നാട്ടുവാര്‍ത്തകള്‍

ദിലീപിന് ജാമ്യമില്ല, വീണ്ടും ജയിലിലേക്ക്, അനുകൂല പ്രചാരണം പാരയായി

കൊച്ചി: നടിയെ ആക്രമിച്ച കേസില്‍ നടന്‍ ദിലീപിന് ജാമ്യമില്ല. ദിലീപിനെ ഈ മാസം 25 വരെ റിമാന്‍ഡ് ചെയ്തു. ദിലീപിനെ പോലീസ് ആലുവ സബ് ജയിലിലേക്ക് കൊണ്ടുപോയി. ദിലീപിന്റെ ജാമ്യാപേക്ഷയെ എതിര്‍ത്തുകൊണ്ടുള്ള പ്രോസിക്യൂഷന്റെ വാദം അങ്കമാലി മജിസ്ട്രേറ്റ് കോടതി പരിഗണിച്ചു. ദിലീപിനെതിരെ ശക്തമായ തെളിവുകളുണ്ട്. സമൂഹത്തില്‍ ഏറെ സ്വാധീനമുള്ള വ്യക്തിയായതിനാല്‍ ജാമ്യത്തിലിറങ്ങിയാല്‍ ദിലീപ് സാക്ഷികളെ സ്വാധീനിക്കുമെന്നും സമൂഹ മാധ്യമങ്ങളില്‍ ദിലീപ് അനുകൂല പ്രചാരണം നടക്കുന്നതും പ്രോസിക്യൂഷന്‍ ചൂണ്ടിക്കാട്ടിയിരുന്നു. ഇരയ്‌ക്കെതിരെ പ്രതികൂല പ്രചാരണവും നടക്കുന്നു. ദിലീപ് കസ്റ്റഡിയില്‍ ഇരിക്കുമ്പോള്‍ തന്നെയാണ് ഇത് നടക്കുന്നത്. ദിലീപിനെതിരെ ശക്തമായ തെളിവുകളുണ്ട്. കേസില്‍ നിര്‍ണായക വിവരങ്ങള്‍ അറിയാവുന്ന പ്രതീഷ് ചാക്കോ, അപ്പുണ്ണി എന്നിവര്‍ ഒളിവിലാണ്. ഇവരെ പിടികൂടേണ്ടതുണ്ടെന്നും പ്രോസിക്യൂഷന്‍ ചൂണ്ടിക്കാട്ടി. ഈ വാദം കോടതി അംഗീകരിച്ചു.

ദിലീപിനെ അനുകൂലിച്ച് നവമാധ്യമങ്ങളില്‍ ഏതാനും ദിവസങ്ങളായി വരുന്ന അനുകൂല റിപ്പോര്‍ട്ടുകളും വീഡിയോകളും പ്രോസിക്യൂഷന്‍ കോടതിയില്‍ കാണിച്ചു.
പോലീസിനെതിരെ പരാതി വല്ലതുമുണ്ടോയെന്ന കോടതിയുടെ ചോദ്യത്തിന് ഒരു പരാതിയുമില്ലെന്ന് ദിലീപ് മറുപടി നല്‍കി. കോടതി നടപടി അവസാനിച്ചതോടെ 4.40 ഓടെ ദിലീപിനെ കോടതി പരിസരത്തുനിന്നും ആലുവ സബ് ജയിലിലേക്ക് കൊണ്ടുപോയി. ദിലീപിന് ജാമ്യത്തിനായി വീണ്ടും ഇതേ കോടതിയില്‍ തന്നെയോ സെഷന്‍സ് കോടതിയേയോ ഹൈക്കോടതിയേയോ സമീപിക്കാം.

പതിവുപോലെ കോടതി പരിസരത്ത് തടിച്ചുകൂടിയ ജനക്കൂട്ടത്തിന്റെ കൂക്കുവിളിയുടെ അകമ്പടിയോടെയായിരുന്നു ദിലീപിന്റെ വരവും പോക്കും. വീണ്ടും കൊതുകുകടികൊണ്ടു സഹതടവുകാര്‍ക്കൊപ്പം കഴിയാം.
ദിലീപിന്റെ രണ്ട് ഫോണുകള്‍ പ്രതിഭാഗം കോടതിയില്‍ സമര്‍പ്പിച്ചു. ശാസ്ത്രീയ പരിശോധനയ്ക്കായാണ് ഫോണുകള്‍ കൈമാറിയതെന്നും പോലീസിനെ ഏല്‍പ്പിച്ചാല്‍ തെളിവുകള്‍ നശിപ്പിക്കപ്പെടും എന്നും പ്രതിഭാഗം അഭിഭാഷകന്‍ ആരോപിച്ചു.

  • മൊബൈല്‍ ഫോണ്‍ കിട്ടാതെ ദിലീപിനെതിരെ കുറ്റപത്രം; ചുമത്തിയത് ജീവപര്യന്തം വരെ ലഭിക്കാവുന്ന വകുപ്പുകള്‍
  • സാഹചര്യം മാറിയിട്ടില്ല; പിന്നെന്തിന് ജാമ്യാപേക്ഷയുമായി വീണ്ടും വന്നെന്ന് ദിലീപിനോട് ഹൈക്കോടതി, തൊടുന്നതെല്ലാം പിഴച്ചു താരം
  • രാജ്യത്തെ ആദ്യ ക്വട്ടേഷന്‍ റേപ്പ് സൂത്രധാരന്‍ -ദിലീപിന് അന്വേഷണ സംഘത്തിന്റെ വിശേഷണം
  • ഇടുക്കിയിലെ ഫെയ്‌സ്ബുക്ക് ലൈവ് സെക്‌സ്; വീട്ടമ്മയെ വിവാഹം കഴിച്ച് തലയൂരാന്‍ പ്രതിയുടെ ശ്രമം
  • മറയൂരില്‍ പതിനാറുകാരി ഗര്‍ഭിണിയായി, പതിനേഴുകാരനെതിരെ കേസെടുത്തു
  • അവസാന ശ്രമമായി ദിലീപ് വീണ്ടും ഹൈക്കോടതിയില്‍; വേഗം കുറ്റപത്രം നല്‍കി വഴിയടക്കാന്‍ പോലീസ്
  • ദിലീപ് ജാമ്യ പ്രതീക്ഷ അസ്തമിക്കുന്നു; വിചാരണ കഴിയുന്നതു വരെ ദിലീപിന് ജയിലില്‍ കഴിയേണ്ട സ്ഥിതി
  • എന്റെ കുഞ്ഞിന്റെ പിതൃത്വം ഏറ്റെടുക്കാന്‍ വീട്ടില്‍ ആരും വന്നിട്ടില്ല; പിസി ജോര്‍ജിനെതിരെ ആഞ്ഞടിച്ചു സംവിധായകന്‍ ബൈജു കൊട്ടാരക്കര
  • വേങ്ങരയില്‍ ട്വിസ്റ്റ്; കെ എന്‍ എ ഖാദര്‍ യുഡിഎഫ് സ്ഥാനാര്‍ത്ഥി
  • ദിലീപ് ജയിലില്‍ തന്നെ; ജാമ്യാപേക്ഷ വീണ്ടും തള്ളി
  •  
        © 2012 ukmalayalamnews.com All rights reserved. Powered by Phoenix Infoway