അറിയിച്ചിട്ടുണ്ട്.

  • കിടിലന്‍ ഓഫറുകളുമായി ബ്ലാക്ക് ഫ്രൈഡേ ഷോപ്പിംഗ്; നാല് ദിവസം കൊണ്ട് പ്രതീക്ഷിക്കുന്നത് 8 ബില്യണ്‍ പൗണ്ടിന്റെ കച്ചവടം
  • സിഗററ്റിനു വില കൂടും ,മദ്യ വിലകൂടില്ല , ഇന്ധന നികുതി വര്‍ദ്ധനയില്ല, ഡീസല്‍ കാറിനു ചെലവേറും
  • നഴ്‌സുമാര്‍ക്ക് ശമ്പള വര്‍ധന വാഗ്ദാനം ചെയ്ത് ഹാമണ്ടിന്റെ ബജറ്റ്; തീരുമാനം നീളും, ആദ്യ വീട് സ്വന്തമാക്കുന്നവര്‍ക്ക് സ്റ്റാമ്പ് ഡ്യൂട്ടി ഒഴിവാക്കും
  • ജിപിയെ കാണാന്‍ ഒരു മണിക്കൂര്‍ കാത്തിരുന്ന മൂന്നുവയസുകാരന്‍ മരിച്ചു; ഡോക്ടര്‍മാര്‍ എന്‍എച്ച്എസ് വിടുന്നതിന്റെ ഫലം
  • ലണ്ടനിലെ എപ്പിംഗില്‍ ബ്ലഡ് കാന്‍സര്‍ ബാധിതനായ മലയാളി മരിച്ചു, പൊതുദര്‍ശനം ശനിയാഴ്ച
  • എല്‍ദോസിന് ഹെയില്‍ഷാമില്‍ മലയാളികള്‍ കണ്ണീരോടെ വിട നല്‍കി, സംസ്കാരം വ്യാഴാഴ്ച നാട്ടില്‍
  • ബ്രിട്ടനെതിരെ ഇന്ത്യയ്ക്ക് നാടകീയ ജയം; ദല്‍വീര്‍ ഭണ്ഡാരി രാജ്യാന്തര കോടതി ജഡ്ജി
  • വിമാനത്തിന്റെ മുന്‍സീറ്റിലിരുന്ന സ്ത്രീയെ കയറിപ്പിടിച്ച ഇന്ത്യന്‍ യുവാവ് കുടുങ്ങി
  • അമ്മയെക്കുറിച്ച് വാചാലയായി,ഇന്ത്യയുടെ മാനുഷിക്ക് ലോകസുന്ദരി പട്ടം
  • ഈസ്റ്റ് ബോണില്‍ അന്തരിച്ച പെരുമ്പാവൂര്‍ സ്വദേശി എല്‍ദോസിന്റെ പൊതുദര്‍ശനം തിങ്കളാഴ്ച
  •  
        © 2012 ukmalayalamnews.com All rights reserved. Powered by Phoenix Infoway