നാട്ടുവാര്‍ത്തകള്‍

ഇന്ത്യയിലെ ആദ്യത്തെ മാനഭംഗക്കൊട്ടേഷന്‍ എന്ന് ദേശീയമാധ്യമങ്ങള്‍, അപ്പുണ്ണി മുങ്ങിയത് എങ്ങനെ

കൊച്ചി: നടിയെ ആക്രമിച്ച കേസില്‍ ഒളിവില്‍ പോയ ദിലീപിന്റെ മാനേജര്‍ അപ്പുണ്ണിയെ കണ്ടെത്താനുള്ള തീവ്രശ്രമത്തിലാണ് പൊലീസ്. എന്നാല്‍ അപ്പുണ്ണിയെ കണ്ടെത്താന്‍ കഴിയാത്തത് പോലീസിന് ക്ഷീണമാണ്. മജിസ്ട്രേട്ട് കോടതിയില്‍ നിന്ന് ദിലീപ് ജാമ്യം നേടുന്നതിന് വേണ്ടിയാണ് അപ്പുണ്ണി വീണ്ടും ചോദ്യം ചെയ്യുന്ന സാഹചര്യം ഒഴിവാക്കാന്‍ ഒളിവില്‍ പോയതെങ്കിലും മജിസ്‌ട്രേറ്റ് കോടതി ജാമ്യം തള്ളിയ സാഹചര്യത്തില്‍ അപ്പുണ്ണി പോലീസിന് മുന്നില്‍ പ്രത്യക്ഷപ്പെട്ടേക്കാം. ഏതായാലും അപ്പുണ്ണിയെ കണ്ടെത്താന്‍ കഴിയാത്തതില്‍ പോലീസിന് ക്ഷീണമാണ്. അപ്പുണ്ണിപോലീസിന്റെ കണ്ണില്‍ നിന്നും എങ്ങനെ രക്ഷപ്പെട്ടു എന്നതും സംശയകരമാണ്. അപ്പുണ്ണിക്ക് കേസില്‍ എന്തെങ്കിലും പങ്കുള്ളതായി പോലീസ് സംശയിച്ചിരുന്നെങ്കില്‍ അപ്പുണ്ണിയുടെ നീക്കങ്ങള്‍ പോലീസിന് നിരീക്ഷിക്കാമായിരുന്നു. അയാള്‍ മുങ്ങാന്‍ ശ്രമിച്ചാല്‍ തന്നെ പൊക്കാമായിരുന്നു.
അതുകൊണ്ടു തന്നെ അപ്പുണ്ണിയുടെ കാര്യത്തില്‍ ജാഗ്രത കുറവ് ഉണ്ടായി.

യുവനടി ഉപദ്രവിക്കപ്പെട്ട സംഭവത്തെ 'ഇന്ത്യയിലെ ആദ്യ ക്വട്ടേഷന്‍ പീഡനം' എന്നാണ് ദേശീയമാധ്യമങ്ങള്‍ അടക്കം വിശേഷിപ്പിച്ചത്. സമൂഹത്തില്‍ അറിയപ്പെടുന്ന നടിയെ പീഡിപ്പിക്കാന്‍ ഗൂഢാലോചന നടത്തി ഒന്നരക്കോടി രൂപയുടെ ക്വട്ടേഷന്‍ നല്‍കിയെന്നാണ് പൊലീസിന്റെ ആരോപണം. അപൂര്‍വങ്ങളില്‍ അപൂര്‍വമായ പീഡനക്കേസാണിതെന്ന് നിയമവൃത്തങ്ങള്‍ വിലയിരുത്തുന്നു. പ്രതികളെ ജുഡീഷ്യല്‍ കസ്റ്റഡിയില്‍ സൂക്ഷിച്ച് അന്വേഷണം പൂര്‍ത്തിയാക്കേണ്ടത് ഇത്തരം കേസുകളുടെ സുഗമമായ വിചാരണയ്ക്ക് നിര്‍ണായകമാണ്. ഇതിനായി അറസ്റ്റ് ചെയ്തു 90 ദിവസത്തെ സാവകാശമാണു പൊലീസിനു ലഭിക്കുക. ഇതിനിടെ കുറ്റപത്രം സമര്‍പ്പിച്ചില്ലെങ്കില്‍ പ്രതികള്‍ക്ക് സോപാധികജാമ്യം ലഭിക്കും. ദിലീപ് അറസ്റ്റിലായി ഏഴു ദിവസമായി. കുറ്റപത്രം സമര്‍പ്പിക്കാന്‍ 83 ദിവസമാണുള്ളത്.
ദിലീപ് പോലീസുമായി സഹകരിക്കുന്നില്ല എന്നാണ് അറിയുന്നത്. കുറ്റം ഏല്‍ക്കാത്ത പക്ഷം തെളിവുകളിലൂടെ ദിലീപാണ് സംഭവത്തിന് പിന്നില്‍ എന്നു തെളിയിക്കേണ്ടിവരും. അതിന് സംശയാതീതമായ തെളിവുകള്‍ പോലീസിന് വേണം. ദിലീപ് ജയിലിലായതിനാല്‍ പോലീസിന് കൂടുതല്‍ ചോദ്യം ചെയ്യാനുള്ള അവസരം ഇല്ല. ഇനി തെളിവുകള്‍ മാത്രമാണ് ശരണം. ശക്തമാായ തെളിവുകള്‍ തേടിയുള്ള അന്വേഷണത്തിലാണ് പോലീസ്. കോളിളക്കം സൃഷ്ടിച്ച പല മാനഭംഗക്കേസുകളിലും പ്രതി ചേര്‍ക്കപ്പെട്ട സെലിബ്രിറ്റികള്‍ രക്ഷപ്പെട്ട ചരിത്രമാണ് കേരളത്തിലുള്ളത്. സുര്യനെല്ലിക്കേസിലും കിളിരൂര്‍ കേസിലും ഐസ്‌ക്രീം കേസിലുമൊക്കെ സെലിബ്രിറ്റി പ്രതികള്‍ രക്ഷപ്പെടുകയായിരുന്നു.



  • വൈദികനാവാന്‍ കൊതിച്ച ജിത്തുവിന് മാതാവ് കരുതിവച്ചതു ക്രൂരമായ മരണം; കൂസലില്ലാതെ പൊലീസിന് മുന്നില്‍ കൊലപ്പെടുത്തിയവിധം കാണിച്ച് ജയമോള്‍
  • ജിത്തുവിന്റെ സംസ്കാരം മുഖത്തല സെന്റ് ജൂഡ് ഓര്‍ത്തഡോക്സ് പള്ളി സെമിത്തേരിയില്‍
  • ജിത്തുവിന്റെ കൊല; അമ്മയ്ക്ക് മാനസിക രോഗമെന്ന വാദം തളളി നാട്ടുകാര്‍
  • ജിത്തുവിന്റെ മൃതദേഹം കത്തിച്ചശേഷം അടര്‍ത്തി മാറ്റിയെന്ന് പോസ്റ്റ്‌മോര്‍ട്ടം റിപ്പോര്‍ട്ട്
  • കണ്ണൂര്‍ സ്വദേശിയായ ഐഎസ് തീവ്രവാദി സിറിയയില്‍ കൊല്ലപ്പെട്ടു
  • ഭൂമി വിവാദം: തെറ്റു തിരുത്താല്‍ അഭിനന്ദനാര്‍ഹമെന്ന് സഭാ മുഖപത്രം
  • കേരളത്തെ നടുക്കി കൊല്ലത്ത് 14 കാരനെ അരും കൊലചെയ്തു; മകനെ വെട്ടിനുറുക്കി കത്തിച്ചത് താനെന്ന് മാതാവ്
  • മാണി മുന്നണി മാറുമ്പോള്‍ ബാര്‍ കോഴക്കേസ് വിജിലന്‍സ് അവസാനിപ്പിക്കുന്നു; റിപ്പോര്‍ട്ട് ഹൈക്കോടതിയില്‍ സമര്‍പ്പിച്ചു
  • ആലപ്പുഴയില്‍ സൂര്യനെല്ലി മോഡല്‍ പെണ്‍വാണിഭം; അറസ്റ്റിലായവരുടെ എണ്ണം അഞ്ചായി; പിന്നില്‍ ഉന്നത പോലീസ് ഉദ്യോഗസ്ഥരും
  • ദൃശ്യങ്ങള്‍ ദിലീപിന് കൊടുത്താല്‍ ഇരയുടെ സ്വകാര്യതയെ ബാധിക്കും- പോലീസ്
  •  
        © 2012 ukmalayalamnews.com All rights reserved. Powered by Phoenix Infoway